AYUB 15:5 - KITAB NU TUMPU ALLA LELE MA'IMAI'

⁵ Potatae nu beleyum atina' timbalimo sa'angu' na bukuti' saba' beleyum memang ahi' sala', panyo kalakuan nu beleyum anu ma'idek atina' nu kulubi nu potatae nu beleyum anu toto ima-ima'.

AYUB 15:5 ပူးပေါင်းရင်းမြစ်များ

AYUB 11:6

Ka' o'amalakon da nupotoaje nu Tumpu Allah hi beleyum, kalana kapandean aijo' manjoo' na ngangahannyo, ka' madi' opoko ala nusumbu' nu manusia. Sahingga mangalati'mo ahi' na beleyum saba' kasansala'an nu beleyum atina' ma'isa pe'e sangkuka, de opokakanakon tiba hukuman anu memang konanyomo na nu talima nu beleyum.

AYUB 12:6

Panyo kantumuu'an nu mian anu saja' batololang, madi' mongoa'i kasusa'an; mian anu baani na monggagakon Tumpu Allah, kantumuu'annyo sanang madi'ko anu mompoposia. Padahan aha ola taha'iman hi pilogot, ola posi kahosonan nu butong.

AYUB 15:4

De bisuannyo potatae nu beleyum atina otuluti, madi'mo ko anu mabuhuk kabai balado'a hi Tumpu Allah.

AYUB 22:5

panyo kalana nanjoo'mo hondo na dosa' nu beleyum, ka'talalo ahi' ma'idek na kalakuan anu binaumo nu beleyum.

AYUB 32:1

Kalana nusumbu' ahi' i Ayub totu-totu'u na butongnyo madi' ko kasala'annyo, sahingga aha totolu' na bela'nyo haha aijo' madi'mo daagi' nontaami ia.

AYUB 32:2

Panyo hi aha aijo' daagi' ko samian sanggonyo i Elihu anak i Barakheel, tulunan mae i Bus aha mae sa'anakan i Ram. Madi'mo pinoko intimnyo na idek nu kinyonyoanyo, kalana i Ayub nosi pototu'umo butongnyo, ka' nompisala'imo Tumpu Allah.

AYUB 5:12

Madi' pinobee'-Nyo na mian anu pande mongakali, sahingga usaha nu aha madi' noko ala nombau apa-apaa. Sinumbu'mo ka' i humpaknyomo na mian anu pande na monggoliliakon potataenyo, sahingga iwi-iwi na tanga'an nu aha madi' nongkaliangan, ka' aha ingakalanmo nu kapandean nu aha.

MAZMUR 64:3

Jagaiakon mae na aku da boli nusilakai mae nu anu lewa' basangaja' mombau anu palaganta, ka' mule' tanga'an nu to mia-mian anu pande hondo na mongakali ka' saja' mombau anu ma'idek.

YEREMIA 9:8

Potatae nu aha monsilakai hondo timbali mompatei susumo pana' anu ko bisa'nyo. Apaa na anu sola' nu taloakon nu aha saja' leko'. Potatae nu aha matami' hondo ka' timbali monggoda, panyo sabenannyo aha nonta'anmo so'o.

LUKAS 6:45

Mian anu ma'ima' montaeakon hahan anu ma'ima', kalana kinyonyoanyo buke' nu ka'ima'an. Mian anu ma'idek montaeakon hahan anu ma'idek, kalana kinyonyoanyo buke' nu ka'idekan. Kalana apaa na anu otaeakon nu nganga', aijo' mosabat lengkat i kinyonyoa.”

YAKOBUS 1:26

De daagi' ko toto samian anu mongoa'i butongnyo mian anu tulu-tulutan i agama, panyo ia madi' mombala'ingati jila'nyo, saba' ia mongakali posi butongnyo; ia monsombah Tumpu madi' ko kaliangannyo.