AYUB 15:30 - KITAB NU TUMPU ALLA LELE MA'IMAI'

³⁰ Madi'mo ko popalaiannyo na ia i kantumuu'annyo anu pintungmo hondo; apu montanggotimo iwi-iwi' na sumpenyo. Ia silakamo nu sawo nu Tumpu Allah.

AYUB 15:30 ပူးပေါင်းရင်းမြစ်များ

AYUB 15:22

Ia madi'mo ko popalaiannyo da monggoliliakon kantumuu'an anu pinintungmo, kalana bajak anu mompatei nololoi'mo ia maumo pa' moya na ia.

AYUB 15:23

Tomonsi' bonyia' nontanda'imo pa' hipian na tempo'nyo ia silaka, aha majo'ko'mo na mongkaan bangke'nyo. Jadi sininsumbu'mo na ia taalu' pinintungmo na kantumuu'annyo anu aiya mae i ahopnyo.

AYUB 15:34

Mian anu uwesan madi' mohumpak lee'; ola mingkot nukaan nu apu na laigan anu binaunyomo kalana han aijo' ola ka'untungan ia lewa' montinjohi ka' mompototu'u anu ko kasala'an.

AYUB 18:16

Iwi-iwi' na bakatnyo nanggasmo ka' nakadampihi'mo; iwi-iwi' na panga'nyo toto ise-ise' nanggasmo ka' nakapimo.

AYUB 18:18

Ia i uno nu jingka i laa'mo namba i uno nu pintung; i uno nu dunia nu mian anu tumuu' ia pinateanmo.

AYUB 20:26

Halata'nyo anu lewa' pino'una'nyo i ningkotmo; ia ka' iwi-iwi' na aha salaigan tinoyo'anmo nu apu anu madi' pinosun nu manusia.

AYUB 22:20

Iwi-iwi' na kakaya'an nu mian anu ma'idek na kinyonyoanyo nagalismo, na'idek, ka' tinoyo'anmo nu apu na anu daagi' tinontuha'.

AYUB 31:12

Dosa' aijo' mompatei sumomo apu nu nalaka, iwi-iwi' na anu daagi' hi belengku nutoyo'imo iwi-iwi'.

AYUB 4:9

Susumo bokon daka', sumo aitumo na Tumpu Allah mompatei aha, sahingga mohopu'mo iwi-iwi'!

AYUB 5:14

De sinaamo aha nu konamo mae nu pintung maha kanyanganmo susumo anu pihimo.

YESAYA 11:4

Mian anu kasiasi adin hondo na ia montantukan kaputusannyo, mian anu madi' monsumbu' apa-apaa na ulusan nu tinjohi ka' madi'; kopikilan tageo' hi mian aijo'; mian anu kokasala'an obee'i hukuman, mohongo palentahnyo, mian anu ma'idek na kinyonyoanyo nu patei.

YESAYA 30:33

Nai puan pe'e mae na nomposadia tampat pompapuian i tomundo' Asyur. Tampat aijo' maleeng ka' mule' bola ingisianmo kau' bau pomposuli anu pinaha potambunmo manjoo' hondo. Tumpu na saidi mae momposuli apunyo, sawo-nyo na mompuhi, pokakanamo ahi' susumo kaunyo nu belerang na kobohosnyo.

HOSEA 6:5

Aijo' na sababnyo sinaing-Kumo na to nabi-nabing-Ku da mompotoka hi belemiu kaputusan-Ku, saba' belemiu tionyo ahi' o hukumo ka' osilakaimo. Anu Ku kahanda'i hi belemiu natantumo ka' naningkoyamo.

MATIUS 22:13

Lantas tomundo aijo' notatae hi to poka-pokauhonnyo, ‘Segoti na tengke ka' lima nu mian aiya, ka' alin na ia i sambiha'nyo i tampat anu pikat. I kiijo' daagi' ko anu tumando' ka' sansala.’ ”

MATIUS 25:41

Lantas Tomundo aijo' notatae hi to mia-mian anu i sasu kowi-Nyo, ‘Lako'mo pokiijo', anu kinutukanmo! Pinsoopmo i uno nu apu anu madi' toho' mate, anu pinosadiakonmo i Setan ka' hi to mala-malaikatnyo!

MATIUS 8:12

Padahan to mia-mian anu sabenannyo timbali mian anu palesayamo hi Tumpu, o alin i kapintungan anu i sambiha'nyo. I kiijo' aha humaang ka' mongoa'i sansala.”

2 PETRUS 2:17

To gulu-gulu' anu madi' totu'u aijo' sumo mata nu uee anu noti'imo ka' sumo sehu' anu pinuuhakonmo nu antong. Pinotoukamo nu Tumpu na tampat sa'angu' ponguna'an aha anu talalo hondo pikat.

YUDAS 1:13

Pokakana sumo bokon anu mabohos hondo i ambai sinumelembua'mo sumo aitu mule' na anu nubau nu aha sinumelembua'mo na anu moko ambang. Aha sumomo to manda-mandala' anu madi' tataap na kajojoongannyo ka' anu tinoukanmo na tampat nu Tumpu i uno nu kapintungan anu talalo okabuhuk sampe toka sidu-sidutu'.

ANU PINOTO'I HI YOHANES 19:15

Lengkat mae i nganga'nyo nosabatmo samata na bajak anu matajom, ka' tiba bajaknyo aijo' nu hungku'ije saidi' mae na to bansa-bansa, ka' nu palentahje saidi' mae na aha nu tokon-Nyo besak. Ia mompao'je anggur i uno nu tampat pompao'an anggur tambuha' nu Tumpu Anu Matangkas na kuasanyo.