AYUB 14:2 - KITAB NU TUMPU ALLA LELE MA'IMAI'

² Ia minsumpe lantas mangkalualemo susumo bunga-bunga; susumo lolung monti-montiik madi'mo otoa.

AYUB 14:2 ပူးပေါင်းရင်းမြစ်များ

1 TAWARIKH 29:15

Osumbu' nu Belento o Tumpu, saba' susumo to aha-aha mompolee' mami, kami suele monjalani kantumuu'an aiya salaku mian anu tinokaje mae kabai mian anu lengkat mae i salipu'an. Kantumuu'an mami ola sumo loolung motulu, ka' kami madi' moko ala monggoliliakon da madi' silaka.

AYUB 15:33

Ia sumomo kau' anggur anu nohudu'mo na bua'nyo, sumomo kau' zaitun anu nohontangmo na bunganyo.

AYUB 4:20

Aha mian aijo' tumuu' daagi' subu lantas silakamo de mamalomo, ka' sampe toka sidu-sidutu' ia madi'mo daagi' o'inau'.

AYUB 8:9

Kantumuu'anto madi' pin, madi' osumbu-sumbu'to; sansina-sinaa kita tumuu' ola susumo lolung.

MAZMUR 102:11

kalana tambuha' nu Belento anu taha-tahahumo sahingga aku i hangkatmo ka' ingalinmo nu Belento.

MAZMUR 102:12

Kantumuu'anku ola sinaimpotulu sumomo lolung salatan malomo; aku nangkalualemo sumomo hemput.

MAZMUR 102:5

Aku nalawemo sumomo hemput anu nanggasmo; ka' madi'mo ko kinyonyoa mongkaan.

MAZMUR 144:4

Mian aijo' ola susumo mombun saimpotulu, susumo lolung motulu, sumomo aijo' na kantumuu'annyo.

MAZMUR 37:2

Kalana aha malia' mingkot susumo hemput, ka' mangkaluale susumo sosu'anon anu molumba'.

MAZMUR 39:5

“O Tumpu poto'imo mae pa' hipianmo na ukunku tokamo mae da kusumbu'mo taalu' talalo ahi' kodo' na umunku.”

MAZMUR 39:7

kantumuu'annyo ola saintomboliu susumo lolung. Iwi-iwi' na anu nu kalaja madi' mingkaliangan; ia montambun halata', panyo madi' nu sumbu' pa' ihe na mompalagunakon.

MAZMUR 92:12

Aku nontoamo anu nompobali' mae nahungku'mo, to mia-mian anu tinontinjomo nongewa mae aku, iwi-iwi' na tanga'an nu aha anu ma'idek i hongongkumo.

MAZMUR 92:7

Mian anu ponga' madi' hondo moko ala monsumbu' mian anu waweng madi' moko ala mompangalatii.

ANU MOMPOLELE POTATAE NU TUMPU 8:13

Panyo mule' ahi' mian anu ma'idek na palabuatannyo mohumpak kasusa'an. Kantumuu'annyo malia-lia' hondo madi' otoa susumo lolung. Ia de silakamo umunnyo ma'isa langkai' kabai bengkele'; kalana ia madi' tulu-tulutan hi Tumpunyo.

YAKOBUS 4:14

Apaa na anu timbali i kantumuu'an nu belemiu dodop, posi komiu pe'e madi' monsumbu'! Komiu ola sumo tibuk ola sasaingoni' na kantoan, lapas mae lanyapmo.

1 PETRUS 1:24

I uno nu Kitab nu Tumpu tinulismo sumo uuka, “Iwi-iwi' na manusia sumo hemput, ka' iwi-iwi na katalasanggoannyo sumo buhak nu hemput. Hemput mangkaluale, buhaknyo suele mohontang;