AYUB 14:13 - KITAB NU TUMPU ALLA LELE MA'IMAI'

¹³ Posulukmo mae na aku i uno nu dunia nu aha anu sinilakamo; jagaiakon mae na aku sampe Belento madi'mo daagi' motambuha'. Panyo patikolo mae ahi' na tempo'nyo sampe toka hipian na monginau' mae butongku.

AYUB 14:13 ပူးပေါင်းရင်းမြစ်များ

KAJADIAN 8:1

Tumpu Allah madi' mongkolilimi i Nuh ka' binatangnyo iwi-iwi' anu daagi' hi ia i uno nu kapan aijo'. Tumpu Allah nompotobungmo mombun, sahingga uee nontampu'unimo tinolo tutus.

AYUB 14:14

Kalana de bisuannyo manusia silakamo te ia daagi' po'ule' tumuu'? Toka sansina-sinaa na aku montanda'i sampe tokaje na tempo'nyo madi'mo ko kasansala'anku anu sumo aiya.

AYUB 7:9

Susumo kundom nohohungimo lantas madi'mo tinoa, manusia suele silaka, madi'mo po'ule' minsusule' mae. Iwi-iwi' na mian anu toho'mo nompahasumbu' tiba ia, nongkolilimimo ia ka' madi'mo nonginau' ia.

MAZMUR 106:4

Inau'akon mae na aku, O, Tumpu, kalana Belento mongkanonongi mian anu palesayamo hi Belento, tulungiakon mae suele mule' na aku, de Belento momposalamatmo aha.

NOSABATMO 12:23

Salatan Tumpu lumajangmo monsongkohi lipu' aiya kahanda mompateimo to ana-anak nu Mesir, nutoa nu Tumpu na baso' anu aijo' i ohua' na ohi' ka' aita' i buan nu sabatan i laigan nu belemiu, saba' ia ola lamba-lamba ka' madi' mompobee' Malaekat Kapatean mompinsoopi laigan nu belemiu, mompatei belemiu.

YESAYA 12:1

Tokaje mae na tempo'nyo belemiu manyanyimo: “O, Tumpu aku montalima kasehmo hi Belento, kalana Belento nohase'mo mae aku. Naipuan mae Belento nontambuha'imo mae aku, panyo uuka aiya Belento madi'mo notambuha'.

MARKUS 13:32

“Maumo sumo aitu, madi' ko samian pe'e na monsumbu' hipian na sinaanyo kabai hipian na jamnyo. To mala-malaikat i suluga' madi', ka' Anak pe'e madi' monsumbu', ola ahi' Tuuma na monsumbu'.

LUKAS 23:42

Lantas ia notatae, “Yesus, inau' mae na aku, de Kita po'ule'mo tokamo mae sumo Tomundo!”

SISIKON NU TO RASUL-RASUL 1:7

Tinaaman i Yesus, “Posi Tuumang-Ku na anu montantukan sinaa ka' tempo'nyo. Aijo' madi' palalu osumbu' nu komiu, kalana aijo' hak nu Tuumang-Ku.

SISIKON NU TO RASUL-RASUL 17:31

Kalana Ia nontantukanmo sa'angu' na tempo' da momputusi adi-adin songko-songko na dunia aiya. Kalaja aijo' nubauje nu samian anu noko pile'anmo nu Tumpu na mombau aijo'. Ka' da iwi-iwi' na mian palesaya totu-totu'u i han aijo', sahingga mian anu sinilakamo po'ule'mo pinotumuu' nu Tumpu!”