AYUB 14:1 - KITAB NU TUMPU ALLA LELE MA'IMAI'

¹ Salatanmo pe'e manusia aijo' pinohampe madi' moko ala mombau apa-apaa, ka' madi' mahoson; umunnyo kodo' ka' saja' mongoa'i sansala.

AYUB 14:1 ပူးပေါင်းရင်းမြစ်များ

KAJADIAN 3:17

Lantas Tumpu notataemo hi mo'ane aijo', “Beleyum nohongomo potatae nu bengkele' nu beleyum, lantas nongkaanmo bua' nu kau' anu tinewa'-Kumo boli okaan. Kalana apaa na anu binaumo nu beleyum aijo' sahingga tano' kinutukan-Kumo. Beleyum tionyo mokalaja make-makeke sampe toka sidu-sidutu' i uno nu kantumuu'an nu beleyum, da tano' aiya timbali mohasinakon kaanon anu sukup hi belemiu.

KAJADIAN 47:9

Tinaaman i Yakub, “Aku tinumuu'mo sa'atu ka tolumpulu'mo na taun salaku mian anu madi' tataap i sa'angu' na tampat. Kantumuu'anku saja' sinusa' ka' madi' tuu'an, de opokakanakon tiba umun nu mompolee'ku salaku mian anu madi' tataap i sa'angu' na tampat.”

2 TOMU-TOMUNDO' 4:19

Monti-montiik anak aijo' nolobo'mo hi tuumanyo, “Ibee! Ubakku nasakitmo!” “Boa na anak aiya hi tinanyo,” na koonyo nu tuumanyo hi samian na posaihonnyo.

AYUB 10:20

Ha, madi'mo pin aku silakamo, jadi pobakasmo na aku, sausa' da ku oa'imo nu tuha' nu kantumuu'anku aiya.

AYUB 15:14

Pa totu'u na manusia madi' toho' ko kasala'annyo? Te timbali na ia opototu'u i ahop nu Tumpu Allah?

AYUB 25:4

Te moko ala ahi' susi' na manusia i mata nu Tumpu Allah? Te moko ala ahi' na ia belesi, de nutoa nu Tumpu Allah?

AYUB 25:5

De Tumpu Allah na montoa, bitu'on pe'e madi' majingka, ka' binta-bintang nu anggap suhau'on.

AYUB 5:7

Misa'! Panyo lengkat mae hi manusia na anu mompotoka mae balaa' hi butongnyo, susumo bohotika' nu apu lengkat mae i apu aijo'.

AYUB 7:1

Manusia aijo' sumomo anu opakisa na montanga'i mombau apa-apaa; susa' hondo na kantumuu'annyo sumomo kantumuu'an nu mian anu mongala tambo;

AYUB 7:6

Kantumuu'anku anu madi'mo otaha'imani aiya, malia'mo mingkot na tempo'nyo, nuhungku'i na kolia'nyo nu mian anu montonun mompojalan sikusinyo.

AYUB 8:9

Kantumuu'anto madi' pin, madi' osumbu-sumbu'to; sansina-sinaa kita tumuu' ola susumo lolung.

AYUB 9:25

Kantumuu'anku sansina-sinaa tomboliu malia' hondo, ka' madi'mo tinoa-toa, madi' daagi' nongoa'i kasanangan.

MAZMUR 39:5

“O Tumpu poto'imo mae pa' hipianmo na ukunku tokamo mae da kusumbu'mo taalu' talalo ahi' kodo' na umunku.”

MAZMUR 39:6

Talalo ahi' sasaingoni' na tinantukan nu Belento na umunku! De hi Belento kopinnyo nu kantumuu'anku madi' ko alati'nyo. Memang, manusia ola susumo opuhakon nu sawo nu manusia,

MAZMUR 51:5

Kalana ku akuimo na kasala'an-kasala'anku, dosa'ku saja'mo sola' ku inau'.

MAZMUR 89:47

Hipian na kopinnyo na Belento madi'mo mae manintoa o, Tumpu? Hipian na kopinnyo na Belento motambuha' anu sumomo apu na komoaknyo?

ANU MOMPOLELE POTATAE NU TUMPU 2:17

Kalana aijo' kantumuu'an madi'mo ko gunanyo hi belengku, madi'mo ko sangga'atannyo. Iwi-iwi' madi'mo ko gunanyo aku ola ahi' taalu' mololoi' mombun.

ANU MOMPOLELE POTATAE NU TUMPU 2:23

Maumo apaa na anu binaunyomo tempo'nyo daagi ia tutuu' ola saja' ia sinansala ka' noko pa idekan kinyonyoanyo. Maumo pihi kinyonyoanyo suele ma' idekan ahi'. Jadi iwi-iwi' aijo' madi' ko gunanyo.

YEREMIA 20:18

Kadaka' aku pinohampemo? Ola da monta'up kasansala'an tiba kasusa'an? Ka' mule' da kantumuu'anku mompala'i anu moko ambang samata-mata?

MATIUS 11:11

Inau' pe'e! I dunia aiya ma'isa toho' ko mian anu lebe daka' molingkudui Yohanes anu Mompalamandikan. Maumo sumo aitu mian anu talalo ise' atina' hi mian anu palesayamo hi Tumpu lebe daka' molingkudui Yohanes.