AYUB 13:18 - KITAB NU TUMPU ALLA LELE MA'IMAI'

¹⁸ Anu jinadimo aiya i butongku ingitu-itumkumo da ku poto'imo; sinumbu'kumo na aku madi' koko opisala'i!

AYUB 13:18 ပူးပေါင်းရင်းမြစ်များ

AYUB 10:7

Sabenannyo nusumbu' nu Belento na aku aiya madi' ahi kosala'nyo memang totu-totu'u ahi' madi' sala'. Nusumbu' nu Belento saba' mau pe'e samian madi' moko ala momposalamat aku anu atina' i kakuasa'an nu lima nu Belento.

AYUB 12:4

Aku kinokojoanmo nu sangalu ka' mian anu mompahasumbu', yo aitu aku aiya hondo ahi' ka' madi' ahi' ko kasala'an. U'utu mae tinaaman nu Tumpu Allah na do'angku, de aku momoita tulung.

AYUB 13:17

Uuka aiya hongo ima-ima' na potataengku; hongo ima-ima' na anu ku tutuhakon.

AYUB 16:21

Paya', de timbali da Tumpu Allahmo ahi' na mompototu'u aku i ahopnyo; susumo samian anu halala' ahi' na mompototu'u bela'nyo.

AYUB 23:4

Da hi Iamo na ponsisikanku apa-apaa na anu jinadimo i butong ku aiya, ku lubatakonmo aiya i nganga'ku na potatae anu bau kahondoanku.

AYUB 27:6

Aku sabole-bole ahi' montoongi kalakuanku anu saja' hondo tulu-tulutan, ka' suele kinyonyoangku saja' belesi'.

AYUB 32:1

Kalana nusumbu' ahi' i Ayub totu-totu'u na butongnyo madi' ko kasala'annyo, sahingga aha totolu' na bela'nyo haha aijo' madi'mo daagi' nontaami ia.

AYUB 33:9

Beleyum notataemo, ‘Aku belesi' madi' nombau anu madi' opongala. Aku madi' ko alunyo ka' madi' nombau kasala'an.

AYUB 34:5

Koonyo i Ayub, ‘Madi' ko kasala'an hi belengku, panyo Tumpu Allah madi' mongka'oho' mombee'i apaa na anu adin hi belengku.

AYUB 6:29

Boli mombau apa-apaa madi' adin, sampamo ahi' sinsumbu'! Boli mae mongalu aku, aku na totu-totu'u ahi' madi' ko kasala'an.

AYUB 9:20

Aku tulu-tulutan hondo ka' madi' nombau dosa', panyo nganga'ku notataemo madi' ahi' sumo aijo'; batu-batu potatae anu nu anga'akonmo nu biwingku aijo sumomo mompisala'i butongku.

AYUB 9:21

Aku madi' sala' panyo madi' ku pajuli. Aku na'osamo na tinumuu'. Hi belengku madi'mo ko anu penting, anu kosala'nyo ka' anu madi' kosala'nyo pokakanamo na uki'nyo: Nupatei nu Tumpu ohu-ohua' aijo'.

YESAYA 43:26

Po ingat mae hi belengku, imbo' kita mambamo hi mian kopian, kalakmo na palakala nu beleyum da nyata'mo taalu' beleyum totu'u ahi'.

2 KORINTUS 1:12

Kami sanang kalana kinyonyoa mami na mompohoson kami, saba' kantumuu'an mami i dunia aiya – anu talalo hondo pompahasumbu'an mami tiba kita Utus – pinojalanmo mami ma'i-ma'ima' ka' sahondo-hondonyo. Kami nombau aijo' misa' kalana kapandean nu mian, panyo kalana kahosonan anu binee' nu Tumpu Allah.