AYUB 13:10 - KITAB NU TUMPU ALLA LELE MA'IMAI'

¹⁰ De belemiu matisangalu, maumo opohowini, belemiu nu hukum nu Tumpu Allah ma'idek hondo.

AYUB 13:10 ပူးပေါင်းရင်းမြစ်များ

2 TAWARIKH 19:7

Belemiu tionyo ahi' mabuhuk i Tumpu, ka' momputusi palakala tionyo ahi' opotutugakon ima-ima', kalana Tumpu Allah-nto mongka'ideki mian anu tageo' na kinyonyoanyo, anu momputusi palakala madi' adin kabai ko gau'mo da mohumpak tambonyo.”

AYUB 13:8

Pa' timbali na belemiu matisangalu hi Tumpu Allah, ka' mompototu'u Ia salaku anu montinjohi Ia?

AYUB 32:21

Madi' ko anu ku tinjohi maumo pa' ihe na aha anu painggaga aijo' ka' madi' ko anu lewa' ku puji'.

AYUB 34:19

Ia madi' montinjohi to tomu-tomundo, kabai lebe mompopodaka' mian anu kaya ka' madi' montapa-tapali mian anu talalo hodo kasiasi. Kalana aha iwi-iwi' Ia na nompotimbali.

MAZMUR 82:2

“Bolimo daagi' mombee'i kaputusan anu madi' adin, ka' boli montinjohi mian anu ma'idek na kinyonyoanyo.

YAKOBUS 2:9

Panyo de komiu madi' mompokakanakon mian, ka' ola mule' mombatuki adat nu dunia, komiu nombaumo dosa' ka' atulan nu Tumpu Allah momponyata'mo saba' komiu atina' nolanggaimo atulan.