AYUB 12:6 - KITAB NU TUMPU ALLA LELE MA'IMAI'

⁶ Panyo kantumuu'an nu mian anu saja' batololang, madi' mongoa'i kasusa'an; mian anu baani na monggagakon Tumpu Allah, kantumuu'annyo sanang madi'ko anu mompoposia. Padahan aha ola taha'iman hi pilogot, ola posi kahosonan nu butong.

AYUB 12:6 ပူးပေါင်းရင်းမြစ်များ

AYUB 12:5

Belemiu mongalu mian anu mohumpakmo kasilaka'an, belemiu na da madi' ahi' ko anu mompoposia, mian anu me ise-ise' manabu'mo odoke nu belemiu.

AYUB 12:7

Pokilawa hi tomonsi' ka' hi binatang sangga'at sahingga belemiu nubee'i pokinde' nu aha.

AYUB 15:13

beleyum notambuha'mo hi Tumpu Allah ka' nonggagakonmo Ia.

AYUB 22:18

Padahan Tumpu Allah na anu nompokayamo aha! Aku totu-totu'u madi' hondo monsumbu-sumbu' pikilan nu mian anu ma'idek na kinyonyoanyo!

AYUB 24:23

Tumpu Allah nombee'imo ia kantumuu'an anu ma'ima', panyo sabole-bole saja' nu potomatakon.

AYUB 9:24

Dunia aiya binee'mo nu Tumpu Allah hi mian anu palaganta, ka' to mia-mian kopian pinopahanyomo iwi-iwi'. Aijo' iwi-iwi' Tumpu Allah na nombau, de misa' Ia, yo ihemo?

MAZMUR 17:14

Boli mae na aku nupoposia nu to mia-mian anu montambun halata' nu aha i dunia aiya. Hukum na aha nu balaa' anu pinotoukamo nu Belento pohukum aha. Ka' to maku-makumpu nu aha suele ahi' o hukum.

MAZMUR 37:1

Mazmur i Daud. Boli bata-bata kalana palabuatan nu mian anu ma'idek na kinyonyoanyo boli pusa hi mian anu nombaumo palabuatan anu sala'.

MAZMUR 37:35

Aku toho'mo nontoa samian na anu ma'idek na kinyonyoanyo anu mongka'ima'i saja' buulon; ia sumomo ahi' kau' anu molumba' ka' bakatnyo naleengmo.

MAZMUR 73:3

kalana aku nongka'idekimo mian anu saja' takabun, salatan aku nontoamo mian anu ma'idek na kinyonyoanyo nohumpakmo dale'.

MAZMUR 92:7

Mian anu ponga' madi' hondo moko ala monsumbu' mian anu waweng madi' moko ala mompangalatii.

YEREMIA 12:1

“De ku poto'i na palakalangku hi Belento, o Tumpu, tantu saidi' mae onyata' je memang ahi' Belento na totu'u. Panyo aku ko kahanda'ahi' mompoto'i hi Belento mongkona han ka adilan: Kadaka' mian anu palabuatannyo ma'idek na mohumpak kantumuu'an ma'ima'? Ka' mule' kadaka' mian anu tageo' na kinyonyoanyo na mohumpak kabilahian?

YEREMIA 5:27

Susumo mian anu saja' mohakop tomonsi' nongisimo kalatannyo nu tomonsi' sumo aijo'mo na aha nongisi laigan nu aha nu bala-balang anu ihumpak kalana lewa' mongakali. Sumo aijo' na aha sahingga binalakuasamo ka' kinayamo.

YEREMIA 5:28

Ka' nolompo'mo ka' sinanangmo na kantumuu'an nu aha. Palabuatan nu aha anu ma'idek madi'mo ko batasnyo. Aha madi'mo kino ka adinan i uno nu palakala mongulus to ana-anak anu madi'mo ko tuumanyo tiba tinanyo, ka' madi' mompototu'uakon hak nu to mia-mian anu saja'mo osuka-sukai na mompalentah.

HABAKUK 1:11

Lantas sumo pinuhakon nu mombuun nambamo na mian haha aijo' anu monganggap kahosonan nu aha pokakanamo sumo pilogot nu aha.”