AYUB 12:23 - KITAB NU TUMPU ALLA LELE MA'IMAI'

²³ To bansa-bansa pinotimbali-Nyomo nanjoo' ka' binilahimo, lantas pinatean-Nyomo na aha sahingga nohopu'mo

AYUB 12:23 ပူးပေါင်းရင်းမြစ်များ

MAZMUR 107:38

Tumpu nombalakatimo aha da nanjoo' na anak nu aha, ka' binatang potuu'on nu aha nompaka panjoo'mo.

MAZMUR 107:39

Panyo aha pinatundu'mo ka' madi'mo nanjoo' kalana kasansala'an ka' talalomo pinosakisa hondo.

NOSABATMO 1:20

Sahingga Tumpu Allah nombalakatimo to bou-boune anu montulungi mompohampe anak, ka' nombee'imo lee' hi aha, kalana aha mongadati Tumpu Allah. Ka' mian nu Israel mule' nompaka panjoo'mo ka' to hoso-hoson.

NOSABATMO 1:7

Panyo lee' nu aha, aijo'mo to mia-mian Israel, nomolee'mo manjoo' hondo, ka' konjoo'nyo nu aha nompaka pintuangmo manjoo' hondo, sahingga nanjoo'mo hondo na aha i lipu' nu Mesir.

YESAYA 26:15

Belento nompaka ponjoo'mo kami mian anu palesayamo hi Belento, o, Tumpu, ka' nompaka po ewamo daerah mami kalana aijo' Belento iholomatanmo.

YESAYA 27:6

Tempo' anu aiya mae o, ahopi, bansa Israel pokakanamo susumo kau' mimbakatmo ka' ko pintu-pintuangnyomo ka' mule' monsongkohimo tano' aiya anu koko buanyo.

YESAYA 51:2

Inau' na mompolee' nu belemiu i Abraham, tiba i Sara anu nonompohampemo belemiu; tempo'nyo Aku nolagamo i Abraham, ia madi' kino anak; lantas binalakatan-Kumo na ia ka' binee'an-Kumo manjoo' hondo na lee'nyo.

YESAYA 60:22

ka' mule' auan anu madi' da'isan na miannyo ka' madi' talaholomat timbalimo bansa anu manjoo' na miannyo ka' mule' mahoson. Aku Tumpu sampamo, mompojadi aijo' ka' madi' sala' na tempo'nyo.”

YESAYA 9:3

Belento nongalinimo tanggungannyo anu maboat ka' kau' anu simbu-simbu ibikoangnyo. Belento nompatundu'mo bansa anu saja' monsakisa anu lewa' mombee'i tanggungan toto boa-boat hi mian anu palesayamo hi Belento. Pokakana susumo naipuan mae tempo'nyo Belento nompatundu'mo suludadu nu aha Midian.

YEREMIA 30:19

Mian anu jojoong ikiijo' mompuji'mo mae Aku nu nyanyian ka' montaligalaimo kalana lame'mo Ku pojadimo na aha da oholomati ka' madi'mo daagi sola' o'alu ka' konjoo'nyo nu aha mompaka pintuangmo.

YEREMIA 33:22

Ku pakatuangimo na lee' i Daud posaihon-Ku tiba aha to ima-imam tulunan nu bansa Lewi, sahingga kojoo'nyo saidi' mae sumomo ahi' bone' isonibi nu ambai ka' sumomo mandala' anu aita' ilangit anu madi'mo opoko ala olekeng.”

ZAKHARIA 10:8

Mian anu palesayamo hi beleng-Ku, Kulagamo ka' Ku posihukmo da mosa'angu'mo. Aha Ku pobebasmo ka' mule' Ku ponjoo'mo susumo naipuan mae.

SISIKON NU TO RASUL-RASUL 17:26

Lengkat i samian na mian Ia nombau iwi-iwi' na bansa ka' nompokau aha monjoongi songko-songko na dunia. Iamo suele na anu montantukan salatanmo pe'e i moonanyo, hipian ka' iya mae na aha timbali tumuu'.