AYUB 12:15 - KITAB NU TUMPU ALLA LELE MA'IMAI'

¹⁵ Uee nu ompok, sahingga mo'oti ka' timbalimo inanggasan iwi-iwi'; po'ule' nu lubani da mo'ili, sahingga nu anjuhakonmo nu iyaba'!

AYUB 12:15 ပူးပေါင်းရင်းမြစ်များ

KAJADIAN 6:13

Lantas Tumpu Allah notataemo hi Nuh, “Aku nontantukanmo da omingkotimo na kantumuu'an nu iwi-iwi' apaa na anu ko nyawanyo. Aku mohopu'imo aha tiba dunia, kalana dunia nobuke'mo nu ka uwesanan nu aha.

KAJADIAN 6:17

Aku mompotokamo mae iyaba' bau posilakai toto sa'angu' na anu ko nyawanyo i dunia. Iwi-iwi' na apaa i dunia tionyo ahi' silakamo.

KAJADIAN 7:11

Tempo'nyo umun i Nuh 600 mo na taun, kona i tanggan sampulu'mo ka' popitu' bitu'on ko ohua'nyomo, iwi-iwi' na matanyo nu uee i aluk nu dunia nobiha'mo. Iwi-iwi' na sabatan nu uee aita' i langit tinontuhea'mo,

KAJADIAN 8:1

Tumpu Allah madi' mongkolilimi i Nuh ka' binatangnyo iwi-iwi' anu daagi' hi ia i uno nu kapan aijo'. Tumpu Allah nompotobungmo mombun, sahingga uee nontampu'unimo tinolo tutus.

1 TOMU-TOMUNDO' 17:1

Daagi' ko samian na nabi, sanggonyo i Elia. Ia mian lengkat mae i Tisbe, sa'angu' na kota' i da'erah Gilead. Daagi' kino sansinaan ia tinokamo hi Tomundo' Ahab ka' notatae, “Jumo nu sanggo nu Tumpu anu tumuu' Tumpu Allah anu osombah nu mian Israel ka' anu kuku hongo na palentahnyo, ku poto'i hi belento Tuan, ohua' kabai totolu' na taun anu aiya mae i ahop madi'mo daagi' ko dondu'ok kabai ujan mau ola sangkiding, de ku poto'imo, yo atina' daagi'mo.”

1 TOMU-TOMUNDO' 17:7

Madi' pinin, panga'nyo nu kaunyo aijo' suele no'otimo kalana madi'mo daagi' kino ujannyo.

AYUB 12:10

Ia na mompalentah iwi-iwi' na kantumuu'an nu anu pinotimbali-Nyomo; ia na mongkuasai santuu' nu batu-batu manusia.

AYUB 28:25

Salatan mombun binee'an-Nyomo kahosonan ka' tinantukan-Nyomo na katokaannyo nu ambai;

YEREMIA 14:22

Pilogot nu to bansa-bansa madi' moko ala montudunakon ujan i tano'. Langit suele imadi' ahi' moko ala mombubusakon ujan nu posi kuasanyo. Ola-olanyomo ahi' Belento na anu otaha'imani mami. Belento na nombau aijo' iwi-iwi' sampe jinadi.

AMOS 5:8

Tumpu na nompotimbali to manda-mandala' aita' ilanga mandala' mian totolu' ka' mandala' mian da'isan. Ia nombabali'i pikat tinimbali na jingka ka' sinaa tinimbali pihi, uee lengkat mae i ambai binubusakon-Nyo i katano'an. Anu nombau iwi-iwi' aijo', sanggonyo aijo'mo Tumpu.

NAHUM 1:4

Ia nonsegaimo ambai ka' nompo 'otimo iwi-iwi' na kaunyo pinojadimo notiis na ueenyo. Bungkutnyo nu Karmel ka' iwi-iwi na padang anu kiijo' i Basan madi'mo na omuk ka' kiijo' i Libanon nagayoumo iwi-iwi' na bunga-bunga.

LUKAS 4:25

Panyo hongo: Tempo'nyo i Elia, tempo'nyo aitu madi' tinudun na ujan totolu' mintonga' na taun na kopinnyo, jinadimo na kapo'ohopan anu daka' i songko-songko na lipu'. Tempo'nyo aijo' manjoo' na to balu-balu i Israel.

PO'ULE' INGULIT 11:17

De belemiu molanggaimo palentah aijo', nutambuha'imo nu Tumpu na belemiu. Ia madi'mo mompodaagi' mae ujan; tano' miu timbalimo mapeges hondo, sahingga anu osu'an madi'mo ko hasinnyo. Sahingga ola sakinihap belemiu silakamo i tano' anu ma'omuk anu binee'mo nu Tumpu hi belemiu.

ANU PINOTO'I HI YOHANES 11:6

Aha daagi' ko kuasa mongkulubi langit da boli tudun mae na ujan hau-haunyo aha daagi' mombebakon lele lengkat mae hi Tumpu Allah. Aha daagi' suele ko kuasa mongkuasai iwi-iwi' mata nu uee, da mombali'i uee timbali baso'. Ka' aha daagi' mule' ko kuasa mondoke dunia nu iwi-iwi' na ngahan nu balaa', de aha kahanda'mo mombau.