AYUB 12:12 - KITAB NU TUMPU ALLA LELE MA'IMAI'

^12-13 Tinogilelemo, kapandean bapikin ola ohumpak hi mian anu matangkasmo na umunnyo, padahan kapandean bapikin ka' kahosonan ola ahi' hi Tumpu Allah. Koonyo nu mian monsumbu' apa-apaa ohumpak hi mian anu matangkasmo na umunnyo, padahan monsumbu' apa-apaa ka' kakuasa'an olamo ahi' ohumpak hi Tumpu Allah!

AYUB 12:12 ပူးပေါင်းရင်းမြစ်များ

1 TOMU-TOMUNDO' 12:6

Lantas i Rehabeam nomoitamo pokinde' hi to tu'a tu'nyo anu toho'mo lewa' nompokinde'i i Salomo, tuuma i Rehabeam. “Mosia na aku montaami mian haha aijo'?” na koonyo i Rehabeam, “Mosia na pokinde' i belemiu?”

AYUB 15:10

Kapandean bapikin aiya i humpak mami hi mian anu uwanonmo; aha polo-polo'mo daagi' ma'isa pe'e kino tuuma nu beleyum i hampe!

AYUB 32:6

lantas ia notataemo sumo uuka, “Aku daagi' olitau, panyo belemiu i langkai'mo, kalana aijo' aku mabuhuk ka' bata-bata na mompolubat pikilanku.

AYUB 32:7

De o'ala hi belengku, belemiu ahi' na pantas motatae, anu ahi' lebemo motu'a na pantas mombagi-bagi kapandeannyo bapikin.

AYUB 8:8

Mian anu toto pande-pande na bapikin naipuan mae tionyo ahi' saja' o'inau' ka'opotutugakon nu beleyum apaa na anu ingoa'anmo nu to mompo-mompolee'to.