AYUB 11:8 - KITAB NU TUMPU ALLA LELE MA'IMAI'

⁸ Kuasa-Nyo na lebe matangkas molingkudui kotangkasnyo nu langit; madi' nupoko ala nu kawe nu beleyum na kuasa-Nyo ka' madi' nupoko ala nuhumpak nu beleyum. Kuasanyo lebe maleeng molingkudui dunia nu mian anu sinilakamo, madi' nupoko ala nusumbu' totu-totu'u.

AYUB 11:8 ပူးပေါင်းရင်းမြစ်များ

2 TAWARIKH 6:18

Panyo, o Tumpu Allah, pa' totu-totu'u ahi' na belento sanang na jojoong i dunia aiya hi kami manusia? Langit iwi-iwi' ma di' sukup na ko ewanyo bau kajojoongan nu Belento, ka' aiyaje laigan anu kuba-kubau aiya ponsomban belento tantu lebe madi' sukup!

AYUB 11:9

Kuasa nu Tumpu Allah na lebe ewa molingkudui ewa nu dunia, ka' lebe bolaa molingkudui bolaanyo nu ndalangon.

AYUB 22:12

Te misa' Tumpu Allah jojoong ahi' aita' mae i langit anu matangkas hondo, ka' montudang mokaiyong, mandala' haha aijo' iwi-iwi' anu matangkas hondo?

AYUB 26:6

I ahop nu Tumpu Allah, dunia nu mian anu sinilakamo tuhe-tuhea' hi Tumpu Allah, madi' tinumban sahingga kantoan hi Ia.

AYUB 35:5

Sinda mokiita' i langit ka' jonohi ima-ima' mosia na kotangkasnyo na kundom haha aita'.

AYUB 37:23

Daka' hondo na kuasa nu Tumpu Allah-nto; madi' opoko alanto na mongohani Ia, ia madi' tageo' ka' saja' adin; ia madi' toho' monsansalai manusia.

AYUB 38:17

Pa' toho'mo mian nompotoa hi beleyum sabatan daka' i ahop nu dunia nu mian anu sinilakamo anu pikat hondo?

AYUB 7:9

Susumo kundom nohohungimo lantas madi'mo tinoa, manusia suele silaka, madi'mo po'ule' minsusule' mae. Iwi-iwi' na mian anu toho'mo nompahasumbu' tiba ia, nongkolilimimo ia ka' madi'mo nonginau' ia.

MAZMUR 103:11

Panyo sumo kotangkasnyo nu langit anu aita' mae, i buan nu tano' aiya sumo aitumo na kalibosan-Nyo kona hi mian anu tulu-tulutan hi Ia.

MAZMUR 148:13

Tionyo ahi' aha iwi-iwi' mompuji' sanggo nu Tumpu, kalana sanggo-Nyo lebe talasanggo molingkudui iwi-iwi' na sanggo; katalasanggoan-Nyo lebe matangkas molingkudui langit ka' tano'.

MAZMUR 36:6

O Tumpu kalibosan nu Belento matangkas hondo sumo langit ka' mule' kanonongan nu Belento toka-tokamo i kundom.

AMSAL 30:4

Iya na manusia anu toho'mo noliba' ka' nintatau' mae lengkat isuluga? Pa' toho'mo ia nongkongkomi mombun i uno nu limanyo ka' molupi' uee i uno nu baju'nyo, kabai nompotataap mo bata-batas nu dunia? Ihe na ia, ka' ihe na anaknyo? Tantu nusumbu' nu beleyum!

YESAYA 55:9

Sumo kotangkasnyo nu langit i buan nu tano' sumo atina'mo na kotangkasnyo nu pikilan-Ku molingkudui pikilan miu, ka' jalan-Ku molingkudui jalan nu belemiu.

AMOS 9:2

Mau pe'e aha moko ala mompinsoopi dunia nu mian anu silakamo. Ku humpak na aha. Mau mule' aha moliba' mokiita' i langit, Aku montau'akon mae aha lengkat i aita' mae.