AYUB 11:7 - KITAB NU TUMPU ALLA LELE MA'IMAI'

⁷ Te nupoko ala mule' nusumbu' nu beleyum totu-totu'u na tanga'an nu Tumpu Allah anu sahondo-hondonyo? Te nupoko ala mule' nusumbu' nu beleyum na kuasa-Nyo?

AYUB 11:7 ပူးပေါင်းရင်းမြစ်များ

AYUB 22:12

Te misa' Tumpu Allah jojoong ahi' aita' mae i langit anu matangkas hondo, ka' montudang mokaiyong, mandala' haha aijo' iwi-iwi' anu matangkas hondo?

AYUB 26:14

Panyo iwi-iwi' aijo' ola salaku bau pongibalatakon kuasa-Nyo; ola susumo anu ingoyongakon i bihingto. Talalo ahi' sangkiding na kita mompangalati'i Tumpu Allah ka' kakuasa'an-Nyo talalo ahi daka'!”

AYUB 27:11

Belemiu ku pogulu'imo kuasa nu Tumpu Allah anu daka' hondo, ku poto'imo hi belemiu na tanga'an nu Anu Daka' hondo na kuasanyo.

AYUB 33:12

O, Ayub, pikilan nu beleyum atina' sala' iwi-iwi'! Kalana Tumpu Allah ahi' na lebe daka' molingkudui manusia.

AYUB 33:13

Kadaka' beleyum montuukmo Tumpu Allah tukooyum Ia madi' mompajuli apa-apaa na anu nu kasusa'akon nu manusia?

AYUB 35:5

Sinda mokiita' i langit ka' jonohi ima-ima' mosia na kotangkasnyo na kundom haha aita'.

AYUB 36:26

Tumpu Allah totu-totu'u talalo ahi' talasanggo madi' opoko ala okiop to na tanga'an-Nyo kabai mombilang konjoo'nyo nu taun anu Nugunakon.

AYUB 37:23

Daka' hondo na kuasa nu Tumpu Allah-nto; madi' opoko alanto na mongohani Ia, ia madi' tageo' ka' saja' adin; ia madi' toho' monsansalai manusia.

AYUB 37:5

Kalana palentah nu Tumpu Allah, sahingga anu okabangangi jinadimo, anu okabangangi haha aijo' madi' opoko ala osumbu'to.

AYUB 42:3

Belento nompokilawamo hi belengku, kadaka' aku baanimo na mombata-batai kapandean nu Belento bapikin padahan madi' ko anu ku pisumbu-sumbu'. Aku ola nombisalakon hahan anu madi' ku sumbu' aijo'mo hahan anu talalo hondo ku kabangangi aiya.

AYUB 5:9

Iwi-iwi' na anu binaumo nu Tumpu Allah talalo hondo oka bangangi; madi' opoko ala osumbu-sumbu'to. Anu okabangangi iwi-iwi' bibinau-Nyomo madi' opoko ala osumbu'to na konjoo'nyo ka' madi' ko kamingkotannyo.

MAZMUR 139:6

Talalo hondo maleeng na ilimu' nu Belento aijo', madi'mo nupoko tokai nu pikilanku.

MAZMUR 145:3

Kalana Tumpu talasanggo ka' talalo hondo opuji', katalasanggoan-Nyo madi' opoko ala okiop.

MAZMUR 77:19

Gohung pinoli polintupo, kilat pinokalapitmo, dunia ginayu'anmo ka' i lakatnyomo.

AMSAL 30:4

Iya na manusia anu toho'mo noliba' ka' nintatau' mae lengkat isuluga? Pa' toho'mo ia nongkongkomi mombun i uno nu limanyo ka' molupi' uee i uno nu baju'nyo, kabai nompotataap mo bata-batas nu dunia? Ihe na ia, ka' ihe na anaknyo? Tantu nusumbu' nu beleyum!

ANU MOMPOLELE POTATAE NU TUMPU 3:11

Ia nontantukanmo tempo' anu madi' sala' hi iwi-iwi' na anu jinadimo. Ia nombee'imo anu oka'ima' into da monsumbu' apaa na aiya mae i ahop, panyo kita madi' moko ala monsumbu' palabuatan nu Tumpu daagi' pe'e i monanyo toka-toka imihinyo.

ANU MOMPOLELE POTATAE NU TUMPU 7:24

Ihe na moko ala mohumpak alati'nyo nu kantumuu'an aiya? Talalo hondo susa' na mompangalati'i.

YESAYA 40:28

Minsoop i, akan mule' na beleyum madi' monsumbu' ka' mule' madi' nohongo? Tumpu anu sampe toka sidu-sidutu' anu nompotimbalimo songko-songko na dunia aiya. Ia madi' toho' mongoa'i lawe kabai pa' lu'us; pikilan-Nyo madi' opoko ala osumbu'-sumbu'.

MATIUS 11:27

Lantas i Yesus notatae, “Iwi-iwi na apaa pinotalimamo nu Tuuma hi beleng-Ku. Madi' ko samian pe'e monsumbu' Anak, de misa' Tuuma. Madi' mule' ko anu monsumbu' Tuuma de misa' Anak, ka' to mia-mian maumo ihe na Anak aijo' monsisikakon Tuuma.

ROMA 11:33

Totu'u daka' na kakaya'an nu Tumpu! Totu'u daka' na kapandean-Nyo tiba ponsumbu'an-Nyo! Ihe na moko ala monsumbu' anu pinoko potantu-Nyomo? Ihe na moko ala monsumbu' bau-baunyo nu Ia mokalaja?

1 KORINTUS 2:10

Panyo Roh nu Tumpu na nomponyata'mo hi kita. Roh nu Tumpu aijo' na nonselidiki iwi-iwi' apaa, toka-toka i tanga'an nu Tumpu pe'e anu talalo mapohowini.

1 KORINTUS 2:16

I uno nu Kitab nu Tumpu tinulismo, “Ihe na monsumbu' pikilan nu Tumpu? Ka' ihe na moko ala mompokinde'i Ia?” Kitamo na anu ko pikilan pokakana tiba i Kristus!

EFESUS 3:8

Iwi-iwi' na mian anu palesayamo hi Tumpu, akumo na anu talalo madi' ko angga'nyo. Panyo Tumpu nombee'imo aku balakat aiya: kalaja da mompolele hi to mia-mian anu misa' Yahudi Lele Ma'ima' mongkona kakaya'an i Kristus anu madi' ko kamingkotannyo;