AYUB 11:15 - KITAB NU TUMPU ALLA LELE MA'IMAI'

¹⁵ Sahingga moko ala saban ka' baani na mongahopi kantumuu' an nu beleyum; beleyum tantu mahoson na tuminjo ka' madi' timbali mangada' na kinyonyoa,

AYUB 11:15 ပူးပေါင်းရင်းမြစ်များ

KAJADIAN 4:7

De beleyum nombaumo anu ma'ima', tantu beleyum tolomoing; panyo de beleyum nombaumo anu ma'idek, saba' dosa' montanda'imo minsoop i uno nu kinyonyoa nu beleyum. Dosa' kahanda'mo mongkuasai butong nu beleyum, panyo beleyum tionyo ahi' mohungku'i ia.”

AYUB 10:15

De aku mombaumo dosa' memang sisiku silakamo! Panyo de anu ku bau misa' anu oka'ideki, sabole-bole ahi' aku saja' otuuk nombaumo dosa'! Madi' baani na aku monlangakakon ubaku, kalana talalomo hondo mongoa'i susa' na kinyonyoangku ka' talalomo hondo na'ambang.

AYUB 22:26

Sahingga beleyum timbalije saja' sabole-bole palesaya hi Tumpu Allah, ka' nusumbu'mo nu beleyum taalu' ia ahi' na pinolengkatan nu kasanangan nu beleyum.

MAZMUR 27:1

Mazmur i Daud. Tumpu aijo'mo na jingkaku ka' kasalamatanku, madi'mo ko anu ku kabuhuk. Tumpu aijo'mo na benteng bau pihohunganku, aku madi'mo mabuhuk.

MAZMUR 27:3

Maumo ahi' aku otiku nu gombuan nu suludadu anu da'isan hondo, aku madi'mo mabuhuk. Maumo ahi' tokamo mae na anu mompahampateakon mongewa aku, aku tataap sabole-bole montaha'imani Tumpu.

MAZMUR 46:1

Mazmur nu aha sa'anakan i Korah. Aku mongkapalai panyanyi. Lagunyo lagu nu Alamot.

MAZMUR 46:2

Tumpu aijo'mo na pinsondo'an ka' timbali kahosonanto; Ia saja' sasadia ka' moko ala ahi' montulungi i uno nu kasusa'an.

AMSAL 14:26

Mian anu tulu-tulutan hi Tumpu madi' lewa' pusing na bapikin; ka' to utu-utusnyo ko anu monjagai.

AMSAL 28:1

Mian anu ma'idek na kinyonyoanyo mopadeka' maumo madi' ko anu mololoi, panyo mian anu hodi' na kinyonyoa, na baani ahi' susumo singa.

2 KORINTUS 1:12

Kami sanang kalana kinyonyoa mami na mompohoson kami, saba' kantumuu'an mami i dunia aiya – anu talalo hondo pompahasumbu'an mami tiba kita Utus – pinojalanmo mami ma'i-ma'ima' ka' sahondo-hondonyo. Kami nombau aijo' misa' kalana kapandean nu mian, panyo kalana kahosonan anu binee' nu Tumpu Allah.

1 TIMOTIUS 2:8

Ku kahanda'i da mau mule' iya mae na to momo'ane balado'a ming kinyonyoa ahi' anu susi', madi' pusa kabai ko po'uwalian.

1 YOHANES 2:28

Jadi to ana-anakku, saja' ahi' tumuu' mosa'angu' tiba i Kristus, da saidi' mae de tempo'nyomo Ia toka, kita buke-buke' nu kabaanian na mangadap hi Ia, ka' madi' maninsuluk kalana ma'ambang.