AYUB 11:14 - KITAB NU TUMPU ALLA LELE MA'IMAI'

¹⁴ Alinimo na dosa' i uno nu kinyonyoa nu beleyum ka' alinmo jo'o-jo'on na kalakuan anu ma'idek anu itina' i laigan nu beleyum!

AYUB 11:14 ပူးပေါင်းရင်းမြစ်များ

KAJADIAN 4:7

De beleyum nombaumo anu ma'ima', tantu beleyum tolomoing; panyo de beleyum nombaumo anu ma'idek, saba' dosa' montanda'imo minsoop i uno nu kinyonyoa nu beleyum. Dosa' kahanda'mo mongkuasai butong nu beleyum, panyo beleyum tionyo ahi' mohungku'i ia.”

2 TOMU-TOMUNDO' 17:13

Tumpu nonsaimo to mia-mian ka' to nabi-nabi-Nyo hi aha mian nu Israel ka' Yehuda da mompotokakon pokinde' sumo uuka: “Bolimo mombau anu madi' ma'ima' ka' o tulutimo na batu-batu palentah ka' atulan anu binee'-Kumo hi mompolee' nu belemiu ka' hi belemiu anu nu poto'ije nu to nabi-nabi ka' to posa-posaihon-Ku haha aijo'.”

AYUB 22:23

Po'ule'mo balatobat hi Tumpu ka' bolimo beleyum mindaka-daka' na kinyonyoa, ka' hahan anu ma'idek i uno nu laigan nu beleyum bolimo daagi' nu bau.

AYUB 22:5

panyo kalana nanjoo'mo hondo na dosa' nu beleyum, ka'talalo ahi' ma'idek na kalakuan anu binaumo nu beleyum.

AYUB 34:32

Pinoitamo nu beleyum da Nupoto'i mae na kasala'an nu beleyum? Binasumpa'mo na beleyum madi'mo mombau kalakuan anu susumo atina'?

AYUB 4:7

Soba tutugi, pa' toho' ko mian anu madi' ko sala'nyo nutokai mae nu susa' ka' balaa'?

AYUB 8:6

De kinyonyoa nu beleyum totu-totu'u hodi', ka' madi' kopisala'nyo, Tumpu Allah sampa montulungi beleyum; ka' salaku balosnyo, auwan nu beleyum mompo'ule' ma'ima'.

MAZMUR 101:2

Aku mompasangkilamo kantumuu'an anu madi' ko kasala'annyo. Hipianje na Belento toka mae hi belengku? Aku tumuu'mo susi' i laiganku,

YESAYA 1:15

De komiu balado'a mohangkat lima nu belemiu, saba' Aku madi' mompalahatikan. Aku madi' mompajuli mau manjoo' na do'a nu belemiu, Aku madi' mohongo, kalana lima nu belemiu aijo'mo na anu pinatean nu belemiu.

YAKOBUS 4:8

O'ohani na Tumpu, da Tumpu suele mongohanije komiu. Obaso'i na lima miu, komiu anu baladosa'! Ka' opolino na kinyonyoa miu, komiu anu mopanga' na kinyonyoa!

1 SAMUEL 7:3

Lantas notataemo na i Samuel hi aha mian nu Israel, “De belemiu po ule'mo monsombah Tumpu, ka' totu-totu'u ahi na kinyonyoa nu belemiu monsombah Ia, saba' tionyo ahi' belemiu mongalin iwi-iwi' na pilogot nu aha mian anu lengkat mae i salipu'an tiba patong nu Pilogot Boune Astoret. Bee'mo na butong nu belemiu totu-totu'u hi Tumpu ka' olamo Ia na osombah sahingga belemiu madi'mo opoposia nu aha mian Filistin.”