AYUB 10:9 - KITAB NU TUMPU ALLA LELE MA'IMAI'

⁹ Boli okolilimi saba' aku aiya tano' na binau nu Belento! Te toho' mule' aku aiya po'ule'mo nupotimbali nu Belento abu'?

AYUB 10:9 ပူးပေါင်းရင်းမြစ်များ

KAJADIAN 2:7

Lapas aijo' Tumpu Allah nongalamo sangkiding na tano', lantas kinompon-Nyomo ka' tinimbalimo samian na manusia, lantas pinuhakon-Nyomo na sawo anu mompotumuu' i uno nu bolo' nu sungnyo; sahingga tinumuu'mo na manusia aijo'.

KAJADIAN 3:19

Sansala ka' malisongu na mokalaja da tano' mohasinakon apa-apaa, sampe beleyum po'ule'mo minsusule' i tano', kalana beleyum tano' na kinompon. Beleyum tano' na binau ka' po'ule' minsusule' i tano'.”

AYUB 10:10

Pinobee'mo nu Belento na tuumangku nompotimbalimo aku ka' pinodaka'mo nu Belento na aku i uno nu kompong nu tinangku.

AYUB 17:14

Hagumku ku sanggohimo “Tuumangku”, ka' santo ia-ias nu tano' anu mongkaanmo butongku ku sanggohimo “Tinangku” ka' “Utuskumo boune.”

AYUB 33:6

De hi Tumpu Allah, beleyum ka' aku madi' ko bedanyo tano' ponto na kita kinompon-Nyo.

AYUB 34:15

saba' silakamo iwi-iwi' na anu ko nyawanyo, ka' manusia po'ule'mo timbali abu' susumo momonanyo.

AYUB 4:19

Apaa mule' aha mian anu tano' na binau aha mian asannyo abu' anu timbali opijak susumo atak.

AYUB 7:21

Te madi'mo Belento timbali mongampuni dosa'ku? Te madi'mo timbali Beleyum monsapui kasala'anku? Madi'mo pin aku male'mo i uno nu polamunan ka' de aku nulio nu Belento madi'mo daagi' nuhumpak nu Belento.”

AYUB 7:7

Inau'akon mae, O Tumpu Allah, kantumuu'anku ola sumo anu opuhakon nu sawo; kasananganku pa' noyamo madi'mo tinoa-toa.

MAZMUR 103:14

Kalana nusumbu' nu Tumpu, kita aiya apaa sabenannyo na binau, nu tutugi kita aiya ola abu' na gampanyo.

MAZMUR 104:29

De Belento molipai madi'mo montonto'i, aha mabuhukmo; de o alamo nu Belento na santuu'nyo nu aha, aha silakamo, ka' po'ule'mo timbali abu' susumo, momonanyo mae.

MAZMUR 106:4

Inau'akon mae na aku, O, Tumpu, kalana Belento mongkanonongi mian anu palesayamo hi Belento, tulungiakon mae suele mule' na aku, de Belento momposalamatmo aha.

MAZMUR 22:15

Kahosonanku iningkotmo sumomo uee anu tinombulokmo, iwi-iwi' na bukungku tinalabakasmo i losuannyo, kinyonyoangku jinumujumo susumo lilin.

MAZMUR 25:18

Toakon mae na kasansala'anku ka' kasusa'anku, ka' ampuniakon mae na dosa'ku iwi-iwi'.

MAZMUR 78:39

Ia tinonginau'mo saba' aha aijo' ola manusia anu madi' tumuu' toka sidu-sidutu', susumo mombun motulu ka' madi'mo mae minsusule'.

MAZMUR 89:47

Hipian na kopinnyo na Belento madi'mo mae manintoa o, Tumpu? Hipian na kopinnyo na Belento motambuha' anu sumomo apu na komoaknyo?

MAZMUR 90:3

Belento nonsaimo mian ninsusule' i pinolengkatannyo mae, tinimbalimo abu' susumo salatanmo pe'e momonanyo.

ANU MOMPOLELE POTATAE NU TUMPU 12:7

Butongto aiya minsusule'mo; timbalimo abu i dunia aiya. Napas te kantumuu'anto minsusule'mo hi Tumpu. Ia na nombee' salaku pongkalibosi'Nyo.

YESAYA 45:9

Silakamo na mian anu painggaga tiba anu Nompotimbali ia; ia pokakanamo sumo kuhon tano' anu madi' tulut hi mian anu nombau ia. Pa' toho' mule' tano' ponto nompokilawa hi anu nombaumo kuhon tano', “Apaa na kalaja nu beleyum atina'?” Pa' toho' mule' kuhon tano' motusa'tukoonyo anu nombaumo ia madi' pande?

YESAYA 64:7

Madi'mo ko anu balado'a hi Belento, kabai mongkakase da otulungi nu Belento kalana pinosulukmo nu Belento na ohup nu Belento da madi' otoa mami, ka' mule' nompojohokmo kami da osilakaimo nu dosa' mami.

YESAYA 64:8

Panyo Belentomo ahi' na Tuuma mami, kami tano' ponto na pinotimbali, ka' Belentomo ahi' na nontali' ka' Belento na nompotimbali.

YEREMIA 18:6

“O mian anu palesayamo hi beleng-Ku. Te Aku madi' moko ala mombau hi belemiu susumo anu binaumo nu mian anu biasa mombau kuhon tano' aijo' itano' ponto aijo'? Susumo tano' ponto ilima nu mian anu biasa mombau kuhon tano', sumo aijo'mo suele na belemiu i uno nu limang-Ku.

ROMA 9:21

Te misa' mian anu nombau tampat nu bunga aijo' ko hak mombau tano' kun aijo' iyaamo pongka'oho'nyo? Sangkompon na tano' kun, mian aijo' ko hak mombau ohua' na ngahannyo na tampat nu bunga: sa'angu' ma'ima' ka' sangga'at madi' talalo ma'ima'.

2 KORINTUS 4:7

Panyo halata' nu rohani anu ma'ima' hondo aijo' oboa i butong mami anu madi' ko olinyo aiya anu tano' na binau. Jadi desumo aijo' nyata'mo taalu' kakuasa'an anu daka' aijo' una-una' hi Tumpu misa' hi kami.