AYUB 10:7 - KITAB NU TUMPU ALLA LELE MA'IMAI'

⁷ Sabenannyo nusumbu' nu Belento na aku aiya madi' ahi kosala'nyo memang totu-totu'u ahi' madi' sala'. Nusumbu' nu Belento saba' mau pe'e samian madi' moko ala momposalamat aku anu atina' i kakuasa'an nu lima nu Belento.

AYUB 10:7 ပူးပေါင်းရင်းမြစ်များ

AYUB 10:15

De aku mombaumo dosa' memang sisiku silakamo! Panyo de anu ku bau misa' anu oka'ideki, sabole-bole ahi' aku saja' otuuk nombaumo dosa'! Madi' baani na aku monlangakakon ubaku, kalana talalomo hondo mongoa'i susa' na kinyonyoangku ka' talalomo hondo na'ambang.

AYUB 11:4

De beleyum na mompotutugakon potatae nu beleyum atina' madi' sala'; de beleyum na mongoa'i beleyum belesi' hi ahop nu Tumpu Allah.

AYUB 13:18

Anu jinadimo aiya i butongku ingitu-itumkumo da ku poto'imo; sinumbu'kumo na aku madi' koko opisala'i!

AYUB 23:10

Panyo Nusumbu' na kalakuanku ka' mule' apaa na anu ku bau. De lapangnyo susumo mosoni' aku o'uji', tantu osumbu'mo na kinyonyoangku, totu-totu'u molino.

AYUB 23:11

Aku tulu-tulutanmo hi Ia ka' mohongo-hongomo; madi'mo toho' aku mosele mompala'i jalan anu pinotiju'Nyomo.

AYUB 27:22

Balaa' anu nontuda'imo ia aijo' madi'mo nonginau' kalibosan, jadi bemanau' sahanyo ahi' nopalaimo molio paninsulukan.

AYUB 31:14

De madi', mosia na aku mongahopi Tumpu Allah-ngku? Apaa na bau pontaamingku de Ia tokamo mae momputusi pa lakalangku?

AYUB 31:35

Pa' madi'mo ko mian anu mongka'oho' mompotombihing potataengku? Aku basumpa' saba' memang totu'u na iwi-iwi' aijo'. O'amalakon da Anuje Daka na kuasanyo na montaami mae aku. De bisuannyo sangka'an nu anu mongka'ideki mae aku tinulis iwi-iwi' sahingga tinoangku,

AYUB 31:6

De timbali da Tumpu Allah montimbang aku i timbangan anu sahondo-hondonyo, da Nusumbu'je na aku taalu' madi' ko kasala'an.

AYUB 32:1

Kalana nusumbu' ahi' i Ayub totu-totu'u na butongnyo madi' ko kasala'annyo, sahingga aha totolu' na bela'nyo haha aijo' madi'mo daagi' nontaami ia.

AYUB 33:9

Beleyum notataemo, ‘Aku belesi' madi' nombau anu madi' opongala. Aku madi' ko alunyo ka' madi' nombau kasala'an.

AYUB 40:8

Pa' totu'u madi' nutalima nu beleyum na ka'adilan-Ku, ka' mompototu'u posi butong nu beleyum ka' mompisala'i mae aku?

AYUB 42:7

Salatan ilapasmo na notatae hi Ayub, Tumpu notataemo hi Elifas, “Ku tambuha'imo na beleyum ka' hi sangalu nu beleyum ua'aha aijo', kalana belemiu madi' mompoto'i anu ahi' sahondo-hondonyo mongkona Aku. Panyo i Ayub posaihonku aijo' madi' sumo aijo'.

AYUB 9:12

De ia na mongagoi, ihe na baani montewa' Ia, kabai baani mompokilawa hi Ia, “E, apaa na Nu bau?”

AYUB 9:21

Aku madi' sala' panyo madi' ku pajuli. Aku na'osamo na tinumuu'. Hi belengku madi'mo ko anu penting, anu kosala'nyo ka' anu madi' kosala'nyo pokakanamo na uki'nyo: Nupatei nu Tumpu ohu-ohua' aijo'.

MAZMUR 1:6

Kalana mian anu mohongo-hongo nu laya' ka' nu jagai nu Tumpu, panyo mian anu ma'idek na kinyonyoanyo mongahopimo kasilakaan.

MAZMUR 17:3

De Belento monguji' kinyonyoangku ka' de pihi na toka mae mompalesa aku, tantu osumbu'je nu Belento na aku memang ahi' sahondo-hondonyo na kinyonyoangku; potataengku madi' sala' sumomo ahi' pikilanku.

MAZMUR 50:22

Soba palahatikan, belemiu anu mongkolilimi Tumpu; bala ingati mae dumo belemiu Ku silakai, ka' madi' ko anu momposalamat.

MAZMUR 7:3

Boli opojohok mae na aha sumo singa monsa'umo mae ka' mohela'mo aku ka' madi'mo ko anu montulungi mae aku.

YESAYA 43:13

sampe toka sidu-sidutu' Akumo aiya na tataap Tumpu. Madi' ko anu madi' i uno nu kakuasa'an-Ku, kabai montewa' anu tinanga'an-Kumo.”

DANIEL 3:15

Jadi uuka aiya, balasadia na belemiu tolodadupu ka' monsombah patong aijo' salatan musik opo onyi'mo? De belemiu madi' mongka oho' belemiu lau-laus olumbu'akonmo mokiijo' i uno nu apu hau-haunyo noakmo. Ka' pilogot iya mae na anu moko ala momposalamat belemiu i uno nu kakuasa'anku?”

HOSEA 2:10

Ku langgo'imo na ia i ahop nu iwi-iwi' na sindua'annyo. Madi' ko samian pe'e na aha anu moko ala molapasakon ia i kakuasa'an-Ku.

HOSEA 5:14

Susumo singa montumbuhi sumo aijo'mo na Aku montumbuhi mian nu Israel tiba Yehuda. Posi Akumo na mombea-beak aha lantas Ku pala'imo. De Ku hela'mo na aha mamba madi' ko samian pe'e na moko ala mompolapas aha.

YOHANES 21:17

Kopintolunnyo i Yesus nompokilawa hi ia, “Simon anak i Yona, apaa beleyum mongkalibosi Aku?” I Petrus tinongkolibosonmo, kalana i Yesus nompokilawa hi ia sampe pinintolunmo. Sahingga i Petrus po'ule' nontaami, “Kita Tumpu, Kita Tumpu na monsumbu' iwi-iwi'. Nu sumbu' nu Kita Tumpu na aku mongkalibosi Kita Tumpu!” Lantas i Yesus notatae hi ia, “Palakaiyakon na domba-dombangku.

2 KORINTUS 1:12

Kami sanang kalana kinyonyoa mami na mompohoson kami, saba' kantumuu'an mami i dunia aiya – anu talalo hondo pompahasumbu'an mami tiba kita Utus – pinojalanmo mami ma'i-ma'ima' ka' sahondo-hondonyo. Kami nombau aijo' misa' kalana kapandean nu mian, panyo kalana kahosonan anu binee' nu Tumpu Allah.

PO'ULE' INGULIT 32:39

Soba toa, olamo Aku sa'a-sa'angu'nyo na Tumpu Allah, madi' ko Tumpu Allah sangga'at, olamo ahi' Aku. Aku mompatei ka' mompotumuu', mombelai ka' mompa'alin. De aku mombaumo apaa na anu ku kahanda'i, madi' ko samian pe'e na anu moko ala mongewa.

1 TESALONIKA 2:10

Kami tumuu' susi', totu'u ka' madi' ko kasala'an hi komiu anu pinalesayamo hi Kristus. Komiumo na to saki-sakisi mami, ka' suele mule' Tumpu.

YOSUA 22:22

“Anu Daka' na kuasanyo aijo'mo Tumpu! Nu sumbu' kadaka' kami nombaumo sumo aiya, da belemiu suele monsumbu' apaa na anu okahanda'i mami! De kami mombau anu sumo aijo' ko kahanda' madi'mo mohongo-hongo Tumpu, kabai kalana kami madi'mo palesaya hi Ia, bakasmo da kami silakamo uuka aiya!