AYUB 1:5 - KITAB NU TUMPU ALLA LELE MA'IMAI'

⁵ Salatan lapasmo na bau-bauon i Ayub mobulamo subu-subu ka' nonsombahkonmo koloban kona hi to ana-anaknyo toto samian da aha nu'ampuni nu Tumpu. Kalana nututugi i Ayub ihe na monsumbu'anaknyo haha aijo' binaladosa'mo ka' nongalumo Tumpu Allah mau madi' tinotonggolakon.

AYUB 1:5 ပူးပေါင်းရင်းမြစ်များ

KAJADIAN 22:3

Dodo-dodopnyo daagi' subu-subu, i Abraham nombiha-biha'mo kau' bau pompapui koloban ka' nombutu'mo kau' aijo' pinosake'nyo i keledainyo. Ia namba tiba i Ishak ka' ua'aha na mian posaihonnyo mamba i tampat anu pinoto'i nu Tumpu Allah hi ia.

KAJADIAN 6:5

Tinoa nu Tumpu ma'idek hondo na kalakuan nu to mia-mian i dunia; iwi-iwi' na pikilan nu aha aijo' saja' ma'idek.

KAJADIAN 8:20

I Nuh nombaumo sa'angu' na mezbah bau ponsombahkonan koloban hi Tumpu. Toto sangahan na tomonsi' ingalanyo sa'angu' ka' binatang sangga'at anu timbali okaan. Lantas sinombahkonnyomo salaku koloban anu opotunu i mezbah aijo'.

1 TOMU-TOMUNDO' 18:31

Ia nongala sampulu' ka' ohua' na batu, toto sa'angu' na batu mowakini sa'angu' na lee' mae i Yakub, aijo'mo mian anu sinanggohanmo nu Tumpu Israel.

1 TOMU-TOMUNDO' 21:10

Pokau na mian anu uwesan Ua'aha sumuhang mompaha ahop tiba ia ka' montuuk i Nabot au' aitu ia nontotobi'akonmo Tumpu Allah tiba tomundo'. Lantas boa na aha i sambiha' nu kota' ka' pahambunu'akon nu batu sampe mate!”

1 TOMU-TOMUNDO' 21:13

Mian anu uwesan ua'aha aijo' sinumuhangmo mompaha ahop i Nabot, ka' i ahop nu mian da'isan aha nontuukmo ia au' aitu ia nontotobi'akonmo Tumpu Allah tiba tomundo'. Kalana aijo' ia sinabatakonmo i kota' ka' pinahambunu'akonmo nu batu sampe ia nate.

NEHEMIA 12:30

To ima-imam ka' aha to mia-mian nu Lewi haha aijo' nombaumo adat momposusi' butong nu aha lapas aijo' ahamo mian da'isan, ka' mule' iwi-iwi' na sabatan daka' ka' pagan mesen nu kota'.

AYUB 1:11

Panyo de maluannyo iwi-iwi' na kakaya'annyo aijo' o'alamo nu Belento, tantu nutotobi'akonmo na belento!”

AYUB 1:4

Aha popitu' na to ana-anak mo'ane i Ayub ko kabiasa'an saja' mombau bau-bauon i laigan nu aha toto samian mobolo-bolos. I bau-bauon aijo' aha toto-totolu' na anak i Ayub anu toto bou-boune suele ahi' olaga, lantas aha mongkakaanmo ka' monginu-inum hingga-hinggat.

AYUB 2:9

Bengkele'nyo notataemo hi ia, “Te daagi' mule' totobo' na beleyum sabole-bole montuluti Tumpu Allah? Donganmo o, totobi'akon na la, lantas mangkongmo!”

AYUB 27:10

Sabenannyo ia saja' ahi' mongindi kasanangan anu lengkat mae hi Tumpu Allah, ka' balado'a hi Ia boli ma'osa.

AYUB 41:25

De ia tuminjomo mian anu baani maid'mo ko kabaniannyo, timbalimo lundeng kalana talalomo hondo nabuhuk.

AYUB 42:8

Jadi, uuka aiya alamae na sapi' lakinyo popitu', ka' domba lakinyo popitu', ka' lambamo hi Ayub. Lantas sombahkonmo na aijo' iwi-iwi' salaku koloban anu opotunu bau pongampuni belemiu. Nudoa'akonje i Ayub na belemiu ka' do'anyo Ku talimaje. Belemiu madi'mo Ku ambangi, maumo sabenannyo belemiu pantasmo na mohumpak hukuman. Belemiu madi' nompoto'i anu sahondo-hondonyo mongkona butong-Ku, padahan i Ayub na nontaloakonmo ahi'.”

AYUB 6:14

I uno nu mongoa'i sansala susumo aiya ku taha'imani da toka mae na sangalu anu mongkanonongi. Pa' aku daagi' sabole-bole tulu-tulutan kabai madi'mo mohongo-hongo Anu Daka' na kuasanyo.

AYUB 8:4

Ihe na monsumbu' ugaat to ana-anak nu beleyum binaladosa'mo hi ia, jadi konanyomo ahi' na aha nohumpak hukuman hi Ia.

MAZMUR 5:3

De timbali talimakon na anu ku kakase aiya ka' tulungiakon mae na aku, O Tomundo'ku ka' Tumpu-ngku.

NOSABATMO 18:12

Lapas aijo' i Yitro nomboamo tino pia-piangkuka na koloban anu otunui ka' koloban anu o kolot da osombahkon hi Tumpu Allah. I Harun ka' to pola-polaya' iwi-iwi' nu aha bansa Israel tinokamo ka' nongkaanmo hingga-hinggat tiba i Yitro ka'ingatuhanmo nu Tumpu Allah.

NOSABATMO 19:10

Uuka aiya lako'mo singkaboti na mian haha aijo', ka' pokau na aha sinaa aiya ka' dodop momposadiamo butong da monsombahmo mae. Aha tionyo ahi' mombaso'i hude nu aha.

NOSABATMO 24:5

Lantas i Musa nonsaimo to pia-piangkuka na olitau ka' aha nonsombahkonmo koloban anu otunui bau bagi nu Tumpu, ka' mule' nongkolotmo to pia-piangkuka na sapi' da bau koloban paladamean.

ANU MOMPOLELE POTATAE NU TUMPU 9:10

Baumo na pakalaja'an nu beleyum iwi-iwi' nu kahosonan nu butong nu beleyum. Dumo saidi' mae madi'mo ko pikilan kabai pakalaja'an Madi'mo ko ilimu' kabai kapandean bapikin i dunia nu mian anu sinilakamo. Ka' mokiijo'mo na kalambanan nu beleyum.

YEREMIA 4:14

O Yerusalem alinmo na palabuatan anu ma'idek anu lengkat ikinyonyoa nu beleyum da beleyum oposalamatmo. Sampe toka hipian na kopinnyo na pikilan toto ide-idek haha aijo' daagi' opo una' nu beleyum i uno nu kinyonyoa nu beleyum?

YEHEZKIEL 14:14

Maumo ahi' i Nuh, i Danel tiba i Ayub jojoong itampat aijo' saba' kanonongan nu kinyonyoa nu aha totolu' aijo' ola ahi' timbali momposalamat posi nyawa nu aha. Aku Tumpu Anu Matangkas na Kuasanyo notataemo.

LUKAS 1:75

saja' tulut hi Ia ka' momposanang kinyonyoa-Nyo i uno nu kantumuu'anto.

LUKAS 18:7

Yo, te Tumpu madi' montinjohi palakala nu mian anu palesayamo hi Ia, anu momoita tulung hi Ia sinaa ka' malom? Te Ia montunda-tunda tempo' na montulungi aha?

YOHANES 11:55

Tempo'nyo aitu ohanimo na Sinaa Daka' Paskah Yahudi. Da'isan na mian nolengkat mae i kampung ise' nambamo i Yerusalem mombau adat mombaso'i butong da ma'isa pe'e lamean aijo' toka.

SISIKON NU TO RASUL-RASUL 21:26

Sahingga i Paulus namba tiba aha opat na mian aijo' lantas nombau adat momposusi' butong nohingga-hinggat tiba aha dodododopnyo. Lapas aijo' aha ninsoop nokiijo' i Laigan nu Tumpu da mompoto'i saba' daagi' to pia-pian sinaa atina'je ka' adat momposusi' aijo' mingkotmo ka' koloban nu aha toto samian o sombahkonmo.

SISIKON NU TO RASUL-RASUL 8:22

Kalana aijo' pala'imo na tanga'anum anu ma'idek aijo', ka' poita hi Tumpu da Nu ampuni na pikilanum anu ma'idek aijo'!

1 KORINTUS 4:5

Mokonyo aijo', kalana misa' pe'e tempo'nyo, boli komiu lia-lia' montantukan batu-batu mian kosala'nyo kabai madi'. Tanda'i tokaje na Tumpu. Iaje na mompoto'i iwi-iwi' lahasia anu sulu-suluk i uno nu pintung. Iaje na mompotalang tanga'an anu sulu-suluk i uno nu kinyonyoa nu mian. Tempo'je aitu ka' batu-batu mian mohumpak pompuji' lengkat hi Tumpu anu patut nu talima.

2 KORINTUS 11:2

Aku molibos hi beleyum, sumo Tumpu suele molibos hi beleyum. Komiu sumo samian na anak langkoyang anu ma'isa toho' no'osoa, anu daagi' susi' anu jinanji'kumo da oponika'mo tiba samian na mo'ane, aijo'mo i Kristus.

EFESUS 6:18

Bau na iwi-iwi' aijo' ka' balado'a salaku pompoita tulung hi Tumpu. Iwi-iwi' na kasampatan tionyo balado'a susumo anu pinotiju'mo nu Roh nu Tumpu hi komiu. Tionyo ahi' komiu saja' mogogau' ka' boli mangaku matundu'mo. Saja' odo'akon na mian iwi-iwi' anu palesayamo hi Tumpu.

1 SAMUEL 16:5

Tinaaman i Samuel, “Memang totu'u aku toka monsombahkon koloban hi Tumpu. Jadi posusi' pe'e na butong nu belemiu da timbali mamba i tampat pongkolobanakonan koloban aijo'.” I Isai tiba to ana-anaknyo suele pinokaunyo da momposusi' butong nu aha toto samian ka' ilaganyo suele da mamba i tampat pongkolobanakonan koloban aijo'.