AYUB 1:21 - KITAB NU TUMPU ALLA LELE MA'IMAI'

²¹ “Aku ihampeakon ola lima sampulu' sumo aitu mule' na aku de silakamo ola butong hondo-hondo. Tumpu na nombee'mo, Tumpu mule' na mongala. Ku puji' na sanggo-Nyo.”

AYUB 1:21 ပူးပေါင်းရင်းမြစ်များ

KAJADIAN 3:19

Sansala ka' malisongu na mokalaja da tano' mohasinakon apa-apaa, sampe beleyum po'ule'mo minsusule' i tano', kalana beleyum tano' na kinompon. Beleyum tano' na binau ka' po'ule' minsusule' i tano'.”

KAJADIAN 30:2

I Yakub nontambuha'imo i Rahel ka' notatae, “Aku aiya misa' Tumpu Allah. Ia na nompotimbali beleyum madi' mohumpak anak.”

KAJADIAN 45:5

Boli mabuhuk kabai monsosoli butong nu belemiu kalana belemiu nompobalukmo aku. Sabenannyo Tumpu Allah na nompopohimoonakonmo nomboa mae aku no'uuka, atina'je ka' belemiu da momposalamat mian da'isan.

2 SAMUEL 16:12

Ihe na monsumbu' Tumpu montoakonmo mae kasansala'an anu ingoa'ankumo aiya ka' mombalakatimo mae aku salaku bau pombolosi mae totobi' anu binee'mo mae hi belengku.”

1 TOMU-TOMUNDO' 12:15

Apaa na anu pinoita nu mian da'isan madi' pinajuliannyo. Panyo' aijo' memang pongka'oho'mo nu Tumpu. Apaa na anu pinoto'imo nu Tumpu hi Nabi Ahia kiijo' mae i Silo mongkona i Yerobeam anak i Nebat tionyo jadi.

2 TOMU-TOMUNDO' 20:19

Tinaaman i Tomundo' Hizkia, “Ma'ima' mule' na potuunon nu Tumpu anu pinotokamo nu beleyum hi belengku,” Tinaamannyo sumo aijo', kalana tinutugannyo: “Asan kalaja'anku de daagi' aku tutuu' sabole-bole saja' ma'i-ma'ima' mae madi' ko anu mompoposia ka' saja' bilahi.”

NEHEMIA 9:5

Aha nonsombahmo Tumpu Allah nu aha i sinaa aitu tinampu'unan nu aha to mia-mian nu aha Lewi aijo'mo: i Yesua, i Kadmiel, i Bani, i Hasabneya, i Serebya, i Hodia, i Sebanya, ka' i Petanya. Aha notataemo: “Tinjomo ka' puji' na Tumpu Allah-nto! Opuji' na Ia sampe toka sidu-sidutu'! Opuji' na sanggo-Nyo anu saja' opopodaka', sanggo anu opalias molingkudui iwi-iwi' na bau pompuji'.”

AYUB 1:11

Panyo de maluannyo iwi-iwi' na kakaya'annyo aijo' o'alamo nu Belento, tantu nutotobi'akonmo na belento!”

AYUB 2:10

Tinaaman i Ayub, “Beleyum motatae sumomo mian anu ponga'! Te toho' mule' kita ola saja' mongka'oho' mongala anu ma'ima' hi Tumpu Allah, lantas anu madi' ma'ima' na madi'mo o'alanto?” Jadi maumo i Ayub nongoa'imo iwi-iwi' na balaa' anu susumo aijo' panyo ia madi' nontaloakon potatae anu mompisala'i Tumpu Allah.

AYUB 9:12

De ia na mongagoi, ihe na baani montewa' Ia, kabai baani mompokilawa hi Ia, “E, apaa na Nu bau?”

MAZMUR 34:1

Mazmur i Daud, tempo'nyo ia nimpula-pulamo madi'mo noko ala binapikin i ahop i Abimelekh, sahingga ia ila'mo lantas ia nambamo.

MAZMUR 34:2

Aku montalimakasemo hi Tumpu sansina-sinaa ka' madi' belenti na mompuji' Ia.

MAZMUR 39:9

Pimpaliakon mae na aku idosa'ku iwi-iwi', boli opojohok na aku sola'mo nu kokojoi nu mian anu ponga'.

MAZMUR 49:17

Boli mabuhuk de maluanyo samian timbalimo kaya, ka' halata'nyo mompaka panjoo'mo.

ANU MOMPOLELE POTATAE NU TUMPU 12:7

Butongto aiya minsusule'mo; timbalimo abu i dunia aiya. Napas te kantumuu'anto minsusule'mo hi Tumpu. Ia na nombee' salaku pongkalibosi'Nyo.

ANU MOMPOLELE POTATAE NU TUMPU 5:14

Kita i hampeakon langgo-langgo' sumo aitu mule' de kita mompala'imo dunia aiya madi' momboa apa-apaa anu i humpak nu lawento.

ANU MOMPOLELE POTATAE NU TUMPU 5:15

Aijo' totu-totu'u moko susa' hondo kinyonyoanto. Kita mamba sumomo tempo'nyo kita uuka aiya tinoka mae. Kita ola ahi' malawe na mololoi' mombun ka' apaa na hasinnyo?

ANU MOMPOLELE POTATAE NU TUMPU 5:19

Tumpu nongganapimo tanga'an nu kinyonyoa nu mian aijo' nu kalame'an sahingga ia madi'mo daagi bata-bata na mompopikilakon kantumuu'an anu ola sasaingoni' aiya.

YESAYA 24:15

ka' mian anu isasu kinsoban mompuji'mo Ia. Mian nu jojoong isonibi nu ambai mompuji'mo katalasanggoan nu Tumpu, Tumpu Israel.

YESAYA 42:24

Ihe na nombee'mo Israel da pinahuhuakon? Temisa' Tumpu ahi'? Hi Iamo na kita binaladosa'mo, kita madi'mo tinumuu' nombatuki palentah-Nyo, ka' madi'mo nontuluti pangajalan-Nyo.

YESAYA 45:7

Akumo na nompotimbali jingka tiba pintung, Aku na mompotoka mae balakat tiba balaa'. Akumo na Tumpu nonombaumo iwi-iwi' aijo'.

MOHAANGI 3:38

Ka'ima'an ka' ka'idekan opojalan ola kalana palentah nu Tumpu.

AMOS 3:6

Te toho' mule' mian i kota', madi' nu lakat de mohongomo onyi' nu tolompet tandanyo mahampatemo? Ugaat mule' sa'angu' na kota' nukona nu balaa' de Tumpu madi' nombee' i balaa'?

MATIUS 20:15

Apaa aku madi' timbali mombau posi pongka'oho'ku i posi anungku? Kabai beleyum madi' sanang kalana aku manonong?’ ”

SISIKON NU TO RASUL-RASUL 4:28

Aha nosa'angu' da mombau apa-apaa, anu tinantukanmo nu Kita momonanyo saba' aijo' tionyo timbali. Ka' Kita montantukanmo aijo' nu kakuasa'an ka' posi Pongka'oho'-To.

EFESUS 5:20

Mau mule' pa' apaa tionyo komiu saja' montalima kase hi Tumpu Tuuma i uno nu sanggo i Yesus Kristus Tumpunto.

1 TESALONIKA 5:18

I uno nu han iwi-iwi' tionyo ahi' komiu saja' montalima kase, kalana aijo'mo na anu nu ka'ima'i nu Tumpu hi komiu, sumo mian anu tumuu' mosa'angu' tiba i Kristus Yesus.

1 TIMOTIUS 6:7

Kalana madi' ko sa'angu'nyo pe'e na anu binoantomo i uno nu dunia aiya, ka' madi' ko sa'angu'nyo pe'e suele na anu opoko ala oboanto mosabat mompata'i dunia aiya!

YAKOBUS 1:17

Batu-batu taju anu ma'ima' ka' palasen anu ma'ima' pinolengkatannyo mae i suluga', tinau'akon nu Tumpu, anu Nompotimbali iwi-iwi na anu ma jingka i langit. Iamo na Tumpu anu madi' mongabali' ka' madi' mule' monsaduakon kapintungan mau mule' pa' mosiamo.

YAKOBUS 5:11

Aha osanggohi mohumpakmo ka'ima'an kalana aha madi' nompele-pele'. Komiu nohongomo i Ayub sinaban, ka' komiu nonsumbu'mo mosia na Tumpu imihinyo nombalakati ia. Kalana Tumpu talalo hondo mongkalibosi ka' manonong.

I RUT 1:21

Tempo'nyo aku nompala'imo aiya, iwi-iwi' daagi' hi belengku, panyo uuka aiya Tumpu nonsule'akonmo mae aku madi'mo ko apa-apaa me lima sampulu'. Mokonyo aijo' bolimo belemiu molaga aku i Na'omi, kalana Tumpu Anu Daka' na kuasanyo nohukumo aku manjoo' hondo na kasala'an!”

1 SAMUEL 2:7

Daagi ko mian anu pinokasiasiNyomo hondo, daagi mule' ko anu pinotimbaliNyomo da kinayamo. Daagi ko mian anu tinau'akonNyomo daagi mule ko mian anu ihangkatNyomo mata-matangkas.

1 SAMUEL 2:8

I uno nu kasusa'an ihangkatNyomo na mian anu madi' ko apa-apaa, i uno nu kasansala'an pinobebasNyomo na mian anu madi' kokaliangannyo. Aha pinotimbalimo sangalu nu to mia-mian tulunan nu mian daka', ka' binee'anmo pangkat anu o angga'i. Paningkokoan nu dunia, nu Tumpu, ka' aita'i buannyo na pinombauanNyo dunia.

1 SAMUEL 3:18

Lantas sinisikmo i Samuel iwi-iwi' apaa na anu ihongonyomo aijo' hi Eli. Madi' ko sa'angu' pe'e na anu pinohowininyo. Lapas aijo' notataemo na i Eli, “Ia aijo' Tumpu bakas da Ia mombau apaa na anu kooNyo aijo' ma'ima'.”