AYUB 1:20 - KITAB NU TUMPU ALLA LELE MA'IMAI'

²⁰ Lantas tinuminjomo na i Ayub ka' binea-beaknyomo na baju' nyo salaku tanda sinusa'mo hondo na kinyonyoanyo. Kiniisnyomo na ubaknyo lantas tinolodadupumo ka' notatae,

AYUB 1:20 ပူးပေါင်းရင်းမြစ်များ

KAJADIAN 37:29

Salatan i Ruben po'ule'mo nokiijo' i bubung aijo' ka' madi'mo tinokannyo na i Yusuf ikiijo', bineaknyomo na baju'nyo kalana talalomo hondo molibos.

KAJADIAN 37:34

I Yakub nombeakmo baju'nyo kalana talalomo nolibos ka' nompusokmo baju' kalibosan hi mian anu sinilakamo. Sansina-sinaa na ia mohangi anaknyo aijo'.

2 TOMU-TOMUNDO' 2:12

Tinoamo i Elisa lantas ia notataemo “O Elia, Tuumangku! Tuumangku! Anu nonjagaimo Israel ka' baani hondo! Belento Tuumangku madi'mo ko anu i aiya!” Ahennyo madi'mo tinoa i Elisa na i Elia. Kalana sinusa'mo na I Elisa, sahingga juba'nyo bineaknyomo ohua',

2 TAWARIKH 7:3

Salatan mian da'isan aha Israel nontoamo apu nintatau'mo lengkat mae i langit ka' jingka salaku tanda Tumpu tinokamo ka' nonjingkaimo Laigan nu Tumpu songko-songko, aha tinolodadupumo i salo lantas nonsombah ka' nompuji' Tumpu Allah, kalana ia manonong ka' kalibosannyo sampe toka sidu-sidutu'.

EZRA 9:3

Nohongo aijo', aku nompele-pele'mo hondo sahingga binea-beakumo na baju'ku ka' binubutankumo na ubaku ka' jangkutku lantas sinumuhangmo panyo kinyonyoangku talalomo ina'idekan.

AYUB 1:19

Monti-montiik tinokamo mae na tombusisi' lengkat mae i sasu padang bone' ka' nontuda'imo laigan aijo' sahingga nonsilakaimo iwi-iwi' na anak nu Belento Tuan. Olamo aku aiya na noko ala nopalai mae da mompoto'i hi Belento Tuan.”

AYUB 2:12

Panyo daagi' mae jo'o-jo'on na aha nontoa, kinoboli' madi'mo sinumbu' nu aha na ia. Aha singkapmo i humang ka' nolokihis ka' binea-beakmo nu aha na baju' nu aha ka' nonsagakonmo abu' nokiita' i langa ka' aita' i ubak nu aha.

NOSABATMO 4:31

Sahingga pinalesayamo na aha, ka' salatan aha nohongomo taalu' Tumpu daagi' monginau' bansa Israel ka' nontoamo iwi-iwi' na kasansalan nu aha, aha dinumaladupumo ka' nonsombahmo.

YEREMIA 7:29

Tumpu notatae, “O mian anu jojoong i Yerusalem, pongoa'imo susa' kalana ko anumo silaka! Guntingimo na ubak nu beleyum ka' alinmo! Nyanyiakonmo na nyanyian nu montando'i aita' mae ibawo nu to bungku-bungkutnyo, kalana Aku, Tumpu notambuha'mo ka' madi'mo nongala belemiu iwi-iwi'.

YOËL 2:13

Obeak na kinyonyoa nu beleyum ka' misa' ahi' pakean nu beleyum.” Mambamo mae hi Tumpu nu belemiu. Ia talalo saban ka' mongkalibosi hondo, ma'ima' na kinyonyoa ka' talalo hondo manonong. Sanang hondo na mongampuni ka' madi' mongka'ima'i mompokona hukuman.

MATIUS 26:39

Lapas aitu, i Yesus namba gagana' majo'on, lantas Ia tinolodadupumo i tano' ka' binalado'a. “Kita Tuuma”, Ia notatae, “de timbali pojo'onakon mae hi beleng-Ku na kasansala'an-Ku anu tionyo Ku oa'i aijo'. Panyo boli mombatuki pongka'oho'-Ku, panyo batukimo na pongka'oho' nu Kita Tuuma.”

PO'ULE' INGULIT 9:18

Lantas daagi' minsan na aku dinumaladupu i ahop nu Tumpu aita' i bungkutnyo kinopinnyo pinatompulu' na sinaa ka' pinatompulu' na pihi, madi' nongkaan kabai nonginum. Aijo' binaungku kalana belemiu nombaumo dosa' hi Tumpu, kalana nombaumo apaa na anu moko pa'idek Ia sahingga Ia notambuha'mo.

YOSUA 7:6

I Yosua ka' to pola-polaya' nu aha mian Israel sinusa'mo hondo na kinyonyoa sahingga binea-beakmo nu aha na baju' nu aha ka' sinansinaa tinoka sampe nalom na aha tinolodadupu i ahop nu Peti' Palajanjian nu Tumpu ka' nongkakambuhakonmo abu' i ubak nu aha salaku tanda sinusa'mo hondo na kinyonyoa.

1 PETRUS 5:6

Kalana aitu, pati'alukakon na butong nu belemiu i aluk nu lima nu Tumpu anu maho-mahoson, da Nu hangkat na belemiu de tokamo na tempo'nyo.