AYUB 1:17 - KITAB NU TUMPU ALLA LELE MA'IMAI'

¹⁷ Ia ma'isa ilapas na notatae, tinokamo mae mule' na posaihon anu kototolu'nyo nompoto'i, “Toto'lu na gombuan nu tololang aha mian nu Kasdim nontomangmo iwi-iwi' na unta nu Belento Tuan. Ka' nompateimo to posa-posaihon. Olamo aku aiya na noko ala nopalai mae da mompoto'i hi belento Tuan.”

AYUB 1:17 ပူးပေါင်းရင်းမြစ်များ

KAJADIAN 11:28

I Haran sinilaka i kampung kinahampeannyo, aijo'mo Ur, i da'erah Babilonia, tempo'nyo aitu tuumanyo daagi' tutuu'.

KAJADIAN 11:31

I Terah nompala'i kota Ur i da'erah Babilonia hingga-hinggat tiba i Abram anaknyo, i Lot makumpunyo, ka' i Sarai moniannyo boune, aijo'mo bengkele' i Abram. Ia ko kahanda' mamba i lipu' Kanaan. Panyo salatan tinokamo i Haran aha jinojoongmo ikiijo' mae.

2 SAMUEL 1:3

I Daud nompokilawa hi ia, “Lengkat mae iya na beleyum?” Tinaamannyo, “Aku nopalai mae lengkat ikiijo' hi aha kemah nu mian Israel.”

AYUB 1:18

Daagi' hau-haunyo ia motatae, tinokamo mae mule' na posaihon sangga'at anu momboa mae lele, “To ana-anak nu Belento Tuan hau-haunyomo nombau-bauon i laigan nu anak nu Belento Tuan anu tumpe-tumpenyo.

YESAYA 23:13

Misa' bansa Asyur panyo bansa Babel ahi' na nompojohokmo kota' Tirus da kinuasan nu binatang anu mahangas hondo. Aha ahi' na nompotinjo laigan anu toto tangka-tangkas anu bau pontumbuhian, ka' nohobo'akonmo bentengnyo iwi-iwi' ka' mule' no hansunimo kota' aijo'.)

YEHEZKIEL 23:23

Ku posihukmo mae ka' Ku-boamo hi beleyum iwi-iwi' na sinta nu beleyum lengkat mae i Babel, Pekod, Soa, Koa, Asyur, tiba aha to mia-mian nu Kaldea. Ku boamo hi beleyum na to oli-olitau anu toto oli-olitau hondo na butong nu aha aijo'mo anu ko pangkatnyo matangkas, to mia-mian daka', anu ko pangkatnyo toto penti-penting tiba suludadu anu toto tangka-tangkas na pangkatnyo monsakei ajahan.

HABAKUK 1:6

Bansa Babel anu baani ka' singgi aijo' Ku pojadimo bansa anu balakuasa. Aha mosabatmo mae lengkat ilipu'nyo ka' monsongkohimo songko-songko na dunia da mompatundu'mo iwi-iwi' na bansa sangga'at.