AYUB 1:12 - KITAB NU TUMPU ALLA LELE MA'IMAI'

¹² Jadi pinoto'imo nu Tumpu hi Anu Monggoda aijo', “Ma'ima'mo desumo itina', baumo pa' oposiamo na kakaya'an i Ayub iwi-iwi' asan boli oko mondoke ia.” Lantas Anu Monggoda aijo' nambamo pinala'iannyomo na Tumpu.

AYUB 1:12 ပူးပေါင်းရင်းမြစ်များ

KAJADIAN 16:6

Tinaaman i Abram, “Bakasmo, ia posaihon nu beleyum ka' beleyumo na mongkuasai ia; lewa'mo pokau na ia yayamo pongka'oho' nu beleyum.” Lantas saja'mo sinigohan i Sarai na mompokau i Hagar, sahingga ia nopalaimo.

1 TOMU-TOMUNDO' 22:22

'Mosia na beleyum pagala monsale'i?' na koonyo nu Tumpu. Malaikat aijo' nontaami, 'Aku mamba ka' ku sale'ije na nabi iwi-iwi' da timbali baleko'.' Tumpu notatae, 'Ma'ima'mo de sumo itina', baumo sumo itina', timbalimo nupoko sale'i na ia.’ ”

1 TOMU-TOMUNDO' 22:23

Po'ule' mule' i Mikha notatae, “Ya, sumo aijo'mo na anu jadi! Binaumo nu Tumpu na nabi i Tomundo' haha aijo' da mombaleko'i i Tomundo' kalana tinantukanmo nu Tumpu na i Tomundo' mohumpakmo balaa'!”

2 TAWARIKH 18:21

Tinaaman nu Roh aijo', ‘Aku mambaje ka' ku potimbali na nabi i Ahab iwi-iwi' da baleko'.’ Tumpu notatae, ‘Ma'ima'mo de sumo itina', baumo sumo itina', timbalimo nupoko sale'i na ia.’ ”

AYUB 1:11

Panyo de maluannyo iwi-iwi' na kakaya'annyo aijo' o'alamo nu Belento, tantu nutotobi'akonmo na belento!”

AYUB 1:13

Ilapas aijo' madi' pinin to ana-anak i Ayub hau-haunyo mombau-baoun i laigan nu utus tu'a nu aha.

MAZMUR 76:10

Salatan Belento nobungkutmo, kahanda'mo momputusi da oposalamatmo na mian anu sinakisamo i dunia aiya.

YESAYA 27:8

Tumpu nohukumo mian anu palesayamo hi Ia aijo'mo nomboa aha pinojoong ilipu' nu mian anu isalipu'an. I laa'-Nyomo na aha nu mombun anu ma'idek lengkat mae isasu kabete'an.

YEREMIA 38:5

I Tomundo' Zedekia nontaami, “Ma'ima'mo! Baumo na ia yayamo anu nu ka'ima'i aku madi'mo moko ala montewa belemiu.”

LUKAS 12:23

Tumuu' molingkudui kaanon, ka' butong molingkudui pakean.

YOHANES 19:11

I Yesus nontaami, “De Tumpu madi' nombee' kuasa aijo' hi beleyum, beleyum madi' hondo moko kuasai beleng-Ku. Mokonyo aitu mian anu nomboa mae Aku hi beleyum, lebe daka' na dosa'nyo molabii beleyum.”

1 KORINTUS 10:13

Batu-batu soba'an anu o'oa'i nu kita Utus, atina' soba'an anu saja'mo o'oa'i nu mian. Panyo Tumpu tataap i pala janjian-Nyo. Ia madi' mompojohok kita Utus osobai molingkudui anu opoko ala obau miu. Tempo'nyo kita Utus nukona nu soba'an, Ia mombee'i jalan hi komiu da mahoson, da kita Utus moko ala montahan.

2 KORINTUS 12:7

Panyo da boli aku talalo buulon kalana saja' montoa anu madi' ko gampanyo aijo', aku binee'anmo sangahan na panyakit i butongku anu binau sumo sala'sa'angu' jalan nu Ibilis. Panyakit aijo' binee' bau pondoke aku, da aku madi' timbali buulon.