AMSAL 8:9 - KITAB NU TUMPU ALLA LELE MA'IMAI'

⁹ Kona hi mian anu pande potataengku to tu'u. Ka' mule' kona hi mian anu pande potataengku sosok hondo.

AMSAL 8:9 ပူးပေါင်းရင်းမြစ်များ

AMSAL 14:6

Mian anu takabun madi' timbali pande; panyo mian anu pande dengke na balagulu'.

YAKOBUS 1:5

De daagi' ko samian itina' hi komiu anu madi' talalo pande, tionyo ahi' ia mongkakase hi Tumpu, sahingga Tumpu mombee'i kapandean hi ia; kalana toto samian sanang na Tumpu Allah mombee'i kalana kanonongannyo ka' kalana kalibosannyo.

YOHANES 7:17

Mian anu montuluti pongka'oho' nu Tumpu, monsumbu' pa' pangajalan-Ku lengkat mae hi Tumpu kabai posi lengkat mae hi beleng-Ku.

YOHANES 6:45

I Uno nu Kitab nu to Nabi-nabi tinulis sumo uuka, ‘Iwi-iwi' na mian nu pogulu' nu Tumpu.’ Jadi iwi-iwi' na mian anu mohongo Tuuma ka' balagulu' hi Ia, toka mae hi beleng-Ku.

AMSAL 15:24

Mian anu pande montulu jalan anu mapindako anu mompanjolongi kantumuu'an; ka' misa jalan anu mintua anu mompanjolongi kasilakan.

MIKHA 2:7

Boli monsangka aha mian nu Israel nu kutukimo nu Tumpu! Tumpu madi' mombau hahan anu sumo aijo'. Ia madi' toho' ka' madi' nu bau na kasabanan-Nyo. Temisa' Ia na madi' ahi' motatae ko pesa-pesa hi to mia-mian anu mombau han anu totu'u?”

YESAYA 35:8

Ikiijo' mae ko jalanmo anu daka', “Jalan anu mompanjolongi kasalamatan” na sanggonyo. Mian anu baladosa' madi' montulu ikiijo', mian anu ponga' madi' mompotalas mian anu montulu ikiijo'.

AMSAL 18:15

Mian anu manonong saja' megot molio ilimuu'; mian anu pande saja' mongindi da mohumpak pangajalan.

AMSAL 17:24

Patuju nu mian anu mangalati' aijo'mo da mohumpak kapandean bapikin; panyo patuju nu mian anu ponga' madi' matantu.

AMSAL 15:14

Mian anu pande molio ilimu'; panyo mian anu ponga' na ola ahi' tasiaga nu kaponga'annyo.

AMSAL 3:13

Mohumpak dale' na mian anu pinandemo ka' timbalimo moko ala mongalati'.