AMSAL 7:7 - KITAB NU TUMPU ALLA LELE MA'IMAI'

⁷ Lantas tinoangku manjoo' hondo na to oli-olitau anu ma'isa ko anu nu pisumbu-sumbu'; panyo anu talalo hondo pinalahatikanku aha iwi-iwi' aijo' daagi ko samian anu ponga' hondo.

AMSAL 7:7 ပူးပေါင်းရင်းမြစ်များ

AYUB 24:15

Mian anu saja' masala' montanda'imo sinaa anu malia'mo malom, kinukumbungnyomo na ohupnyo da mian madi' monsumbu' ia.

MAZMUR 119:130

De otalangkan, pangajalan nu Belento mompojingka, mompopangalati' mian anu madi' talalo pande.

MAZMUR 19:7

Ia nontusakonmo langit lengkat pe'e mae i puusnyo toka-toka i puusnyo; madi'ko anu madi' nukona nu panasnyo.

AMSAL 1:22

“O to mia-mian anu panggaga! Sampe toka hipian na kopinnyo na belemiu me saja' sumo aijo'. Hipianje na tempo'nyo belemiu madi'mo montee ilimu' ka' montulutimo pangajalan?

AMSAL 1:32

Mian anu madi' ko anu nu pisumbu-sumbu' saidi' mae silakamo kalana madi' mompajuli aku, ka' mian ponga' saidi' mae mohopu'mo kalana madi' mompajuli aku.

AMSAL 1:4

Mian anu madi' ko anu nu pisumbu-sumbu' nu ajan sahingga ko pikilan anu mangalati', ka' to oli-olitau tiba to lalangkoyang nu ajan da timbali mian anu pande ka' moko ala bapikin susumo anu motu'amo.

AMSAL 10:13

Mian anu kopikilannyo matajom montaeakon potatae anu pande. Panyo mian anu ponga' na palalu ahi' opohos.

AMSAL 12:11

Anu topo ale' mokalaja makeke ko anu okaan manjoo'; panyo mian anu ola mongide-idei sinaa kalana ola opake i han anu madi' ko gunanyo atina'mo na mian anu ponga'.

AMSAL 14:15

Mian anu ponga' mompalesaya sinin na potatae; panyo mian anu pande na saja' ahi' bapikin ima-ima' na mombau apa-apaa.

AMSAL 14:18

Mian anu madi' ko anu nupisumbu-sumbu' timbalimo ponga'; panyo mian anu pande mompaka pintuangmo na ilimu'nyo.

AMSAL 19:2

Anu makeke de madi' ko ilimu', madi' ma'ima'; mian anu ko sia-sia saidi mae monsaduakon kasala'an.

AMSAL 19:25

De mian anu takabun o hukum, mian anu madi' ko ilimu' mohumpak pangajalan. De mian anu manonong otewa' mompaka pintuang na kapandeannyo.

AMSAL 22:3

Mian anu pande mongawahi de montoa mo anu monsilakai mian anu ponga' lumajang lau-laus lantas nukonamo nu balaa'.

AMSAL 24:30

Aku toho' notulu i ale' ka' ale' nu anggur nu samian anu moluluk ka' mule' ponga'.

AMSAL 27:12

Mian anu pande mongawahi de montoa balaa' mian anu ponga' lumajang lau-laus lantas nu konamo nu balaa'.

AMSAL 5:1

O'anaku hongo pe'e mae na aku! Otoa mae na kapandeanku ka' pangalati'an anu ku ajanakon hi beleyum,

AMSAL 6:20

O anaku obau apaa na anu pinalentahkonmo nu tuuma nu beleyum ka' boli okolilimi na to poki-pokinde' nu tina nu beleyum.

AMSAL 6:32

Panyo mosia na mo'ane anu masala'? Ia mosi ideimo posi butongnyo! Talalo ponga' hondo na ia!

AMSAL 8:5

Belemiu ma'isa ko anu opisumbu-sumbu', balagulu' pe'e da kopikilan ahi' anu matajom, belemiu anu madi' sampa mangalati' balagulu' pe'e da timbali pande.

AMSAL 9:16

“Sonso' pe'e mae hai belemiu anu ma'isa ko anu opisumbu-sumbu'!” Ka'mian anu madi' pande ia motatae,

AMSAL 9:4

“Ihe na anu madi' ko anu nupisumbu-sumbu', ku poita da toka mae!” Ihe na anu madi' sinsumbu' na pikilan, kapandean bapikin nompoto'imo,

YEREMIA 4:22

Tumpu notatae, “Ponga' hondo na mian anu palesayamo hi beleng-Ku aijo' aha madi'mo nonsumbu' Aku. Aha sumomo ahi' to ana-anak anu mabongon hondo madi' ahi' ko anu nupisumbu-sumbu' maumo ola sangkiding. Pinandemo hondo ipalabuatan anu ma'idek, ka' madi'mo nonsumbu' palabuatan anu ma'ima'.”

MATIUS 15:16

I Yesus nontaami aha, “Apaa komiu suele ma'isa mangalati'?