AMSAL 3:3 - KITAB NU TUMPU ALLA LELE MA'IMAI'

³ Tionyo ahi' belemiu saja' palesaya ka' tulu-tulutan hi Tumpu Allah ka' hi bubu' belemiu. O'inau' na aijo' ka' o una' i kinyonyoa nu belemiu,

AMSAL 3:3 ပူးပေါင်းရင်းမြစ်များ

2 SAMUEL 15:20

Ma'isa pinin na beleyum jinojoong i aiya, te toho' mule' beleyum ku palentah lewa' moyaya tiba aku? Aku aiya madi'mo kusumbu' pa' moyamo na kalambananku. Pinsusule'mo ka'poboamo na to sanga-sangalu nu beleyum anu sangko bansa nu belemiu, o'amalakonje da Tumpu mongkalibosi beleyum ka' saja' montoa beleyum.”

MAZMUR 119:11

Pangajalan nu Belento ku una'mo i uno nu kinyonyoangku da aku madi' baladosa' hi Belento.

MAZMUR 25:10

Mian anu mohongo-hongo hondo apaa na anu jinanji'-Nyomo ka' hi atulan-Nyo, saja' nukalibosi nu Tumpu ka' madi' nu kolilimi.

MAZMUR 85:10

Memang Ia ko kahanda' momposalamat anu tulu-tulutan. Tumpu anu talasanggo hondo jojoongmo i lipu'to aiya.

NOSABATMO 13:9

Lamean aiya bau pompotuka hi belemiu salaku tanda anu oposegot i lima nu belemiu kabai i siakan nu belemiu. Lamean aiya mompotuka' belemiu da saja' montaloakon ka' monggulu'i to Atu-atulan nu Tumpu, kalana Tumpu nonsabatakonmo mae belemiu lengkat i Mesir, nu kuasa-Nyo anu daka'.

NOSABATMO 34:6

Lapas aijo' Tumpu notulumo hi ahop i Musa ka' notatae, “Akumo na Tumpu, Tumpu Allah anu saja' mongkanonongi ka' mongkalibosi. Kalibosan-Ku saja' molabi-labi, Aku saja' sabaan ka' madi' malia' pusa.

AMSAL 1:9

kalana pangajalan nu aha haha aijo' montuangimo kalakuan nu beleyum sumomo pombunga-bungai ubak ka' olo' anu lebe mompohandamo ohup nu beleyum.

AMSAL 14:22

Ihe na bala usaha mombau han anu ma'ima' saidi' mae opalesaya ka' oholomati; panyo ihe na montanga'i palabuatan anu ma'idek jalannyo sinala'mo.

AMSAL 16:6

Mian anu tulu-tulutan hi Tumpu Allah mohumpak ka'ampunan; mia anu tulu-tulutan hi Tumpu madi' mombau palabuatan anu ma'idek.

AMSAL 20:28

De Tomundo mompalentah nu kinyonyoa anu moliboa, hodi ka' adin, saba' ia tataap balakuasa.

AMSAL 6:21

Saja' o inau' ka' boli okolilimi na potatae nu aha ka' o una' ikinyonyoa nu beleyum.

AMSAL 7:3

Sabole-bole otutugi na pangajalanku haha aijo', ka' o una' i uno nu kinyonyoa nu beleyum.

YEREMIA 17:1

Tumpu notatae, “O bansa Yehuda, dosa' nu belemiu tinulismo ikinyonyoa nu belemiu ka' isongko-songko na pasu'nyo nu mezbah nu belemiu iwi-iwi', pena besak na pinontulis ka' matanyo nu pena aijo' intan.

HOSEA 4:1

Tumpu ko palakala tiba mian da'isan i lipu' aiya. O Israel, potombihing pe'e apaa na anu tinaloakon-Nyo, “I lipu' aiya madi'mo daagi' ko anu tulu-tulutan kabai mompaha kali-kalibosi, ka' mian da'isan madi'mo monsumbu' Aku salaku Tumpu Allah.

MALEAKHI 2:6

Aha mompogulu'mo han anu totu'u misa'mo anu madi' totu'u. Aha mompahakonamo hondo tiba Aku ka' mule' sahondo-hondonyomo na montuluti pongka'oho'-Ku. Aha mule' ahi' montulungimo manjoo' na mian da madi'mo daagi' mombau palabuatan anu ma'idek.

MATIUS 23:23

Silaka na komiu to gulu-gulu' agama ka' to mia-mian nu Farisi! Komiu ola ahi' mombau pula-pula! To lampa-lampa sumo solasi, adas manis, ka' suele jintan, komiu mombee'i, de sampulu' na bahagian sambahagian hi Tumpu. Padahan hahan anu palalu hondo i uno nu to atu-atulan nu agama, sumo umpamanyo: Ka'adilan, mompahakali-kalibosi, ka' mohongo-hongo, madi' o palahatikan miu. Padahan aijo'mo na tionyo o bau miu, tiba madi' timbali mompojohok anu toto sangga'at.

2 KORINTUS 3:3

Posi aha timbali montoa saba' komiu Utus pokakanamo sulat anu tinulis i Kristus, anu pinakatunyo ka' pinotokakon mami. Sulat aitu misa' tinulis nu tinta, panyo Roh nu Tumpu anu tumuu'; misa' mule' i batu tulis, panyo i kinyonyoa nu mian.

EFESUS 5:9

Kalana lengkat i jingka aijo' na kalubatan nu ngangahan na bauon anu ma'ima', adin ka' hodi' i pontoan nu Tumpu.

PO'ULE' INGULIT 6:8

Oposegot i botokon nu beleyum ka' opokona i siakan nu beleyum da saja' o inau'.

IBRANI 10:16

“ ‘Aiyamo na palajanjian anu kubaumo hi aha i sina-sinaa anu tokaje mae,’ koonyo nu Tumpu, ‘Ku po'una'je na to atu-atulan-Ku i uno nu kinyonyoa nu aha, ka' Ku tulis i uno nu pikilan nu aha.’ ”