AMSAL 3:1 - KITAB NU TUMPU ALLA LELE MA'IMAI'

¹ Boli okolilimi na anu ingajankumo hi belemiu, o anakku. Saja' o'inau' na anu pinalentahkonkumo,

AMSAL 3:1 ပူးပေါင်းရင်းမြစ်များ

MAZMUR 119:11

Pangajalan nu Belento ku una'mo i uno nu kinyonyoangku da aku madi' baladosa' hi Belento.

MAZMUR 119:153

Toakon mae na kasansala'anku ka' posalamatakon mae na aku, kalana aku madi' mongkolilimi atulan nu Belento.

MAZMUR 119:16

Atulan nu Belento nomposanangmo aku; pangajalan nu Belento madi'mo ku kolilimi.

MAZMUR 119:176

Aku tinalasmo ijalan sumomo domba anu nolapusmo, jadi tokamo mae ka' liomo na posaihon nu Belento aiya, kalana aku madi' mongkolilimi iwi-iwi' na palentah nu Belento.

MAZMUR 119:34

Balakatiakon mae na aku da mangalati' hi atulan nu Belento da saja' ku tuluti, ka' ku bau nu kinyonyoangku totu-totu'u.

MAZMUR 119:61

Mian anu ma'idek na kinyonyoanyo nompokonamo so'o da nukona na aku, panyo aku madi' mongkolilimi atulan nu Belento.

MAZMUR 119:93

Sabole-boleh aku madi' mongkolilimi palentah nu Belento kalana tiba jalan anu sumo aijo' Belento nompotumuu'mo aku.

MAZMUR 91:16

Ia tionyo ahi' Ku po'osa nu umun panjang ka' Ku posalamatmo.”

NOSABATMO 20:6

Panyo Ku potoa na kalibosan-Ku hi mada-madala na lee' nu to mia-mian anu mongkanonongi Aku ka' tulu-tulutan hi Palentah-ngKu.

AMSAL 1:8

O intomakon apaa na anu pinoto'i nu tuuma ka' tina nu beleyum hi beleyum, anakku,

AMSAL 16:31

Mian anu madi' tageo' na kinyonyoanyo saidi mae obee'i mantan na umun; uan nu ubaknyo sumomo makota' anu talalo hondo ma'ima'.

AMSAL 2:1

Otalima na pangajalanku iwi-iwi', o anakku, ka' sabole-bole otutugi' na pokinde'ku iwi-iwi' hi beleyum.

AMSAL 23:26

Palahatikan ima-ima', ka' bau sonto'na kantumuu'anku, o'anaku!

AMSAL 31:5

Kalana de tomundo' monginumo inumon anu moko palangu nu kolilimimo na atulan ka' madi'mo montapali haknyo nu mian anu madi'mo moko ala mombau apa-apaa.

AMSAL 4:2

Anu pinogulu'kumo aiya hi beleyum ma'ima', kalana aijo' boli beleyum montee.

AMSAL 4:21

Boli o'alin na aijo', panyo saja' opo'una' na aijo' i uno nu kinyonyoa nu beleyum.

AMSAL 4:5

Timbaliakon pande ka' matajom na bapikin! Saja' o'inau' na to poki-pokinde'ku ka' boli o alin na aijo'.”

AMSAL 8:1

Kapandean bapkin nompoto'imo, kapandean bapikin notataemo.

AMSAL 9:1

Kapandean bapikin nompotinjomo laigan ka' mule' nompotinjomo popitu' na ohi'nyo.

YESAYA 51:17

Pobulamo, o, Yerusalem, pobulamo! Hukuman anu inabu'akonmo nu Tumpu kalana tambuha'-Nyo ingoa'anmo nu beleyum sampe iningkot.

YEREMIA 31:33

Sumo uuka na palajanjian anu Ku bauje tiba aha mian nu Israel; Atulan-atulan-Ku, Ku po una'mo i uno nu kinyonyoa nu aha, ka' mule' Ku tulismo i uno nu kinyonyoa nu aha. Aku timbalimo Tumpu Allah nu aha ka' mule' aha timbalimo mian anu palesayamo hi beleng-Ku.

HOSEA 4:6

Belemiu to imam-imam, madi' mongadati Aku, sahingga mian-Ku anu palesayamo suele madi'mo mongadati Aku, sahingga aha nohumpakmo balaa'. Belemiu madi'mo montalima to aja-ajalan-Ku. Jadi Aku suele madi'mo montalima belemiu ka' to ana-anak nu belemiu madi'mo Ku talima salaa-Ku to imam-imam-Ku.

PO'ULE' INGULIT 4:23

Tutugi ima-ima'! Boli okolilimi na anu jinanji'mo nu Tumpu Allah miu hi belemiu. Tuluti na palentah-Nyo; boli hondo-hondo mombau patong na belemiu maumo sumo apaa da osombah,

PO'ULE' INGULIT 4:9

Boli okolilimi ka' otutugi ima-ima', da sidu-sidutu' i uno nu kantumuu'an miu madi' okolilimi nu belemiu apaa na anu pinosi toamo nu belemiu. Sisikakon hi to maku-makumpu nu belemiu,

PO'ULE' INGULIT 5:16

O'adati ka' opalakai na tuuma ka' tina nu belemiu, aijo'mo na palentah-ngKu, Tumpu Allah nu belemiu, da belemiu mohumpak ka'ima'an ka' mantan na umun i lipu' anu Ku bee'mo hi belemiu.

PO'ULE' INGULIT 5:33

Bau iwi-iwi' apaa na anu pinalentahkonmo nu Tumpu Allah nu belemiu hi belemiu da belemiu mohumpak ka'ima'an ka' moko ala tataap i lipu' anu saidi' mae o jojoongimo nu belemiu.”

PO'ULE' INGULIT 8:1

“Iwi-iwi' na atulan anu binee'kumo hi belemiu sinaa aiya tionyo ahi' obau miu ka' boli panggaga, da belemiu tataap tumuu', mompaka pintuang ka' manjoo'mo ka' jojoongmo i tano' anu jinanji'mo nu Tumpu hi mompolee' nu belemiu.