AMSAL 27:3 - KITAB NU TUMPU ALLA LELE MA'IMAI'

³ Batu tiba bone' aijo' daagi' laing, de opokakanakon tiba sakit nu kinyonyoa anu pinontambuninyo mae anu ponga'.

AMSAL 27:3 ပူးပေါင်းရင်းမြစ်များ

KAJADIAN 49:7

Mohumpak kutuk na tambuha' nu aha, kalana talalomo hondo. Mohumpak kutuk na pusa nu aha, anu tala-talalomo ahi' nombau han anu ma'idek. Ku ga'a-ga'atakonmo na aha hi songko-songko na Israel. Ku bagi-bagimo na aha hi songko-songko na bansa.

AYUB 5:2

Ola mian anu ponga' na sinilaka kalana nusaduakon nu kinyonyoa anu madi'mo sanang.

AMSAL 12:16

De mian anu ponga' pusa ugaat kalana nohongomo potatae nu mian, isinaamo ahi' ai-aijo' na nupoto'i koonyo ia pinusamo; panyo mian anu pande madi' montapali de koa nu mongalu.

AMSAL 17:12

Lebe ma'ima' singkabot tiba tina nu beruang anu nolapusmo na anaknyo; ka' de mule' tiba mian anu ponga' anu saja' tasiaga ikaponga'annyo.

AMSAL 27:2

Boli mosi puji' posi butong; nu beleyum pojohok mian sangga'at je na mombau han anu sumo aijo', ka' mule' mian anu madi' nu sumbu'.

AMSAL 27:4

Tambuha' aijo' buhingison hondo ka mohansuni, panyo mongahopi mian minsihip ihe na moko tahan?

DANIEL 3:19

Sahingga talalomo hondo pinusa na i Tomundo' Nebukadnezar hi Sadrakh, hi Mesakh, tiba hi Abednego, kalana aijo' ohupnyo nomehamo hondo. Ia nompalentahmo da mombaumo apu, obau pimpitun lipat na ko panasnyo nu lingkudui na panasnyo biasa.

NOMBILANGMO 22:27

Nontoa malaekat nu Tumpu, keledai aijo' natibahangkangmo. I Bileam pinusamo ka' dinokenyomo nu tokonnyo na keledai aijo'.

1 YOHANES 3:12

Boli kita sumo i Kain, anu tinimbalimo anak nu Ibilis ka' nompateimo posi Utusnyo. Apaa na sababnyo i Kain nompateimo Utusnyo? Kalana hahan anu binaunyomo aijo' sala', panyo hahan anu binaumo nu Utusnyo aijo' totu'u.