AMSAL 20:3 - KITAB NU TUMPU ALLA LELE MA'IMAI'

³ Ola ahi' mian anu ponga' na mongka'ima'i mahanggaga; kalakuan anu o puji' aitumo mongawahi pahanggagan.

AMSAL 20:3 ပူးပေါင်းရင်းမြစ်များ

AMSAL 16:32

Madi' sampa pusa lebe ma'ima', nu lingkudui na anu ko kakuasa'an mongkuasai lebe ma'ima' nu lingkudui na anu mompatundu' kota'.

AMSAL 17:14

Montampu'uni painggagan sumomo mombuka jalan nu uee; kalana aijo' ma'isa pe'e painggaga pinsusule'mo.

EFESUS 4:32

Ola ahi' kinyonyoa na obau mano-manonong ka' mompahakali-kalibosi samian ka' samian, ka' mompaha ampu-ampuni pokakana sumo Tumpu singkona nongampunimo komiu hi Kristus.

AMSAL 19:11

Mian anu pande timbali moko ala montahan tambuha'nyo, ia talapuji' kalana madi' mompajuli kasala'an nu mian anu mombaumo kasala'an hia.

AMSAL 14:29

Mian anu pande madi' sampa pusa; panyo mian anu ponga' madi' moko ala sabaan.

YAKOBUS 4:1

Lengkat mae iya na pinolengkatan nu iwi-iwi na pahantuda'an ka' painggagan itina' hi komiu? Te misa' aijo' nolengkat mae i pongka'oho' miu anu saja' mahampate i uno nu butong miu da bau pohumpakan kasanangan nu dunia!

AMSAL 18:6

De mian anu ponga' na motatae, ia monsaduakon painggagan ka' opoita da odoke.

YAKOBUS 3:14

Panyo de komiu minsihip, mongka'ideki sangga'at, ka' mompentingkan posi butong, boli mombuulakon kapandean aijo', kalana tiba jalan anu sumo aijo' komiu monggeo-geo'akonmo lele anu nolengkat mae hi Tumpu.

AMSAL 21:24

Mian anu kobubuun ka' talalo hondo matangkas na kinyonyoa mongka'ima'i mongalu ka' madi' ko adatnyo.

AMSAL 14:17

Mia nanu saja' motambuha' ponga' na mompopikilakon apa-apaa; panyo mian anu pande sipatnyo sabaan.

2 TOMU-TOMUNDO' 14:9

Panyo i Tomundo' Yoas nonsai mian namba nompoto'i sumo uuka, “Daagi' kino minsan hemput anu ko hii'nyo i Bungkutnyo nu Libanon nompolelemo sumo uuka hi kau' lontio', 'O kau' lontio', bee' mae na anak nu beleyum lalangkoyang hi anakku da bau bengkele'nyo.' Panyo mamanga notulumo kiijo' sa'angu' na binatang nu alas nompahapeja'akonmo hemput anu koko hii'nyo.

KAJADIAN 13:7

Lantas pinainggagamo na to pola-polaya' potu'on i Abram ka' to pola-polaya' potu'on i Lot. (Tempo'nyo aitu mian nu Kana'an ka' mian nu Feris daagi' monjoongi tano' aijo'.)

KAJADIAN 13:8

I Abram notataemo hi Lot, “Kita aiya moto utus, madi' ma'ima' de to mia-mian nu beleyum ka' to mia-mianku painggaga.

AMSAL 26:17

Mian anu maninggalo' ipainggagan anu misa' ulusannyo; sumomo mian anu mohakop dedeng maela ibihingnyo.