AMSAL 2:8 - KITAB NU TUMPU ALLA LELE MA'IMAI'

⁸ Tumpu monjagai to mia-mian anu saja' adin, ka' monjagai aha anu mongka'ima'i Ia.

AMSAL 2:8 ပူးပေါင်းရင်းမြစ်များ

MAZMUR 1:6

Kalana mian anu mohongo-hongo nu laya' ka' nu jagai nu Tumpu, panyo mian anu ma'idek na kinyonyoanyo mongahopimo kasilakaan.

MAZMUR 145:20

Ia monjagai batu-batu mian anu mongka'ima'i, panyo anu ma'idek na kinyonyoa-Nyo nu patei.

MAZMUR 23:3

Ia nombee'imo aku kahosonan anu i humpakje mule', ka' nontaka'mo aku nontulu jalan anu totu'u, susumo anu jinanji'-Nyomo.

MAZMUR 37:28

Kalana Tumpu na mongka'ima'i ahi' palabuatan anu ma'ima' ka' adin, mian anu tulu-tulutan hi Ia madi' ola Nu pojohok tumuu' susa'. Ia monjagai aha sampe toka sidu-sidutu', panyo lee' nu mian anu ma'idek na kinyonyoanyo na opateimo ahi'.

MAZMUR 37:31

Atulan nu Tumpunyo tonguna' i uno nu kinyonyoanyo, ia madi' mosele mompala'i atulan aijo'.

MAZMUR 66:9

Ia nonjagaimo mae kami da sabole-bole tumuu', ka' madi' mompojohok kami da silaka.

MAZMUR 97:10

O, belemiu mian anu mongka'ima'i Tumpu, ka'ideki na kalakuan anu ma'idek! Kalana Tumpu monjagai kantumuu'an nu mian anu palesayamo hi Ia, Ia nompobebasmo aha da madi' nukuasai nu mian anu palaganta.

AMSAL 8:20

Aku mombatuki jalan anu adin, aku malalangkas i jalan anu madi' tageo' na kinyonyoa.

YESAYA 35:9

Itampat aijo' madi' ahi' ko singanyo kabai binatang anu mahangas sangga'at. Aha to mia-mian anu nu posalamat nu Tumpu na lumajang montulu ikiijo'.

PO'ULE' INGULIT 33:3

Totu-totu'u, Tumpu mongkalibosi bansa-Nyo. Nu jagai na mian iwi-iwi' anu tinimbalimo anu-Nyo. Imbo' da kita tolodadupu i ahop nu tengke-Nyo ka' montuluti iwi-iwi' apaa na anu pinalentahkon-Nyomo.

1 PETRUS 1:5

Iwi-iwi' aijo' bau bagi miu, kalana komiu pinalesayamo hi Tumpu. Jadi komiu o jagai nu kuasa nu Tumpu da komiu mohumpak kasalamatan anu oponyata'je toka i tempo'nyo saidi' mae.

YUDAS 1:24

Tumpu, na anu moko ala monjagai da komiu madi' manabu', ka' anu moko ala momboa komiu i ahop-Nyo anu talasanggo ka' mongoa'i lame' ka' madi' ko apa-apaa na anu sinala'.

1 SAMUEL 2:9

Mian anu tulu-tulutan madi' ko anu mompoposia, Tumpu na monjagai. Panyo mian anu mombau anu ma'idek opatei iwi-iwi' i uno nu pintung ka' pikat hondo. Posi kahosonan madi' otaha imani, kahosonan nu mian madi' mombee'i ka'untungan mahampate.