AMSAL 2:7 - KITAB NU TUMPU ALLA LELE MA'IMAI'

⁷ Kona hi mian anu hodi' na kinyonyoa-Nyo ka' anu madi' ko kasala'annyo, Nu tulungiakon ka' Nu jagai.

AMSAL 2:7 ပူးပေါင်းရင်းမြစ်များ

AYUB 28:8

Ma'isa toho' singa kabai binatang sangga'at anu mahangas, montului jalan anu liing hondo mokiijo'.

MAZMUR 144:2

Iamo na anu nontulungi mae aku ka' nontinjohimo mae aku, anu nomposalamatmo mae aku tampat pihohungankumo. Ia nonjagaimo mae aku, tampat pinopalaianku, iwi-iwi' na bansa pinota'aluk-Nyomo hi belengku.

MAZMUR 3:4

Panyo Belento, o Tumpu, sumomo kanta anu monjagai mae aku. Belento na mombee'i mae aku ka'untungan mahampate, ka' nu pobibi mae nu Belento na kinyonyoangku.

MAZMUR 84:11

Maumo 1.000 na sinaa na jojoong i tampat sangga'at panyo lebe ma'ima' maumo ola sansinaa na jojoong i Laigan nu Belento. Anu nompile'imo da timbali bau ponjagai sabatan Laigan nu Tumpu-ngku asan boli jojoong i laigan nu mian anu ma'idek na kinyonyoanyo.

AMSAL 14:8

Mian anu pande monsumbu' mompopikilakon apaa na anu tionyo obau, panyo mian anu ponga' nu akali nu kaponga'annyo.

AMSAL 28:18

Mian anu tumuu' madi' ko anu o'pisala'i kantumuu'annyo saidi mae ia salamat. Mian anu minggeo-geo' na kantumuu'annyo, saidi mae mohumpak balaa'.

AMSAL 30:5

Iwi-iwi na palajanjian-Nyo tataap oganapi. Ia sumomo kanta da molindungi sinin na anu toka mae.

AMSAL 8:14

Akumo na anu nompotuka i uno nu kinyonyoa ka' mule' akumo na anu nomponyatamo. Aku pande ka' mule' mahoson.

1 KORINTUS 1:19

Kalana i uno nu Kitab nu Tumpu, Tumpu notataemo, “Kapandean nu mian pande Ku potambuntala'mo ka' anu nusumbu' nu to mia-mian anu ko ilimu' Ku ideimo.”

1 KORINTUS 1:24

Panyo kona hi to mia-mian anu ilagamo nu Tumpu – pa' mian nu Yahudi kabai mian misa' Yahudi – lele aijo' salaku jalan nu Tumpu mompotoa kuasa-Nyo tiba kapandean-Nyo.

1 KORINTUS 1:30

Posi Tumpu na nompotimbali sahingga kita Utus nosa'angu' tiba i Kristus Yesus. Ola kalana i Kristus, sahingga kita pinotimbali pande. Ka' mule' ola kalana Ia, Tumpu nompotimbalimo kita po'ule' nompaha ima' tiba butong-Nyo, nompotimbali kita samata-mata mian-Nyo anu palesayamo, ka' nompobebas kita.

KOLOSE 2:3

I Kristusmo na momponyata' iwi-iwi' na kapandean ka' mosia na monsumbu' Tumpu anu naipuan mae ma'isa sinumbu'.