AMSAL 2:4 - KITAB NU TUMPU ALLA LELE MA'IMAI'

⁴ Olio na aijo' susumo molio mosoni', ka'ololoi' na aijo' susumo mololoi' halata' anu sulu-suluk.

AMSAL 2:4 ပူးပေါင်းရင်းမြစ်များ

KAJADIAN 26:32

I sinaa aitu mule' to posa-posaihon i Ishak tinokamo ka' nonsisik hi ia mongkona bubung anu kinekemo nu aha. Koonyo nu aha, “Kami nohumpakmo uee”.

AYUB 3:21

Hagum ka' halata', hagum na anu nuka'ima'i nu aha, montanda'i kasilakan panyo madi' toho' toka mae.

MAZMUR 119:127

Palentah iwi-iwi' nu Belento lebe ku ka'ima'i molingkudui mosoni', molingkudui mosoni' anu madi' ko galo'nyo.

MAZMUR 119:14

Aku lame' na montuluti palentah nu Belento iwi-iwi', sumomo daagi' ko halata' anu monga-ngahan hi belengku.

MAZMUR 119:72

De hi belengku atulan nu Belento lebe ko angga'nyo molingkudui mosoni' ka' salaka i dunia aiya.

MAZMUR 19:10

Monsombah Tumpu aijo' ma'ima' sampe toka sidu-sidutu'. Atulan nu Tumpu aijo' totu'u ka' adin iwi-iwi'.

AMSAL 16:16

Mohumpak kapandean bapikin nu lingkudui na mohumpak mosini'; mohumpak ilimu' lebe ko angga'nyo nu lingkudui na mohumpak salaka.

AMSAL 2:3

O anakku, o usahakon da ko pikilan anu matajom ka' opoita da timbali moko ala mangalati'.

AMSAL 23:23

Pangajalan anu totu'u, kapandean bapikin, pokinde ka' pangalati'an – iwi-iwi' aijo' tionyo ahi' o'oli, panyo lebe ma'ima'i boli opobaluk.

AMSAL 4:7

Anu talalo hondo penting na momonanyo nu bau aijo'mo bala'usaha da jadi pande. Maumo pa' apaa na anu talalo nu usahakon panyo anu talalo hondo penting aijo'mo sabole-bole bala usaha da timbali mangalati'.

AMSAL 8:17

Ku kalibosi na aha anu mongka'ima'i aku, ihe na molio aku timbali mongkabot aku.

ANU MOMPOLELE POTATAE NU TUMPU 4:8

Daagi' ko mian anu ola tumuu' sausa' madi' ko anak, kabai pe'e utus. Mau sumo aitu ia saja' makeke na mokalaja ka' kinyonyoanyo madi' toho' ma'osa na montoa halata'nyo. Obee' hi he na hasin nu kalajanyo sahingga taha-tahahumo na mokalaja ka' madi'mo mongala kasanangan? Aijo' mule' madi' kogunanyo, ka' aijo'mo na kantumuu'an anu sansala.

MATIUS 13:44

“De Tumpu mompalentahmo, ka'ada'annyo sumomo kantuang aiya: daagi' ko halata' anu sulu-suluk i uno nu tano', lantas i humpak nu samian, ka' po'ule' tinabuhannyo i uno nu tano'. Lapas aijo', kalana i lame'mo, mian aijo' namba nompobaluk iwi-iwi' na halata'nyo, lantas ninsusule' ka' nongoli tano' aijo'.”

MATIUS 19:29

Ka' batu-batu mian anu nompala'imo laigan, kabai utus mo'ane, kabai utus boune, kabai tina tuuma, kabai to ana-anak, kabai ale', kalana Aku, mian aijo' montalimaje mule' pinsa'atu lipat. Ka' ia montalimaje mule' kantumuu'an anu talakana' ka' sampe toka sidu-sidutu'.

LUKAS 16:8

Saba' Tuan nu pongulus doi anu madi' hodi' aijo' nonpuji'mo pongulus aijo', kalana kapandean anu binaunyo aijo'; sabab to mia-mian i dunia aiya lebe pande mongatun ulusan nu aha molingkudui to mia-mian anu tumuu' i uno nu jingka.”