AMSAL 11:9 - KITAB NU TUMPU ALLA LELE MA'IMAI'

⁹ Sisik nu mian anu ma'idek na kinyonyoanyo momboa kasilaka'an; panyo kapandean bapikin mian anu manonong momposalamat.

AMSAL 11:9 ပူးပေါင်းရင်းမြစ်များ

1 TOMU-TOMUNDO' 22:6

Sahingga pinosihukmo i Ahab kila-kila 400 na nabi, lantas pinokilawanyomo hi aha, “Pa' timbali na aku mamba montumbuhi Ramot kabai madi'?” “Timbali!” na koonyo nu aha. “Nubee'mo nu Tumpu na kota' aijo' hi belento Tomundo'.”

AYUB 34:30

Jadi iwi-iwi' na bansa madi' moko ala montewa' kakuasa'an i han anu ma'idek ka' talalomo hondo monsansalai.

AYUB 8:13

Sumo aijo'mo na mian anu madi' palesaya hi Tumpu. Tumpu Allah nu kolilimimo sahingga madi'mo ko anu nu pitaha-taha'imani.

MAZMUR 55:12

Iyaya mae daagi' ko anu sinilakanmo; anu nonsansalamo mian ka' anu nongakalimo mian, saja' mo jinadi i pasan tampat anu lewa' pompobalukan apa-apaa.

AMSAL 11:6

Mian anu madi' tageo' na kinyonyoanyo salamat kalana kinyonyoanyo ma'ima'. Panyo mian anu madi'mo palesaya manabu'mo i unonu kaponga'annyo.

AMSAL 11:8

Mian anu palesaya totu-totu'u madi' nukona nu kasusa'an; panyo anu ma'idek na kinyonyoanyo mohumpak hahan anu molewot.

AMSAL 16:29

Mian anu buhingison mombaleko'i to sanga-sangalunyo; ka momboa aha i uno nu kasilakan.

MATIUS 7:15

“Opoko piani na mongahopi to nabi-nabi anu madi' totu'u. Aha toka hi komiu mimbalu-balu' domba, panyo aha sabenannyo sumo pojek anu baani.

MARKUS 13:14

“Komiu montoaje' ‘Ka'idekan anu Monsilakai’, tuminjo i tampat anu opoliwa' hi ia. (Pompotuka' hi anu mombasa': Palahatikan apaa na alati'nyo!) Tempo'nyo aitu mian anu jojoong i Yudea, tionyo malai mamba i i bungkutnyo.

SISIKON NU TO RASUL-RASUL 20:30

Aitu pe'e anu atina' hi to Utu-utus saidi' mae totinjomo na to mia-mian anu mompolele lele anu madi' totu'u. Aha mombau sumo aijo' da to mia-mian anu pinalesayamo hi Yesus timbali ponga' ka' mombatuki aha.

1 YOHANES 2:21

Jadi aku nontulis aiya toka hi belemiu misa' kalana komiu madi' monsumbu' pangajalan anu totu'u, panyo kalana komiu nonsumbu'mo, ka' komiu mule' nonsumbu'mo saba' madi' ko leko'nyo i uno nu pangajalan anu totu'u aijo'.

1 YOHANES 2:27

Panyo kona hi posi komiu, i Kristus nolambe'akonmo Roh-Nyo hi komiu. Ka' de Roh-Nyo daagi'mo itina' hi komiu, madi'mo palalu ko mian sangga'at mompogulu' komiu. Kalana Roh-Nyomo na mompogulu' komiu mongkona iwi-iwi' na han; ka' apaa na anu pinogulu'akon-Nyomo aijo' totu'u, madi' baleko'. Kalana aijo' komiu tionyo ahi' tulu-tulutan hi apaa na anu pinogulu'mo nu Roh aijo', ka' tionyo ahi' komiu saja' tumuu' mosa'angu' tiba i Kristus.