AMSAL 10:9 - KITAB NU TUMPU ALLA LELE MA'IMAI'

⁹ Mian anu madi' tageo' na kinyonyoanyo kantumuu'annyo aman; panyo mian anu mongakali saidi' mae osumbu'mo.

AMSAL 10:9 ပူးပေါင်းရင်းမြစ်များ

KAJADIAN 17:1

Salatan umun i Abram siniompulu'mo ka' osio' na taun, Tumpu nanintoamo hi ia ka' notatae, “Akumo na Tumpu Allah Anu Daka' hondo na kuasanyo. Otuluti na Aku ka' saja' obau na pongka'oho'-Ku.

AYUB 8:20

Panyo Tumpu Allah madi' toho' mompojohok mian anu tulu-tulutan, ka' madi' toho' suele ia montulungi mian anu uwesan.

MAZMUR 23:4

Maumo aku nontulumo bangka'nyo anu pikat, aku madi' nabuhuk i apa-apaa na anu nonsilakai, kalana Belentomo na nonsangaluimo aku. Belentomo na nonjagai aku sumomo samian na polaya' anu nonjagaimo dombanyo nu tokonnyo ka' amangkunnyo.

MAZMUR 25:21

Ku amalakon da ka'ima'an ka' madi' tageo' na kinyonyoa saja' aiya i uno nu kantumuu'anku, kalana aku montaha'imani Belento.

MAZMUR 84:11

Maumo 1.000 na sinaa na jojoong i tampat sangga'at panyo lebe ma'ima' maumo ola sansinaa na jojoong i Laigan nu Belento. Anu nompile'imo da timbali bau ponjagai sabatan Laigan nu Tumpu-ngku asan boli jojoong i laigan nu mian anu ma'idek na kinyonyoanyo.

AMSAL 17:20

Samian anu mongakali madi' mohumpak kabilahian; ka' samian na anu mopanga-panga' na motatae; saidi' mae mohumpak balaa'.

AMSAL 26:26

Mau mule' nu posuluk na han ia mongka'ideki; iwi-iwi' na mian saidi' mae montoamo kalakuannyo anu ma'i-ma'idek.

AMSAL 28:1

Mian anu ma'idek na kinyonyoanyo mopadeka' maumo madi' ko anu mololoi, panyo mian anu hodi' na kinyonyoa, na baani ahi' susumo singa.

AMSAL 28:18

Mian anu tumuu' madi' ko anu o'pisala'i kantumuu'annyo saidi mae ia salamat. Mian anu minggeo-geo' na kantumuu'annyo, saidi mae mohumpak balaa'.

AMSAL 3:23

Beleyum mamba pa' moya madi' ko anu mopoposia ka' madi' tosumpun.

MATIUS 10:26

“Boli mabuhuk hi mian. Madi' ko anu sulu-suluk lantas madi' kantoan, ka' madi' ko anu pinohowini lantas madi' o hongo.

1 KORINTUS 4:5

Mokonyo aijo', kalana misa' pe'e tempo'nyo, boli komiu lia-lia' montantukan batu-batu mian kosala'nyo kabai madi'. Tanda'i tokaje na Tumpu. Iaje na mompoto'i iwi-iwi' lahasia anu sulu-suluk i uno nu pintung. Iaje na mompotalang tanga'an anu sulu-suluk i uno nu kinyonyoa nu mian. Tempo'je aitu ka' batu-batu mian mohumpak pompuji' lengkat hi Tumpu anu patut nu talima.

1 TIMOTIUS 5:25

Sumo aitu mule' na kalakuan anu ma'ima' lau-laus kantoan. Ka' mau mule' anu madi' dengke na otoa, madi' saja'mo timbali opoko posuluk.