AMSAL 10:3 - KITAB NU TUMPU ALLA LELE MA'IMAI'

³ Tumpu madi' mompojohok mian anu manonong kakulangan i anu okaan; panyo Ia madi' mombee'i kasampatan mian anu ma'idek nakalakuannyo sahingga mian aijo' madi' moko ala mohumpak anu nu ka'ma'i.

AMSAL 10:3 ပူးပေါင်းရင်းမြစ်များ

AYUB 15:23

Tomonsi' bonyia' nontanda'imo pa' hipian na tempo'nyo ia silaka, aha majo'ko'mo na mongkaan bangke'nyo. Jadi sininsumbu'mo na ia taalu' pinintungmo na kantumuu'annyo anu aiya mae i ahopnyo.

AYUB 20:28

Iwi-iwi' na kakayannyo ningkotmo, kalana talalomo tinambuha'an nu Tumpu Allah.

AYUB 5:20

De tokamo na tempo'nyo kasusa'an ia nu o kaan beleyum madi' silaka nu ohop. Maumo mian mahampate taha-tahahumo hondo na kinosidanyo madi' ko anu moko ala mompatei beleyum.

MAZMUR 10:14

Panyo Belento na montoa ahi' ia, saja' nu inau' nu Belento na kasusa'an tiba kasansala'an, ka' saja' ahi' kahanda' montulungi. Mian anu madi'mo mahoson me saja' mongasanakon butongnyo hi Belento. Belento na saja' ahi' motulungi mian anu kasiasi.

MAZMUR 112:10

Mian anu ma'idek na kinyonyoanyo montoa ia, lantas motambuha'mo; bese' nu aha koyokobanmo kalana mongka'idekimo. Lantas aha silakamo; anu nu ima-imani nu aha madi'mo nu humpak nu aha sampe toka sidu-sidutu'.

MAZMUR 33:19

Ia na momposalamat aha da madi' silaka ka' mompotumuu' aha de tokamo mae na kasusa'an i anu okaan.

MAZMUR 37:19

De nu tokaimo mae nu kasusa'an aha na madi' ahi' mongoa'i sansala itempo nu kasusa'an i anu okaan aha na sukup ahi' na anu okaan.

MAZMUR 37:25

Salatanmo pe'e aku daagi' olitau sampe aku ilangkai'mo ma'isa toho' aku nontoa mian anu ma'ima' na kinyonyoanyo nu pala'i nu Tumpu, kabai lee'nyo tinimbalimo mian anu ola saja' momoita apa-apaa hi mian.

MAZMUR 37:3

Palesaya hi Tumpu, ka' pombaumo palabuatan anu ma'ima' jojoongmo ilipu' aijo' ka' mingkalakuanmo ahi' tulu-tulutan.

AMSAL 13:25

Mian anu manonong saja' sukup nakantumuu'an nu aha; panyo mian anu ma'idek na kinyonyoanyo saja' kakulangan.

AMSAL 14:32

Mian anu ma'idek na kinyonyoanyo mohumpak kabinasa'an kalana palabuatannyo anu ma'idek; panyo mian anu manonong madi' opoposia kalana hodi' na kinyonyoanyo.

AMSAL 28:25

Lebe mompentingkan posi butong, monsaduakon painggagan, beleyum lebe untung de palesaya hi Tumpu.

AMSAL 28:9

De beleyum madi' montuluti atulan nu Tumpu Allah, Tumpu Allah suele mongoa'i monguahi na mohongo do'a nu beleyum.

YESAYA 33:16

Sahingga belemiu olindungimo ka' madi'mo ko anu mompoposia madi' sala' sumomo ahi' i uno nu benteng anu mahoson hondo. Anu okaan tiba anu o, inum memang pinosadiamo da bau bagi nu belemiu.

ZEFANYA 1:18

Isinaa anu okabuhuk hondo aijo' saidi' mae Tumpu mompotoamo pusanyo sahingga iwi-iwi' na mosoni' tiba salaka nu aha madi'mo moko ala momposalamat aha. Songko-songko na dunia saidi' mae mingkotmo hansun nu papui nu apu nu tambuha'-Nyo. Monti-montik madi' pin Nu gautmo na nyawa iwi-iwi' anu i dunia aiya.

LUKAS 12:31

Panyo komiu tionyo ko usaha da Tumpu mompalentah i kantumuu'an miu, sahingga anu sangga-sangga'at aijo' obee'je nu Tumpu hi beleyum.”