AMSAL 1:7 - KITAB NU TUMPU ALLA LELE MA'IMAI'

⁷ Da mohumpak ilimu' anu sahondo-hondonyo momonanyo mian tionyo ahi' mongadati ka' mabuhuk hi Tumpu. Mian anu ponga' madi' mongangga'i kapandean bapikin ka' madi' mongka'oho' opogulu'.

AMSAL 1:7 ပူးပေါင်းရင်းမြစ်များ

AYUB 28:28

Tumpu Allah nompoto'imo hi manusia, “Da ohumpak na kapandean bapikin, Tumpu Allah tionyo ahi' o'adati nu belemiu. Da timbali opangalati'i, kalakuan anu ma'idek tionyo ahi' opimpaliakon jo'o-jo'on.”

MAZMUR 111:10

Ihe na mongkahanda'i da pande tionyo ahi' moholomati Tumpu. Ia mompopangalati' mian iwi-iwi' anu tulu-tulutan. O, puji' na Tumpu sansina-sinaa!

AMSAL 1:22

“O to mia-mian anu panggaga! Sampe toka hipian na kopinnyo na belemiu me saja' sumo aijo'. Hipianje na tempo'nyo belemiu madi'mo montee ilimu' ka' montulutimo pangajalan?

AMSAL 15:32

Mian anu madi' mongka'oho' opokinde'i madi' mohalagai posi butongnyo; panyo mian anu mongka'oho' montalima pokinde' timbalimo mian anu manonong.

AMSAL 15:33

Mabuhuk hi Tumpu atina'mo na tampu'unannyo nu pangajalan anu ma'ima', panyo madi' kobubuun na kinyonyoa na obau pe'e ahi' momona atina'je ka' kaholomatan.

AMSAL 15:5

Mian anu ponga' montee pokinde nu tuumanyo; panyo mian anu pande montuluti tuumanyo.

AMSAL 18:2

Mian anu ponga' madi' mongka'ima'i obee'i pikilan da monsumbu' ia ola ahi' mongka'ima'i saja' monsisik isi nu kinyonyoanyo.

AMSAL 2:5

Tiba jalan anu sumo aijo' nusumbu'je nu beleyum apaa na alati'nyo mabuhuk hi Tumpu ka' beleyum mohumpakje ilimu' ihe na Tumpu Allah aijo'.

AMSAL 23:9

Bolimo mompokinde'i mian anu ponga'; ia madi' mongangga'i pokinde' nu beleyum aijo'.

AMSAL 9:10

Da timbali pande mian aijo' momonanyo tionyo ahi' moholomati ka' mabuhuk hi Tumpu. De beleyum monsumbu' Anu Susi' hondo saba'beleyum saidi mae mohumpakje pangalati'an.

ANU MOMPOLELE POTATAE NU TUMPU 12:13

Salatan iwi-iwi' pinotutugakonkumo; aiyamo na kasingkatannyo nu anu ihumpaku. Kabuhuk na Tumpu ka' otuluti na palentah-Nyo iwi-iwi'. Kalana makisud aijo' sahingga manusia pinotimbali-Nyomo.

ROMA 1:28

Kalana mian madi'mo mongoa'i palalu monsumbu' Tumpu Allah, sahingga Tumpu mompojohok pikilan nu aha da timbali ma'idek, sahingga aha mombau hahan anu madi' timbali nubau nu aha.

PO'ULE' INGULIT 4:6

Obau na aijo' ma'i-ma'ima'. De belemiu mombau sumo aijo', saba' kapandean nu belemiu timbali nutoa nu to bansa-bansa sangga'at. De nuhongomo nu aha na atulan haha aijo' aha motataemo, ‘Palias na kopandenyo nu pikilan nu aha bansa anu daka' aijo'!’