AMSAL 1:5 - KITAB NU TUMPU ALLA LELE MA'IMAI'

⁵ Tiba pokinde' haha aijo' miana nu pande mompaka panjoo'mo na ilimu'nyo ka' mian anu nosikolahmo mohumpakmo to poki-pokinde' anu ma'ima'.

AMSAL 1:5 ပူးပေါင်းရင်းမြစ်များ

AMSAL 12:1

Mian anu mongka'ima'i ilimu' sanang na montalima pokinde', panyo mian anu madi' mongka'ima'i pokinde' atina'mo na mian ponga'.

AMSAL 9:9

Demian anu pande na nu pokinde'i, ia mompakamo pande. Ka' de mian anu tulu-tulutan hi Tumpu Allah na nu pogulu', ilimu'nyo mompaka pintuangmo.

1 KORINTUS 10:15

Aku motatae hi komiu sumo hi to mia-mian anu pande. Komiu tionyo ahi' mompotutugakon potataengku aiya.

AYUB 34:16

Jadi, de beleyum pande, saja' o'inau' ma'i-ma'ima', ponggiling mae na bihing nu beleyum ka' potombihing.

AYUB 34:10

O to mia-mian anu pande, potombihing mae! Te toho' mule' Anu Daka' na kuasanyo mombau kasala'an?

AYUB 34:34

Iwi-iwi' na anu pande tantu monsetujui; miana anu pande na mohongo de aku motataemo

2 TAWARIKH 25:16

“Pomohokot”, na koonyo i Amazia, “De madi' opateimo mami na beleyum! Madi' toho' kami nohangkat beleyum da mompokinde'i i tomundo!” Sahingga nomohokotmo na nabi aijo', panyo ma'isa pe'e ia nomohokot ia daagi' notatae, “Uuka aiya sinumbu'kumo taalu' Tumpu Allah nontantukanmo da osilakaimo na belento Tomundo kalana belento Tomundo nombaumo han anu sumo aijo', ka' kalana belento Tomundo madi'mo nompajuli pokinde'ku.”

AMSAL 14:6

Mian anu takabun madi' timbali pande; panyo mian anu pande dengke na balagulu'.

ANU MOMPOLELE POTATAE NU TUMPU 9:11

I dunia aiya daagi mule' ko anu tinoangku; pailomba'an madi' saja'mo ko kamanangan na mian anu mopadeka', pahampatean madi' saja'mo ko kamanangan na mian anu mahoson. Mian anu pande madi' saja'mo mohumpak pakalaja'an polioan, ka' mian anu mangalati' madi' saja'mo mohumpak kakaya'an. Ka' mule' suele mian anu ahali madi' saja'mo talasanggo, Kalana maumo ahi' pa' ihe timbali nu tokai mae nu nasib soe'.

PO'ULE' INGULIT 4:6

Obau na aijo' ma'i-ma'ima'. De belemiu mombau sumo aijo', saba' kapandean nu belemiu timbali nutoa nu to bansa-bansa sangga'at. De nuhongomo nu aha na atulan haha aijo' aha motataemo, ‘Palias na kopandenyo nu pikilan nu aha bansa anu daka' aijo'!’

AMSAL 8:33

Otalima na pokinde' ka' jadimo pande, boli ola beleyum mompaha-pahaikakon pokinde'.

AMSAL 9:8

Boli mongalu miana nu madi' mongka'oho' opogulu', saidi' mae nu ka'idekimo na beleyum. Panyo de mian anu pande na nu poto'i na kasala'annyo nu akuimo na beleyum.

AMSAL 18:15

Mian anu manonong saja' megot molio ilimuu'; mian anu pande saja' mongindi da mohumpak pangajalan.

AMSAL 19:25

De mian anu takabun o hukum, mian anu madi' ko ilimu' mohumpak pangajalan. De mian anu manonong otewa' mompaka pintuang na kapandeannyo.

AMSAL 21:11

Hukuman ko na hi mian anu lewa' mombusiki sanggo nu mian timbali bau pangajalan hi mian anu madi' ko anu nu pisumbu-sumbu'. De mian anu manonong opokinde'i, ia mompaka pandemo.