AMOS 9:7 - KITAB NU TUMPU ALLA LELE MA'IMAI'

⁷ Tumpu notatae, “O mian nu Israel, Ku palahatikan na mian nu Sudan pokakanamo susumo Aku mompalahatikan belemiu. Binoang-Kumo na mian nu Filistin lengkat i Kreta ka' mian nu Siria lengkat i Kir pokakanamo susumo Aku nomboa belemiu lengkat i Mesir.

AMOS 9:7 ပူးပေါင်းရင်းမြစ်များ

2 TOMU-TOMUNDO' 16:9

I Tomundo' Tiglat-Pileser nongakuimo apaa na anu pinoto'i i Ahas, lantas nontumbuhimo ka' nongalamo Damsyik. Mian anu jojoong i kiijo' binoanyomo salaku mian anu i hakop ka' binoamo i Kir, ka' tomundo'nyo aijo'mo i Tomundo' Rezin, pinateannyomo.

2 TAWARIKH 14:12

Lantas i Asa ka' suludadu nu aha Yehuda nontumbuhi suludadu nu aha Sudan. I hungku'anmo nu Tumpu na suludadu nu aha Sudan, sahingga aha nopalaimo.

2 TAWARIKH 14:9

Daagi' kino minsan samian na aha bansa Sudan sanggonyo i Zerah nontumbuhimo Yehuda, gombuan nu suludadunyo 1.000.000 na mian, ka' 300 na kareta anu bau pahampate. Aha tinokamo mae i Meresa.

NOSABATMO 12:51

I sinaa aijo' tumpu nomboamo iwi-iwi' mian nu Israel nosabatmo nompala'imo Mesir.

YESAYA 20:4

Tomundo' nu Asyur saidi' mae mohakopmo to mia-mian anu hi ohua' na lipu' aijo' ka' aha oboamo langgo-langgo na lumajang. Anu motu'amo kabai anu ma'isa motu'a iwi-iwi' lumajang madi' mompusok baju ka' sapatu suele madi' mompusok jadi ahop nu aha kinantoaanmo salaku bau pongambangi aha Mesir.

YESAYA 22:6

Aha mian nu Siria tinokamo mae nonsake'i ajahan tiba kareta anu bau pahampate, aha mian nu Elam toongon mae nu aha bau pahampate pompelet tiba hihisnyo, aha mian nu Kir nomposadia mae kanta nu aha.

YESAYA 43:3

Kalana Akumo na Tumpu nu beleyum, Tumpu nu Israel anu susi', anu Momposalamatmo beleyum. Mesir Ku bee'mo salaku baumo pontokongi beleyum, Sudan tiba Syeba salaku baumo pombolosi beleyum.

YEREMIA 13:23

Te toho' mule' mian anu mo itom timbali mombali'i buhit nu kilitnyo, kabai harimau moko ala mongalini belongka'nyo? Tantu madi' ahi'! Sumo aijo'mo na belemiu anu biasamo mombau palabuatan anu ma'idek, susa'mo hondo na mombau palabuatan anu ma'ima'.

YEREMIA 47:4

Tinokamo na tempo'nyo bansa Filistin osilakaimo ingko-ingkot sahingga Tirus tiba Sidon madi'mo daagi' ko anu montulungi. Aku, Tumpu, monsilakaimo iwi-iwi' na aha mian nu Filistin anu daagi' tinontuha' lengkat mae i Kreta.

HOSEA 12:13

I Yakub mompolee'to nopalaimo namba i Mesopotamia, lantas da timbali mohumpak bengkele' ia nomoitamo da bau posaihon hi aha mian anu kiijo' mae ka' lewa'mo nolaya' domba nu mian aijo'.

AMOS 1:5

To saba-sabatan daka' nu Damsyik Ku ideimo ka' mian anu jojoong i Hatanyo nu Awen Ku sapuimo iwi-iwi' i tampat anu jojoongan nu aha. Anu mongkuasai Bet-Eden, Ku tau'akonmo i suhangannyo, ka' mian anu jojoong i Siria ohakopmo ka' oboamo mamba i Kir.”

AMOS 2:10

Belemiu binoang-Kumo mae nosabat lengkat mae i Mesir ka' i laya'-Ku mae nontulu padang bone' anu ewa patompulu' na taun na Kinopinnyo. Tano' nu mian Amori binee'-Kumo hi belemiu da baumo lipu' nu belemiu.

PO'ULE' INGULIT 2:23

Tano' anu montuus biwi nu Ambai anu Totonga'nyo jinojoonganmo nu aha mian anu nolengkat mae i togong Kreta. Aha nompateimo mian nu Awi tumpu nu tano' aijo', lantas nonjojoongi da'erah aijo' toka-toka mokiijo' i sasu selatan na kojo'onnyo sampe tinoka i kota Gaza.)