AMOS 9:2 - KITAB NU TUMPU ALLA LELE MA'IMAI'

² Mau pe'e aha moko ala mompinsoopi dunia nu mian anu silakamo. Ku humpak na aha. Mau mule' aha moliba' mokiita' i langit, Aku montau'akon mae aha lengkat i aita' mae.

AMOS 9:2 ပူးပေါင်းရင်းမြစ်များ

AYUB 20:6

Maumo ia talasanggo toka-tokamo aita' i langa, na kotangkasnyo, sahingga ubaknyo montokamo kundom,

AYUB 22:13

Panyo pinokilawa nu beleyum, “Te ia apaa naanu pisumbu-sumbu'? Ia kiita' mae i sambiha' nu kundom jadi madi' ahi' moko ala mongulus palakalanto.”

AYUB 24:23

Tumpu Allah nombee'imo ia kantumuu'an anu ma'ima', panyo sabole-bole saja' nu potomatakon.

AYUB 26:6

I ahop nu Tumpu Allah, dunia nu mian anu sinilakamo tuhe-tuhea' hi Tumpu Allah, madi' tinumban sahingga kantoan hi Ia.

AYUB 34:22

Madi' ko anu pintung, maumo ahi' pikat taha-tahahumo, anu timbali moko ala momposuluk miana nu baladosa'.

YESAYA 2:19

Salatan Tumpu totinjomo ka' monggayu'mo dunia aiya mian singkapmo minsoop iliang anu i to puge-puge'nyo nu batu gahanggan kabai mongkekemo bolo' itano' da madi' nu kona nu tambuha' nu Tumpu ka' mule' kakuasa'an-Nyo anu talasanggo aijo'. De sinaa aijo' tokamo mae to pilo-pilogot anu mosoni' na binau kabai salaka nunu sombah nu aha aijo' nu pala'imo nu aha madi'mo nu kali-kalinga nu aha timbalimo bahagian nu bokoti' tiba poniki'.

YEREMIA 49:16

Buulon nu beleyum ati-atina na nongakalimo beleyum. Madi'mo ko anu mongkabuhuk beleyum susumo sangka'an nu beleyum. Beleyum jinojoongmo i olo-olot nu batu, majo'on aita' mae ibawo nu bungkutnyo. Panyo maumo ahi' nu bau na laigan nu beleyum itampat anu matangkas hondo, sumo kotangkasnyo nu peta nu bonyia', nu tau'akonmo ahi' nu Tumpu lengkat mae atina'. Tumpu na nontaloakonmo iwi-iwi' aijo'.”

YEREMIA 51:53

Maunyomo ahi' Babel timbali moko ala moliba' mokiita' ilangit ka' mombaumo palatahanan anu madi' opko ala otoka, panyo tataap ahi' Ku pokau na mian da mamba mohansuni. Aku, Tumpu, notataemo.”

YEHEZKIEL 26:20

Lantas beleyum Ku boamo i dunia nu mian anu sinilakamo da sola'mo humang tiba aha mian anu sinilakamo salatanmo pe'e naipuan mae. Ku pojohokmo na beleyum da tataapmo i dunia nu mian anu sinilakamo aijo' itotonga' nu anu singkapmo na'idek sampe toka sidu-sidutu', tiba mian anu sinilakamo. Sahingga tano' nu beleyum madi'mo daagi' ojojoongi ka' beleyum mule' madi'mo daagi' oposoop ilekengan nu mian anu daagi tutuu'.

YEHEZKIEL 31:14

Iwi-iwi' aijo' jadimo da otampu'uni uuka aiya madi'mo daagi' ko kau' anu tumuu' sumo aijo' na kotangkasnyo; madi'mo daagi ko tuu' nu kau' anu montoka-toka kundom maumo ahi' mohumpak uee anu molabi-labi. Iwi-iwi' tionyo ahi' silaka susumo manusia anu madi' tumuu' batu ka' sihukmo mosa'angu' tiba to mia-mian anu nintatau'mo i dunia nu mian anu sinilakamo.”

OBAJA 1:4

Maumo beleyum nombaumo laigan nu beleyum sumomo ko tangkas nu peta nu tomonsi' bonyia' ka' mule' ko tangkasnyo sumomo to manda-mandala' ilangit, beleyum tionyo ahi' Ku tuamo mae.

LUKAS 10:18

I Yesus nontaami, “Aku nontoa Ibilis nanabu' lengkat mae i langit sumo kilat.