AMOS 9:15 - KITAB NU TUMPU ALLA LELE MA'IMAI'

¹⁵ Ku pojoongmo na aha mian-Ku anu palesayamo ilipu' anu Ku bee'mo hi aha. Aha madi'mo daagi olalin, tataapmo ikiijo'. Akumo na Tumpu Allah nu aha anu notataemo.” 18

AMOS 9:15 ပူးပေါင်းရင်းမြစ်များ

MAZMUR 44:2

O Tumpu, pinosi hongomo mami sisikon anu sinisikmo nu mompolee' mami mongkona palabuatan anu opalias hondo bibinaumo nu Belento tempo'nyo naipuan mae.

MAZMUR 80:8

O, Tumpu, Anu Daka na Kuasa-Nyo po'ule' mae pokopianiakon na kantumuu'an mami; polibos mae na montoa kami, da kami salamat.

YESAYA 60:21

Mian anu jojoong atina' hi beleyum saja'mo mian anu toto adi-adin, aha mohumpakmo lipu' anu sampe toka sidu-sidutu'. Aha sumomo anu cinangko' anu Aku na nosu'an, da bau pomponyata' saba' Aku anu ahi' oholomati.

YEREMIA 16:15

panyo atasmo sanggong-Ku, Tumpu Allah anu tumuu' anu nomboamo mian nu Israel nosabat lengkat mae isa'angu' na lipu' sasu utara ka' lengkat mae ilipu' iwi-iwi' sangga'at anu pinongga'a-ga'atakonan-Kumo aha. Aha po ule'mo Kusule'akon mae itano' nu aha, lipu' anu binee'-Kumo hi mompolee' nu aha.”

YEREMIA 23:8

panyo atasmo sanggong-Ku, Tumpu Allah anu tumuu' nonomboamo mian Israel nosabat lengkat mae isa'angu' na lipu' anu isasu utara ka' mule' lengkat mae isongko-songko na lipu' sangga'at anu pinongga'a-ga'atakonan-Kumo aha. Aha po ule'mo jojoong iposi tano' kinahampeannyo.”

YEREMIA 24:6

Ku jagai na aha ka' po ule' momboa mae aha minsusule' ilipu' aiya. Aku po ule' mombangonakon aha, misa' mongidei aha;

YEREMIA 3:18

Israel mosa'angu'mo tiba Yehuda ka' hingga-hinggatmo mae toka lengkat ilipu' pinomboan isasu utara. Aha minsusule'mo mae ilipu' anu binee'-Kumo salaku tano' pusaka' hi aha lee' nu belemiu.”

YEREMIA 32:15

Tumpu Anu Mahakuasa, Tumpu Allah nu Israel notatae, tukoo-Nyo laigan, tano' tiba ale' nu anggur saidi' mae opaha pobalukmo mule' ilipu' aiya.”

YEREMIA 32:37

Po ule'mo Ku posihuk na bansa aiya lengkat mae ibansa iwi-iwi' tampat pipinongga'a-ga'atakonan-Ku aha kalana Aku pinusamo, ka' notambuha'mo hi aha. Aha Ku boamo mule' mae itampat aiya ka' Ku pobee'mo jojoong i aiya sahingga madi'mo ko anu mompoposia.

YEREMIA 32:41

Aku sanangmo na mombau palabuatan anu ma'ima' hi aha, ka' mompotataapmo aha ilipu' aiya sampe toka sidu-sidutu'.

YEREMIA 33:7

Yehuda tiba Israel po ule'mo mohumpak kamajuan susumo naipuan mae ka' aha po ule'mo tuminjo salaku mian anu palesayamo hi Belengku.

YEHEZKIEL 34:28

Aha madi'mo daagi otololangi nu to bansa-bansa anu madi' monsumbu' Aku, kabai nu sa'u nu to bina-binatang anu mahangas. Aha tumuu'mo ma'ima' ka' madi'mo daagi ko samian anu lewa' mompahatakut aha.

YEHEZKIEL 37:21

Lantas poto'imo hi aha, taalu' Aku, Tumpu Anu Matangkas na Kuasanyo mongalamo mae iwi-iwi' na bansang-Ku lengkat mae ilipu'-lipu' anu kinalambananmo nu aha. Aha Ku posihukmo ka' po ule'mo Ku boa mae iposi lipu' nu aha.

YOËL 3:20

Baso' nu aha Ku tuntutmo na pombolosinyo, aha nompatei Ku tobus suele nu mompatei. Panyo Yehuda tiba Yerusalem na saja' ahi' ko miannyo anu monjojoongi, ka' Bungkutnyo nu Sion na tataap ahi' saja' bau kajojoongan-Ku.” 12

MIKHA 4:4

Iwi-iwi na mian tumuu' madi'mo ko anu mompoposia ka' mohumpakmo kantumuu'an ma'ima' itotonga' nu ale' nu anggur tiba ale' nu ara; madi'mo ko anu lewa' monggala-gala ia aijo'mo na palajanjian nu Tumpu Anu Daka' na Kuasanyo.