AMOS 9:14 - KITAB NU TUMPU ALLA LELE MA'IMAI'

¹⁴ Ku pojadimo na mian-Ku Israel anu palesayamo da aha po ule'mo sanang. Aha po ule'mo mombau kota' nu aha iwi-iwi' anu na'idekmo lantas aha jojoongmo ikiijo. Aha monsu'animo nu anggur iwi-iwi' na ale' lantas saidi' mae nu inumo nu aha na ueenyo. Aha mongale'mo ka' nu kaanmo nu aha na hasinnyo.

AMOS 9:14 ပူးပေါင်းရင်းမြစ်များ

MAZMUR 107:37

Aha nonsaumo bine' i ale' nu aha iwi-iwi' ka' nonsu'anmo anggur, lantas nongalamo hasinnyo nanjoo' hondo.

MAZMUR 53:6

Mian anu ma'idek na kinyonyoanyo talalo ahi' mabuhuk, padahan madi' ko anu mompopobuhuk, kalana Tumpu mompotanatamo buku nu mian anu montumbuhimo belemiu; aha madi'mo tinalima nu Tumpu, jadi' opatundu'mo nu belemiu na aha.

YESAYA 60:4

Soba toa apaa na anu jinadimo atina' songko-songko hi belemiu; mian da'isan nosa'angu'mo da minsusule'mo hi belemiu. To ana-anak nu belemiu to momo'ane tinokamo lengkat mae itano' majo'on, to ana-anak boune nu belemiu otangkungmo mae.

YESAYA 61:4

Aha mombaumo to kota-kota' anu pininmo na na'idek ka' mompotinjomo tampat-tampat anu pininmo na i liing.

YESAYA 65:21

Mian mombaumo laigan ka' oposi jojoongimo mian sangga'at madi' timbali monjojoongi. Aha monsu'animo ale' nu anggur, ka' monginumo uee nu anggurnyo; mian sangga'at madi' timbali monginum. Mian anu palesayamo hi beleng-Ku mantanmo na umunnyo susumo kau', ka' mongkaanmo hasin nu pakalaja'an nu aha.

YEREMIA 12:15

Panyo salatan osabatakonmo na aha, po ule'je ahi' Ku kalibosi na aha; batu-batu bansa po ule'mo Ku sule'akon mae minsusule' iposi lipu' nu aha.

YEREMIA 16:15

panyo atasmo sanggong-Ku, Tumpu Allah anu tumuu' anu nomboamo mian nu Israel nosabat lengkat mae isa'angu' na lipu' sasu utara ka' lengkat mae ilipu' iwi-iwi' sangga'at anu pinongga'a-ga'atakonan-Kumo aha. Aha po ule'mo Kusule'akon mae itano' nu aha, lipu' anu binee'-Kumo hi mompolee' nu aha.”

YEREMIA 23:8

panyo atasmo sanggong-Ku, Tumpu Allah anu tumuu' nonomboamo mian Israel nosabat lengkat mae isa'angu' na lipu' anu isasu utara ka' mule' lengkat mae isongko-songko na lipu' sangga'at anu pinongga'a-ga'atakonan-Kumo aha. Aha po ule'mo jojoong iposi tano' kinahampeannyo.”

YEREMIA 24:6

Ku jagai na aha ka' po ule' momboa mae aha minsusule' ilipu' aiya. Aku po ule' mombangonakon aha, misa' mongidei aha;

YEREMIA 29:14

Memang totu'u ohumpakmo nu belemiu na Aku. Belemiu Ku posihukmo lengkat mae hi iwi-iwi' na bansa ka' lengkat mae hi iwi-iwi' na lipu' tampat belemiu gina'a-ga'atakonmo ka' binoa. Belemiu po ule'mo Ku sule'akon mae ilipu' pinolengkatan nu belemiu aiya ka' mule' po ule'mo Ku bee' na kantumuu'an nu belemiu anu nai puan mae. Aku, Tumpu notataemo.’

YEREMIA 30:18

Tumpu po ule' mule' notatae; “Belemiu mian anu palesayamo hi beleng-Ku Ku kalibosimo ka' po ule'mo Ku pokopiani na kantumuu'an nu belemiu i tano' kinahampean nu belemiu. Yerusalem po ule'mo ahi' obau ka' laigannyo nu tomundo' opoko ima'imo.

YEREMIA 30:3

Kalana tokaje mae na tempo'nyo po ule'mo Ku poko ima'i na kantumuu'an nu mian anu palesayamo hi beleng-Ku, Israel tiba Yehuda. Po ule'mo Ku boa na aha ilipu' anu binee'-Kumo hi mompolee' nu aha. Lipu' aijo' po ule' nu ala nu aha.”

YEREMIA 31:23

Tumpu Anu Mahakuasa, Tumpu Allah Israel notatae, “De maluanyo mian anu palesayamo hi beleng-Ku, Ku pojadimo ma'ima' na kantumuu'an nu aha susumo naipuan mae, sahingga ilipu' Yehuda tiba ikampungnyo anu toto ise-ise' ohongo mule' na mian motatae, ‘O amalakon da Tumpu mombalakati puge'nyo anu susi' i Yerusalem tampat samata-mata ola Ia na monjojoongi.’

YEREMIA 31:28

Susumo naipuan mae Aku nonjagaimo aha da lapas mae Ku gautakonmo, Ku hobo'akonmo ka' Ku hansunimo na aha, sumo aijo'mo na Aku mule' monjagai aha, Ku pokododo ka' po ule' Ku bangonakon na aha.

YEREMIA 31:5

Belemiu po ule'mo mombau ale' nu anggur ibungkutnyo nu Samaria, ka' ihe na anu montugan saidi' mae ia na montipu bua'nyo.

YEREMIA 32:15

Tumpu Anu Mahakuasa, Tumpu Allah nu Israel notatae, tukoo-Nyo laigan, tano' tiba ale' nu anggur saidi' mae opaha pobalukmo mule' ilipu' aiya.”

YEREMIA 32:37

Po ule'mo Ku posihuk na bansa aiya lengkat mae ibansa iwi-iwi' tampat pipinongga'a-ga'atakonan-Ku aha kalana Aku pinusamo, ka' notambuha'mo hi aha. Aha Ku boamo mule' mae itampat aiya ka' Ku pobee'mo jojoong i aiya sahingga madi'mo ko anu mompoposia.

YEREMIA 33:11

Panyo itampat haha aijo' saidi' mae po ule'mo ohongo na lewo' nu mian anu lame' ka' anu binilahimo ka' mule' lewo' nu mian anu nombaumo babauon mo'osoa. Ka' ohongo mule' na nyanyian nu to mia-mian anu momboa koloban bau pontalima kase i Laigan-Ku. Aha motataemo, ‘Pontalima kasemo hi Tumpu Anu Balakuasa hondo, kalana Ia manonong ka' mule' kalibosan-Nyo sampe toka sidu-sidutu'.’ Lipu' aiya Ku pomajumo na kantumuu'an nu aha susumo momonanyo naipuan mae. Aku, Tumpu notataemo.”

YEREMIA 33:7

Yehuda tiba Israel po ule'mo mohumpak kamajuan susumo naipuan mae ka' aha po ule'mo tuminjo salaku mian anu palesayamo hi Belengku.

YEHEZKIEL 16:53

Tumpu notataemo hi Yerusalem, “Sodom tiba Samaria ka' mule' kampung nu aha anu toto ise-ise' po ule'mo Ku pojadi sanang na kantumuu'an nu aha. Lapas aijo' atina'je ka' beleyum suele Ku pojadi sanang na kantumuu'an.

YEHEZKIEL 28:26

Aha tumuu' madi'mo ko anu sola' mompoposia ikiijo' ka' mombaumo laigan, ka' mule' mombaumo ale' nu anggur. Ku hukumo na aha iwi-iwi' anu mompaha ohani tina aha sola-sola'mo nompopo ise' aha sahingga Israel jadimo sanang madi'mo ko anu sola' mompoposia. Sahingga nu sumbu'je nu aha taalu' Akumo ahi' na Tumpu nu aha.”

YEHEZKIEL 37:21

Lantas poto'imo hi aha, taalu' Aku, Tumpu Anu Matangkas na Kuasanyo mongalamo mae iwi-iwi' na bansang-Ku lengkat mae ilipu'-lipu' anu kinalambananmo nu aha. Aha Ku posihukmo ka' po ule'mo Ku boa mae iposi lipu' nu aha.

YEHEZKIEL 39:25

Tumpu Anu Matangkas na Kuasanyo notatae, “Panyo uuka aiya po ule'mo Ku kalibosi na aha mian nu Israel lee' i Yakub ka' po ule'mo Ku pokopiani na kantumuu'an nu aha. Tiba jalan anu sumo aijo' na Aku monjagai da sanggong-Ku tataap oholomati.

AMOS 5:11

Belemiu mongkabisa'i mian anu kasiasi ka' gandumnyo ingagoan nu belemiu. Kalana aijo' belemiu madi'mo daagi' jojoong i laigan nu belemiu anu toto ima-ima' atina' anu binaumo nu belemiu aijo. Belemiu madi'mo monginum anggur lengkat i ale' nu anggur anu sinu'ananmo nu belemiu.

ZEFANYA 1:13

Halata' nu aha saidi' mae o agoimo ka' iwi-iwi' nalaigan nu aha ohansunimo. Aha saidi' mae mombaumo laigan panyo madi'mo nu jojoongi nu aha. Aha saidi' mae mongusahakonmo ale' nu anggur panyo madi' monginum anggur nyo.”

ZEFANYA 2:7

Mian anu jojoong i Yehuda anu moko ala mopalai saidi' mae monjojoongimo daerah nu belemiu aijo'. Aha saidi' mae molaya'mo potuu'on itano' aijo' ka' de pihimo aha hoyotmo ilaigan nu aha mian Askelon. Kalana Tumpu, Tumpu nu aha na monjagai aha ka' mule' da aha po ule' sanang na kantumuu'an nu aha.