AMOS 9:13 - KITAB NU TUMPU ALLA LELE MA'IMAI'

¹³ Tumpu notatae, “De tokamo na tempo'nyo, tumuu'na gandum talalo hondo malia' sahingga tempo'nyonu mompadak madi' ko kamingkotannyo. Anggur malia'mo natumuu' sahingga mian saja'mo mombau uee nu anggur. Uee nu anggur jumujumo mae i to bungku-bungkutnyo ka' mo ili mae i to puge-puge'nyo.

AMOS 9:13 ပူးပေါင်းရင်းမြစ်များ

KAJADIAN 49:11

Anak nu keledainyo pinosegotnyomo i kau', i kau' anggur anu ma'ima' hondo. Ia mombaso'i hudenyo nu anggur, anggur momea' susumo baso'.

MAZMUR 97:5

Iwi-iwi' na bungkutnyo inoe'mo susumo tahu' i ahop nu Tumpu, i ahop nu Tumpu anu mongkuasai songko-songko na dunia.

YESAYA 16:10

Madi'mo daagi' ko samian pe'e na anu lame' i ale' anu toto lumba-lumba' haha aijo'. Madi'mo daagi' ko anu mompao' anggur da obau anggur inumon. Aku nontewa'mo aha sola' montaligalai.

YESAYA 55:13

Kau' lontio' mombolosakonmo kuhat kohi'nyo, bunga-bunga anu sinu'an nombolosakonmo kuhat. Aijo' jadimo da Aku talapuji'mo salaku tanda anu madi' okolilimi sidu-sidutu'.”

YEHEZKIEL 28:26

Aha tumuu' madi'mo ko anu sola' mompoposia ikiijo' ka' mombaumo laigan, ka' mule' mombaumo ale' nu anggur. Ku hukumo na aha iwi-iwi' anu mompaha ohani tina aha sola-sola'mo nompopo ise' aha sahingga Israel jadimo sanang madi'mo ko anu sola' mompoposia. Sahingga nu sumbu'je nu aha taalu' Akumo ahi' na Tumpu nu aha.”

YEHEZKIEL 36:35

Sahingga iwi-iwi' na mian jadimo bangang kalana tano' anu u'utu mae kinunmo uuka aiya nongabali'mo tinimbalimo taman Eden, ka' mule' kota-kota' anu naipuan mae iliingmo hondo, ihansunmo ka' memo kinahansunanyo na aijo' uuka aiya jinadimo kota-kota' anu mahoson palatahanannyo ka' nanjoo'mo hondo na miannyo anu jojoong ikiijo'.

YOËL 2:24

Sahingga gandum mongisi mule' tampat pongututan; anggur ka' lanya' nu zaitun molabesmo i tampat pompao'an.

YOËL 3:18

Tempo'nyo aitu iwi-iwi na bungkutnyo mobuke'mo nu ale' nu anggur. Binatang anu opotuu' mongototmo hemput i iwi-iwi na puge'nyo anu ma'omuk. Iwi-iwi na kaunyo anu kiijo' i Yehuda, madi'mo toho' mo'oti na ueenyo. Sa'angu' na kaunyo mo ili lengkat mae Laigan nu Tumpu, ka' mongueeimo Bangka'nyo nu Akasia na ueenyo anu molino hondo.

YOËL 3:20

Baso' nu aha Ku tuntutmo na pombolosinyo, aha nompatei Ku tobus suele nu mompatei. Panyo Yehuda tiba Yerusalem na saja' ahi' ko miannyo anu monjojoongi, ka' Bungkutnyo nu Sion na tataap ahi' saja' bau kajojoongan-Ku.” 12

IMAMAT 26:5

Hasin nu ale' nu belemiu saidi' mae molabi-labimo, sahingga mau tempo'nyomo pontipuan bua' nu anggur, belemiu daagi' mompadak gandum. Ka' de tokamo na tempo'nyo motuganmo gandum, belemiu daagi' montipu bua'nyo nu anggur. Belemiu ko kaanonmo anu sukup ka' kantumuu'an nu belemiu sanangmo i lipu' nu belemiu.

AMOS 9:5

Dunia tinolohunjongmo ka' mian anu jojoong i dunia sinusa'mo kalana i henggomo nu Tumpu anu Matangkas ka' Daka' na kuasanyo. Susumo Kaunyo nu Nil iyaba' ka' mo'oti sumo aitumo na aha moliba' lantas nanabu'.

YOHANES 4:35

Komiu motatae, ‘Daagi' opat na bitu'on pompadakanmo.’ Panyo Aku motatae hi komiu: Tanggalakon na to ale-ale' singkapmo kinangkinian me montanda'i o padak!

TO MIA-MIAN KOPIAN 5:5

To bungku-bungkutnyo ginayu'anmo i ahop nu anu mongkuasai Sinai, i ahop nu Tumpu, Tumpu Allah nu aha mian Israel.