AMOS 9:11 - KITAB NU TUMPU ALLA LELE MA'IMAI'

¹¹ Tumpu notatae, “Tokaje na tempo'nyo Aku mompo'ule' mombali'i kalaja'an i Daud. Uuka aiya kalaja'an aijo' tinimbalimo susumo laigan anu nohobo'mo. Panyo pagannyo mesen po'ule'je Ku poko ima'i ka' po'ule'je Ku bau sahingga timbalimo susumo u'utu mae.

AMOS 9:11 ပူးပေါင်းရင်းမြစ်များ

AYUB 1:10

Ia, aha salaigan ka' iwi-iwi' na kakaya'annyo saja' nutoakon nu Belento. Kalajanyo nubalakati nu Belento, ka' ia obee'i nu Belento manjo' hondo na potu'on, lipu' songko-sogko nusongkohimo nu potu'onnyo.

MAZMUR 143:5

Ku inau' hondo na kantumuu'anku i sinaa anu i hikuhakonmo: ku popikilakon iwi-iwi' apaa na anu binaumo nu Belento, ku tutugi iwi-iwi' apaa na anu binaumo nu Belento.

MAZMUR 80:12

Panga'nyo toto ise-ise' nantademo manta-mantan tinoka-tokamo i Ambai anu i Totonga'nyo, iwi-iwi' na londeknyo tinoka-tokamo i Kaunyo nu Efrat.

MAZMUR 89:40

Madi'mo kupojadi na palajanjian nu Belento hi posaihon nu Belento, makota'nyo i lumbu'akonmo nu Belento i uno nu hensek.

YESAYA 16:5

Lapas aijo' samian na lee' mai i Daud timbalimo tomundo' ka' mompalentahmo bansanyo ka' saja ahi ko kalibosan ka' ule' madi' geguan. Ia na montoongi ahi' ka adilan ka' mule' malia' ahi' na bala ulusan mombau anu sahondo-hondonyo.)

YESAYA 5:5

Sumo uuka na Aku mombau ale' nu anggur-Ku aijo'. Balabat anu montikubi mae aijo' Ku gautakonmo, pagan mesen anu montingki'i mae Ku hobo'akonmo, lantas Ku pokilayamo da nu ideimo nu binatang anu mahangas ka' lewa' mompahampeja'akon.

YESAYA 58:12

Kota' anu pininmo na na'idek po'ule'mo opotinjo i tampatnyo anu momona. Belemiu osanggohimo ‘Bansa anu po'ule'mo nombau pagan mesen ka' nompokoima'imo to lai-laigan anu i hansunmo.’ ”

YESAYA 63:11

Lantas tinonginau'mo tempo'nyo naipuan mae tempo'nyo i Musa, posaihon nu Tumpu. Aha nompokilawamo, “Iyamo mae na Tumpu anu nolaya'mo to pola-polaya' nu aha mian anu pa lesayamo hi Ia notulu i ambai? Iyamo mae na Tumpu anu nombee'mo kuasa-Nyo hi aha?

YESAYA 65:9

Aha mian nu Israel anu lengkat mae i tulunan nu bansa Yehuda Ku balakatije, ka' lee' nu aha mohumpakje tano'-Ku anu i bungkutnyo. Mian haha aijo' anu pinile'an-Kumo anu tulu-tulutan hi beleng-Ku jojoongmo kiijo' mae.

YEREMIA 18:9

Panyo mule' ahi' de maluanyo tinantukan-Kumo da mompotinjomo kabai mompohosonmo sa'angu' na bansang kabai kalaja'an,

YEREMIA 30:9

Belemiu palesayamo hi beleng-Ku, Tumpu Allah nu belemiu ka' hi samian te lee' mae i Daud anu Ku hangkatmo bau tomundo'.

YEREMIA 46:26

Ku bee'mo hi Nebukadnezar tomundo' nu aha Babel tiba hi suludadunyo anu kokahanda'mo mompatei aha. Panyo imihinyo mae, Mesir po ule'mo ahi ojojoongi susumo naipuan mae. Aku, Tumpu, notataemo.”

MOHAANGI 5:21

O Tumpu, boa na kami po'ule' minsusule' hi Belento; kami po'ule'mo minsusule' hi Belento! Po'ule'akonmo mae na ka'ada'an mami susumo naipuan mae.

YEHEZKIEL 17:24

Iwi-iwi' na kau' anu daagi' ilipu' nu mian saidi' mae mangalati'je taalu' Akumo ahi' na Tumpu. Kau' anu matangkas Ku taa'mo; kau' anu hede' Ku potumuu'mo da matangkas hondo. Kau' anu tumuu' molunou Ku pomanggasmo hondo-hondo; ka' mule' kau' anu nanggasmo Ku potumuu'imo sumpenyo ka' bunganyo. Aku, Tumpu, notataemo, iwi-iwi' na potataeng-Ku saidi' mae tionyo ahi' jadi.”

YEHEZKIEL 36:11

Miannyo ka' potuu'on nu belemiu Ku tuangimo sahingga majoo'mo hondo lebe'mo manjoo' na anu u'utu mae ka' mule' aha mohumpakmo lee' manjoo'. Aha po ule' tumuu' kiijo' mae susumo u'utu mae ka' Ku pojadimo sanang na kantumuu'an nu aha susumo anu ma'isa toho' tina'up nu belemiu. Sahingga nu sumbu'je nu aha taalu' Akumo ahi' na Tumpu.

HOSEA 3:5

Panyo tokaje mae na tempo'nyo bansa Israel po'ule'mo ninsusule' hi Tumpu nu aha, ka' hi tomundo' nu aha anu lengkat mae hi lee' i Daud. Lantas aha mabuhukmo ka' moholomatimo Tumpu ka' montalimamo to bala-balakat-Nyo.

OBAJA 1:17

“Panyo i bungkutnyo nu Sion saidi' mae ko anumo oposalamat ka' bungkutnyo aijo' timbalimo sa'angu' na tampat bau katokaan-Ku. Sahingga lee' i Yakub po Ule'mo montumpui tano' pusaka' nu aha.

MIKHA 5:2

Jadi nu pojohokmo nu Tumpu na mian-Nyo anu palesayamo da nu kuasaimo nu sampobali' nu aha, sampeje boune anu tinantukanmo da timbali tinanyo nu anu mongkuasai aijo' mompohampemo Ia anu mongkuasai Israel. Lapas aijo' to mia-mian anu bubu' bansanyo anu kiijo' mae i tampat pinomboan ka' pinompojoongan aha po ule'mo oposa'angu' tiba bansa nu aha.

MIKHA 7:11

O, Yerusalem! Tinokamo na tempo'nyo belemiu po'ule'mo mombau pagan mesen nu kota' nu belemiu.

MIKHA 7:14

O, Tumpu ojagaiakon mae na mian anu palesayamo hi Belento, mian anu pinile'anmo nu Belento. Aha nosi tademo na jinojoong i uno nu alas anu ewa hondo i daerah nu tano' anu ma'omuk. Bisa-bisa aha mohumpak anu okaan i padang hemput kiijo' mae i Basan ka' mule' kiijo' mae i Gilead susumo tempo'nyo naipuan mae.

MIKHA 7:8

Madi' ko bau pikilan nu aha to sampo-sampobali'to na balame-lame' kalana kita ihansunmo. Kalana maumo ahi' kita pinatundu'mo, panyo kita po ule' ahi' tootinjo. Uuka aiya kita i unomo nu pikat panyo Tumpu na monjingkai mae kita.

ZAKHARIA 12:7

Aku, Tumpu na momona mombee'i ka untungan mahampate hi aha to sulu-suludadu nu Yehuda, da kaholomatan anu tinalimamo nu lee' i Daud ka' mule' mian anu jojoong i Yerusalem madi' molingkudui kaholomatan anu titinalimamo nu mian sangga'at anu jojoong i Yehuda.

ZAKHARIA 14:10

Songko-songko na lipu' lengkat mae i Geba sasu utara toka-toka i Rimon sasu salatan timbalimo katano'an. Panyo Yerusalem mompaka patangkasmo lebemo matangkas nu liu-liumo na tano' anu i duhu-duhuknyo; kota aijo' mompaka ewamo lengkat mae i Sabatan Daka' Benyamin toka-toka i Sabatan Daka' anu i Pasu'nyo, tampat nu Sabatan Daka' anu Momona ka' lengkat mae i Laigan tangka-tangkas Hananel toka-toka i pompao'an anggur anu i tomundo'.

ZAKHARIA 6:12

Poto'iakon hi ia, saba' Akumo na Tumpu Anu Daka' na Kuasanyo nonotataemo, ‘Mian anu osanggohi Sang Tunas na saidi' mae balahasin i tampat kajojoonganyo ka' ia po ule'mo mombau Laigan nu Tumpu.

NOMBILANGMO 24:18

Tano' nu aha Edom saidi' mae nupalentahmo nu anu monsampobali' ia, panyo Israel mombaumo hahan anu okabuhuk.