AMOS 9:1 - KITAB NU TUMPU ALLA LELE MA'IMAI'

¹ Aku nontoa Tumpu tinuminjo koko mezbah. Ia nombee'i palentah aiya, “Santib hoso-hoson na puusnyo nu ohi' nu Laigan-Ku da gandalia iwi-iwi' tolohunjong. Tua'akon na to ohi haha aijo' i ubak nu mian haha aijo'. Aha anu madi' silaka Ku pateije i uno nu pahampatean. Madi' ko samian pe'e na noko palaiakon butong, madi' ko samian pe'e na moko ala mopalai.

AMOS 9:1 ပူးပေါင်းရင်းမြစ်များ

2 TAWARIKH 18:18

I Mikha po'ule' mule' notatae, “Uuka aiya soba potombihing apaa na anu pinoto'imo nu Tumpu! Aku nontoa Tumpu suha-suhang aita' i kasuhangannyo i suluga', ka' iwi-iwi' na malaekat-Nyo singkapmo tinuminjo koko hi Ia.

MAZMUR 68:21

Tumpu-nto aijo'mo na Tumpu anu momposalamat, Ia na mompobebasmo kita da madi' sinilaka.

MAZMUR 68:22

Tumpu na tionyo ahi' mompohimpuyu ubak nu anu monsampobali' Ia, to mia-mian anu me saja' tumuu' mombau dosa'.

YESAYA 30:16

Ola mule' ahi' belemiu binatanga'mo nopalai da boli nu poposia nu sampobali' nu belemiu ka' nonsake'imo ajahan anu malia' hondo. Ma'ima'mo! Memang belemiu tionyo ahi' mopalaimo! Tinutugan nu belemiu au'aitu ajahan nu belemiu atina' sukupmo hondo na kolia'yo na ia mopadeka' padahan anu montotumputi mae belemiu na lebe malia'.

YESAYA 6:1

Kinakona itaun kikinasilakaanmo i Tomundo' Uzia aku nontoamo Tumpu. Ia suha-suhang ikadela-Nyo tangka-tangkas ka' anu oholomati. Juba'-Nyo monsalingkukubi songko-songko na Laigan nu Tumpu.

YEREMIA 11:11

Kalana aijo' Aku, Tumpu mompokinde'imo saba' Aku mompotokamo mae balaa' hi aha ka' madi'mo nu poko ala nu goliliakon nu aha da madi' nu kona. De aha motatae mae daka-daka' momoita tulung hi beleng-Ku, Aku madi'mo mohongo-hongo.

YEREMIA 42:16

“Pahampatean ka' kasusa'an i anu okaan oka-okabuhuk nu belemiu mololoi'mo belemiu toka-toka i Mesir ka' mule' belemiu silakamo ilipu' kiijo' mae.

YEREMIA 48:44

Mian anu mompalaimo da madi' ko kasilaka'an manabu'mo i bolo' ka' anu moko ala mingkemuat mae i bolo' nu konamo ahi' nu so'o. Iwi-iwi' aijo' jadimo ahi' de tokamo itempo'nyo na anu tinantukan-Kumo da mohansunimo Moab.

YEHEZKIEL 1:28

ka' manjoo' hondo na ngahan nu buhitnyo mimbalu-balu'mo tandalo'. Aijo'mo na jingka anu lonsinoan hondo salaku tanda daagi'mo ko Tumpu tinoka. Nontoa aijo' aku tinombahangkangmo dumo-dumon itano'. Lantas ihongongkummo na potatae

YEHEZKIEL 10:4

Jingka anu majingka hondo salaku tanda Tumpu tinokamo najingka lengkat mae aijo' i malaekat haha aijo' ka' nolalinmo i sabatan pinsoopan mokiijo' i Laigan nu Tumpu sahingga popasannyo najingkamo hondo.

YEHEZKIEL 15:7

Aku mohukumo aha. Maumo ahi' aha madi' kinaan nu apu, panyo apumo ahi' na monsilakai aha. Sahingga nu sumbu'je nu belemiu taalu' Akumo ahi' na Tumpu.

YEHEZKIEL 9:2

Lia-lia tinokamo mae na mian aha anom lengkat mae isambiha' nu sabatan daka anu sasu Utara Laigan nu Tumpu, toto samian nomboa mae toongon bau pahampate. Hingga-hinggat mae tiba aha daagi' ko mian baju'nyo hude lenan ka' nomboa mae anu bau pontulisan. Aha ninsoopmo ka' tinuminjo koko mezbah tambaga.

AMOS 3:14

I sinaanyo Aku nohukumo mian nu Israel kalana dosa' nu aha, Aku mohansunimo to mezbah-mezbah ponsomban kiijo' i Betel. Toto sa'angu' na mezbah ponsomban okolongimo na to pupuusnyo sahingga mohobo'mo mokaiyong i tano'.

AMOS 7:17

Tumpu notatae tukoo-Nyo bengkele' nu beleyum tinimbalimo mian masala' i jala-jalan nu kota' ka' to ana-anak nu beleyum opateimo i pahampatean. Tano' nu beleyum obagi-bagimo hi mian sangga'at, ka' suele beleyum silakamo ilipu' anu madi' palesaya hi Tumpu. Mian aha i Israel memang oboamo ka' opojoongmo i sa'angu' na tampat, majo'on ilipu' nu aha.”

AMOS 7:9

Iwi-iwi' na tampat anu pinake nu tulunan i Ishak binau pogalejaan ohansunimo. Iwi-iwi' na tampat anu susi' nu mian Israel oideimo. Kuhopu'imo na tulunan i Tomundo Yerobeam.”

HABAKUK 3:13

Belento najumo na ilumajang kahanda' da mompobebasmo mian nu Belento anu pinalesayamo. Ka' mule' da momposalamatmo tomundo' anu pinile'anmo nu Belento. Sinanti-santipmo nu Belento ka' tinombahangkangmo na to pola-polaya' nu mian anu palaganta. Ginalisanmo nu belento iwi-iwi' na anu monsangaja'i ia.

ZEFANYA 1:12

Tempo'nyo aitu Aku mongalamo potong ka' mompalesa ka' molio apa-apaa kiijo' i kota' Yerusalem. Ku hukumo na mian anu jojoong ikiijo' ka' anu madi' montapali ka' anu ola mosi pa'osa nu butongnyo ka' anu bapikin tukoonyo Aku, Tumpu anu madi' toho' mombau sumo aiya kabai sumo aijo'.

ZEFANYA 2:14

Ikiijo' sampahas na binatang ka' lupa-lupa na binatang saidi mae lewa'mo lumukut ka' milawe. To tomo-tomonsi' mongkoek mimpetamo i kota' aijo' anu na'idekmo ka' lewa'mo umonyi' aijo' mae i tolongan. Tomonsi' papa' saidi' mae lewa'mo umonyi' i tumban nu sabatan. Kau'cemara anu i bangunan iwi-iwi' na kota' aijo' saidi' mae mingkotmo na lewa' o ala nu mian.

YOHANES 1:18

Madi' ko anu toho'mo nontoa Tumpu, de misa' anak nu Tuuma anu samba-sambatumo, anu pokakana tiba Tuuma ka' anu mompahakona hondo Ia. Ia na anu momponyata' Tuuma hi kita.

YOHANES 1:32

I Yohanes suele nompoto'imo anu sinakisiannyo aiya, “Aku nontoa Roh nu Tumpu nintatau' sumo tomonsi' malapati', lengkat mae i langit ka' nanintengke' i buan-Nyo.

SISIKON NU TO RASUL-RASUL 26:13

Ka' tempo'nyo aku i totonga' nu jalan sonsu-sonsu'un na sinaa, kita Tomundo' Anu Opopodaka', aku nontoamo jingka lengkat i langit, molabihi jingka nu batu nu sinaa. Jingka aijo' nonjingkai titikub butongku ka' nontikubi to mia-mian anu i lumajang hingga-hinggat tiba aku. Kami iwi-iwi' notua' i tano'.

YOSUA 10:18

“Lingginakon mokiijo' na batu anu toto daka-baka' i sabatan nu liang aijo', ka' pojoong na anu monjagai ikiijo',” na koonyo i Yosua,

ANU PINOTO'I HI YOHANES 1:17

Salatan tinoangkumo na Ia, aku dinumaladupu i ahop-Nyo sumo mian anu sinilakamo. Panyo Ia nompotiik lima-Nyo koanan hi belengku ka' notatae, “Boli mabuhuk! Akumo na anu i momonanyo ka' anu imihinyo.

ANU PINOTO'I HI YOHANES 8:3

Samian na malaikat sangga'at, anu nomboa sa'angu' na tampat pompapuan kamangian, mosoni' na tinutuk, tinoka ka' tinuminjo i ahop nu mezbah. Ia binee'an manjoo' hondo na kamangian da okakambuhakon i anu osombahkon aijo' i mezbah anu mosoni' na tinutuk ka' iwi-iwi' na do'a nu mian anu pinalesayamo hi Tumpu Allah suele nu kona nu kamangian aijo' anu o sombahkon i mezbah mosoni' na tinutuk anu aijo' i ahop nu kasuhangan.