AMOS 8:8 - KITAB NU TUMPU ALLA LELE MA'IMAI'

⁸ Dunia langkakatanmo ka' iwi-iwi' na mian susa'mo na kinyonyoa. Songko-songko na lipu' tolohunjongmo ka' madi'mo daagi' tenda susumo Kaunyo nu Nil.

AMOS 8:8 ပူးပေါင်းရင်းမြစ်များ

MAZMUR 18:7

I uno nu kasusa'anku aku nongkakasemo hi Tumpu, aku nolobo'mo hi Tumpu-ngku mongkakase da otulungi. Kiita' mae i laigan-Nyo i hongo-Nyomo mae na potataengku ka' nontutugiakonmo mae apaa na anu kinakase'kumo.

YESAYA 5:25

Tumpu montambuha'imo bansa-Nyo. Ia binalasiapmo da mohukumo aha. To Bungku-bungkutnyo gayu'anmo; bangke' nu mian anu sinilakamo motanatamo susumo duhehe i tutuus jalan. Panyo Tumpu daagi' tataap motambuha' ka' mule' daagi ahi' mohukum.

YEREMIA 12:4

Daagi' toka hipian na kopinnyo lipu' aiya manggasmo ka' hemputnyo magayoumo i iwi-iwi na ale'? Tomonsi' tiba binatang sangga'at natemo kalana palabuatan ma'idek nu bansa mami. Aha notatae, tukoonyo nu aha aku madi'mo montoa pa' mosia na ka ahenannyo saidi' mae na aha.”

YEREMIA 46:7

Ihe na ia anu nosawe'mo susumo uee nu Kaunyo Nil, susumo kaunyo anu nongiaba'imo sinin na sonibinyo? Aijo'mo lipu' Mesir. Ia notatae, ‘Aku totinjomo ka' mongkuasaimo tano'. Ku hansunimo na kota iwi-iwi' tiba mian anu jojoong ikiijo'.

YEREMIA 51:29

Tano' gayu'anmo ka' tananggahanmo kalana Aku momposidamo tanga'an-Ku da opojadimo na Babel tampat anu kunmo anu madi'mo daagi' nu jojoongi nu manusia.

DANIEL 9:26

De lapasmo na aijo' polaya' anu pinile'anmo nu Tumpu opateimo, padahan ia madi' ko kasala'an. Sahingga tokamo mae na suludadu nu tomundo', samian na anu baani hondo lantas mohansunimo kota' Yerusalem tiba Laigan nu Tumpu. Kakiamatan tokamo mae susumo iaba' anu momboamo mae pahampahampatean tiba kahansunan susumo anu tinantukanmo nu Tumpu.

HOSEA 10:5

Mian anu jojoong kiijo' i kota Samaria mabuhukmo; aha tiba to ima-imam anu mongulus sapi' mosoni' kiijo' i Betel molibosmo ka' lewa'mo humang kalana kaholomatan nu pilogot nu aha aijo' imadi'anmo.

HOSEA 4:3

Kalana aijo' lipu' aiya timbalimo mateges ka' batu-batu anu tumuu' ikiijo' matemo. Batu-batu binatang anu i langa ka' i katano'an ka' i ambai mohopu'mo.”

AMOS 8:10

Iwi-iwi' na lamean nu belemiu Ku bali'i timbali mohangi anu silaka, ka' nyanyian nu belemiu timbalimo montando'i. Ku bauje na belemiu mongkiis bulu nu ubakum ka' mompake hude kalung pontandai molibosmo. Belemiu timbalimo susumo tina tuuma anu mohangi anaknyo anu sa'a-sa'angu'nyo sinilakamo. Sinaa aijo' kapupusannyo talalo hondo mompopolibos.”

AMOS 9:5

Dunia tinolohunjongmo ka' mian anu jojoong i dunia sinusa'mo kalana i henggomo nu Tumpu anu Matangkas ka' Daka' na kuasanyo. Susumo Kaunyo nu Nil iyaba' ka' mo'oti sumo aitumo na aha moliba' lantas nanabu'.

NAHUM 1:8

Susumo iyaba' anu daka' monganjuhakonmo; ka' ihansunan-Nyomo na to sampo-sampo bali'-Nyo. Aha anu baani mongewa Ia, pinotudun-Nyomo na kasilakaan sahingga sinilakamo.

MATIUS 24:30

Lapas aijo' tanda Anak nu Mian otoamo aita' i langit. Tempo'nyo aitu iwi-iwi' na bansa i dunia humaangmo. Aha montoamo Anak nu Mian toka aita' i bawo nu kundom tiba kuasanyo anu daka' hondo.