AMOS 8:5 - KITAB NU TUMPU ALLA LELE MA'IMAI'

⁵ Belemiu notatae i posi butong nu belemiu, “Ibe na kinopinnyo na sinaa mombau lamean. Ku kahanda'i da lia-lia' opobaluk na gandumto, panyo lamean aijo' madi' sampa lapas. Hipian na sinaa nu Sabat lapasmo, da kita kahanda' mobaluk mule'? Kita mongka'ima'i mobaluk mompake jalan anu madi' ma'ima', ka' mongakali nu takalan ka' mongakali nu timbangan.

AMOS 8:5 ပူးပေါင်းရင်းမြစ်များ

2 TOMU-TOMUNDO' 4:23

“Kadaka' sabole-bole mamba uuka aiya?” na koonyo nu langkai'nyo. “Sinaa aiya misa' sinaa nu Sabat ka' mule' misa' sinaa molame'akon Bitu'on Bu'ou.” “Madi' mongkuka,” na koonyo.

NOSABATMO 31:13

da mombebakon hi bansa Israel, “Lame'akon na sinaa nu Sabat, sinaa anu tinantukan-Kumo salaku sinaa pilawean. Sampetoka sidu-sidutu' sinaa aijo' baumo pontanda'i da boli okolilimi nu belemiu na Aku, da osumbu' nu belemiu, taalu' Akumo aiya na Tumpu, ka' taalu' Akumo na mompotimbali belemiu bansang-Ku.

AMSAL 11:1

Tumpu mongka'ideki mian anu mompake timbangan anu mongakali; panyo Ia sanang hi mian anu mompake timbangan anu totu'u.

AMSAL 16:11

Tumpu mongkahanda'i mian anu madi' tageo' na kinyonyoanyo ihan badagang; ka' mule' monggunakon timbangan ka' ihan monsukat.

AMSAL 20:23

Timbangan ka' batu timbangan anu madi' totu'u madi' nu talima nu Tumpu.

YESAYA 1:13

Palasuma hondo na momboa mae anu osombahkon nu belemiu aijo. Aku monguahimo mamongook nohongnyo. Ku ka'ideki ka' madi' ko poko tahan na montoa belemiu molame'akon Bitu'on Bu'ou, to sina-sinaa nu Sabat ka' to sina-sinaa anu olame'akon ka' mule' kasintomuan-kasintomuan nu agama. Iwi-iwi' aijo' ihumimianmo nu dosa-dosa' nu belemiu sumomo boaon-Ku; Aku kinainmo na nonsimbu.

YESAYA 58:13

Tumpu notatae, “Holomati na sinaa nu Sabat sinaa bau ponsomban Tumpu. Boli ola mongkalesang posi kapentingan nu belemiu isinaa aijo'. Lame'akon na sinaa aijo' salaku sinaa anu ma'ima'; holomati na sinaa nu Tumpu, boli mamba moyaya: boli mokalaja kabai montaloakon potatae anu madi' kokaliangannyo.

HOSEA 12:7

Kalana aijo' belemiu lee'i Yakub palesaya ahi' na Tumpu nu belemiu ka' po ule' mamba mae hi Ia. Tumuu'saja' mongkalibosi ka' madi' tageo' na kinyonyoa, ka' saba-sabaan ahi'na montanda'i da Tumpu je ahi' na montantukan apa-apaa.

HOSEA 12:8

Tumpu notatae hi aha bansa Israel, “Belemiu tageo' na kinyonyoa sumomo mian nu Kana'an; to pada-padagang nu belemiu saja' mongakali mian anu lewa mongoli hi belemiu balang, mompake timbangan anu madi' totu'u.

IMAMAT 19:36

Pake na meten, pontimbangan ka' pontakalan anu totu'u. Akumo na Tumpu Allah nu belemiu, ka' binoang-Kumo mae na belemiu nosabat lengkat mae i Mesir.

ZAKHARIA 5:6

Pinokilawangkumo, “Apaa na a aijo'?” Tinaamannyo, “Sa'angu' na kalajang aijo' mongibalatakon dosa' iwi-iwi' nu lipu' aiya.”

ZAKHARIA 5:8

Malaekat aijo' notatae, “Boune aiya mongibalatakon palabuatan anu ma'idek.” Lantas boune aijo' inyonyohakonnyomo da po ule'mo minsoop mokaiyong i uno nu kalajang ka' po ule'mo kinolobannyo na kalajang aijo'.

MALEAKHI 1:13

Belemiu notatae, ‘Na osamo na kita nu han aijo' iwi-iwi'’, ka' mule' belemiu madi'mo nompajuli Aku. Belemiu nomboamo mae binatang anu tinomang, binatang anu pengko' madi'mo moko ala lumajang kabai anu masakit aijo'mo na sinombahkon mae hi beleng-Ku. Ugaat koonyo nu belemiu Ku ala na palasombahan nu belemiu aijo'?

NOMBILANGMO 10:10

Ka' suele i sinaa belemiu balame-lame'mo, i Lamean Bitu'on Bu'ou ka' lamean miu sangga'at, tolompet aijo' tionyo ahi' o puuhi ka' opo'onyi' de belemiu monsombahkonmo anu opotunu ka' koloban bau pompodame hi beleng-Ku. Sahingga Aku na montulungi. Akumo na Tumpu Allah nu belemiu.”

KOLOSE 2:16

Mokonyo aijo' boli mompojohok mian mompisala'i komiu mongkona kaanon kabai inumon, kabai mongkona sinaa daka' nu agama, kabai molame'akon bitu'on bu'ou, kabai mongkona sinaa nu Sabat.

1 SAMUEL 20:5

Tinaaman i Daud, “Sumo uuka, dodop Molame'akonmo Bitu'on Bu'ou ka' sabenannyo ahi' aku mongkaanmo hingga-hinggat tiba i tomundo'. Panyo de beleyum mongka'oho' ahi' aku mambamo ka' maninsulukmo i padang sampe toka hipuan malom.