AMOS 8:3 - KITAB NU TUMPU ALLA LELE MA'IMAI'

³ I sinaa aijo' iwi-iwi na nyanyian i laigan nu tomundo tinimbalimo haang. Iyaya mae nososalonganmo na to maya-mayat anu ingalinmo madi' kino hengge-hengge'.”

AMOS 8:3 ပူးပေါင်းရင်းမြစ်များ

MAZMUR 39:9

Pimpaliakon mae na aku idosa'ku iwi-iwi', boli opojohok na aku sola'mo nu kokojoi nu mian anu ponga'.

YESAYA 37:36

Pihi-pihimo aijo' na malaekat nu Tumpu tinoka ibinakema'an nu Asyur ka' nompateimo 185.000 na suludadu. Dodododopnyo subu-subu bangke haha aijo' singkapmo sika-sika bandang.

YEREMIA 22:18

Kalana aijo' mongkona i Yoyakim tomundo' nu Yehuda, anak momo'ane i Yosia tinaloakonmo nu Tumpu sumo uuka, “Ia silaka madi'mo ohangi; madi'mo daagi' ko anu motatae, ‘Paya' na sangalungku, paya'.’ Madi'mo daagi' ko anu susa' kalana molibos kabai moloboo', ‘Paya' na anu obagi tumpu!’

MOHAANGI 2:10

Aha to tu'a-tu'anyo nu kota' momo'mo suha-suhang i tano'; aha nongkakambuhakonmo abu' aita i ubak nu aha, ka' nompakemo hude kalung salaku tanda sinusa'mo Tolalangkoyang nompodukumo ahi' suele ubak nu aha toka-toka i tano'.

YOËL 1:11

O topo ale', tando'imo! O topo bau ale' nu anggur haangimo! Kalana gandum, ka' jelai ka' iwi-iwi' na anu pinadak i hansunmo.

YOËL 1:13

O to imam-imam anu mokalaja i mezbah pakemo na hude kalung ka' haangmo. Pinsoopmo i Laigan nu Tumpu da montando'i sampa-sampahu, kalana madi' ko koloban anggur ka' gandum anu osombahkon hi Tumpu nu belemiu.

YOËL 1:5

O anu lewa' malangu, pobulamo! O anu lewa' monginum haangmo! Kalana anggur anu salaje ingagoanmo lengkat atina' i nganga' nu beleyum.

IMAMAT 10:3

Lantas i Musa notataemo hi Harun, “Aijo'mo na anu kokoonyo nu Tumpu tempo'nyo Ia notatae, 'Iwi-iwi' na anu mombau apaa na anu Ku poto'i tionyo ahi' mongadati kasusi'an-Ku. Aku mompotoamo katalasanggoan-Ku hi aha iwi-iwi' bansang-Ku.' ” Panyo i Harun ola nomohokot.

AMOS 4:10

Ku pakatuimo panyakit anu molele hi belemiu susumo anu pinakatung-Ku nokiijo' i Mesir. To oli-olitau ka' to lalangkoyang nu belemiu pinatean-Kumo i pahampatean, ka' to aja-ajahan nu belemiu ingagoanmo. Inguna'an-Ku mo na kemah nu belemiu – tiba to maya-mayat anu nabusikmo nonsongutmo suung. Maumo sumo aijo' belemiu madi' ahi' minsusule' mae hi beleng-Ku.

AMOS 5:16

Tumpu Anu Daka' na Kuasanyo notatae, “I iwi-iwi na jalan nu kota' mian saja'mo humang ka' lewa'mo molibos. Ka' anu topo ale' i lagamo da montando'i tiba to mia-mian anu tinamboan da montando'i mian anu silakamo.

AMOS 5:23

Bolimo manyanyi nyanyian nu belemiu anu momposiing bihing aijo', Aku madi' mohongo pahaik kasapi nu belemiu.

AMOS 6:4

Silakamo na belemiu anu male' i kamale'an anu to ima-ima', ka' nombaumo bau-bauon nongkolotmo sapi' tiba domba anu daagi' bata'nyo!

AMOS 6:5

Belemiu sanang na mombabali'i nyanyian susumo anu binaumo i Daud ka' belemiu mompahaikakon lagu-lagu aijo' tiba kasapi.

AMOS 6:8

Totu-totu'u hondo, Tumpu Anu Matangkas na Kuasanyo nompokinde'imo, “Aku mongka'ideki katabuulan nu mian nu Israel; Aku madi' sanang na montoa to lai-laigan nu to tomu-tomundo anu talalo ma'ima'. Puso nu kota' nu aha iwi-iwi' tiba anu daagi' i unonyo, Ku bee'mo hi sampobali'.”

AMOS 8:10

Iwi-iwi' na lamean nu belemiu Ku bali'i timbali mohangi anu silaka, ka' nyanyian nu belemiu timbalimo montando'i. Ku bauje na belemiu mongkiis bulu nu ubakum ka' mompake hude kalung pontandai molibosmo. Belemiu timbalimo susumo tina tuuma anu mohangi anaknyo anu sa'a-sa'angu'nyo sinilakamo. Sinaa aijo' kapupusannyo talalo hondo mompopolibos.”

NAHUM 3:3

Tompukan nu suludadu anu nonsake'i ajahan binaanimo hondo na nontumbuhi, bajak jinoliotanmo ka' talombo' jinongkilabanmo. Mian anu sinilakamo madi'mo pinoko bilang na bangke' nu mian anu sika-sika tambun. Sahingga mian anu lumajang tosumpunmo.

ZEFANYA 1:7

Sinaa nu Tumpu ohanimo mae toka, isinaa aijo' Tumpu nongalamo sa'angu' na katantuan; kalana aijo' bolimo daagi momoya mompala'i Ia. Tumpu hau-haunyomo mosadia monsilakaimo mian-Nyo anu pinalesayamo susumo koloban anu osombahkon ka' Ia nolagamo to sampo-sampo bali' nu aha Yehuda.