AMOS 8:14 - KITAB NU TUMPU ALLA LELE MA'IMAI'

¹⁴ To mia-mian anu basumpa' tiba sanggo nu pilogot Samaria ka' notatae, ‘Tiba sanggo nu pilogot bansa Dan’, kabai ‘Tiba sanggo nu Pilogot Bersyeba’ – tombahangkangmo ka' madi'mo daagi' mobula.”

AMOS 8:14 ပူးပေါင်းရင်းမြစ်များ

1 TOMU-TOMUNDO' 12:32

Lapas aitu imam haha aijo' pinaha pojoongmo i Yerobeam i Betel mokalaja kiijo' mae ka' ia suele nonsombahkonmo koloban hi sapi' mosoni' haha aijo' anu binaunyomo aijo'. Lantas tinantukannyomo de tangganmo sampulu' ka' olima' bitu'on ko ualu'nyomo, aijo'mo na sinaa daka' nu mian Israel, pokakanamo sumo sinaa daka' hi aha mian nu Yehuda. Toka sinaa aijo' i Yerobeam mambamo i Betel ka' monsombahkonmo koloban olame'akon sinaa daka' anu tinantukannyomo.

1 TOMU-TOMUNDO' 14:16

Nu pala'imo nu Tumpu na Israel kalana i Yerobeam binaladosa'mo sahingga nonsaduakonmo suele Israel binaladosa'mo.”

1 TOMU-TOMUNDO' 16:24

Panyo' lapas aijo' ia nongolimo sa'angu' na bungkutnyo olinyo 6.000 na doi salaka hi mian sanggonyo i Semer. Lantas ia nombaumo sa'angu' na kota' i bungkutnyo aijo'ka' sinanggohannyo Samaria, pinosanggonyomo hi Semer, tumpunyo u'utu mae nu bungkutnyo aijo'.

2 TOMU-TOMUNDO' 10:29

Kalana aitu koonyo nu Tumpu hi Yehu sumo uuka, “Iwi-iwi' na anu pinalentahkon-Kumo hi beleyum mongkona lee' i Ahab binaumo nu beleyum. Kalana aijo' Aku balajanji' to maku-makumpu nu beleyum sampe toka-toka i lapisan anu ko opatnyomo na lee' nu beleyum aijo' na timbali bau tomundo' nu Israel.” Panyo i Yehu madi' talalo buke-buke na kinyonyoanyo montuluti atulan nu Tumpu, Tumpu Allah nu Israel. Ia nontulutimo apaa na anu binaumo i Yerobeam anu nonsaduakon mian nu Israel binaladosa'mo kalana nonsombahmo sapi' mosoni' anu pinotinjonyo i Betel tiba kiijo' i Dan.

2 TAWARIKH 36:16

Panyo aha madi' nontapali to mia-mian anu sinai mae Tumpu Allah aijo', ka' lewa' mongkokojoi to nabi-nabi-Nyo ka' madi'mo nontapali potatae-Nyo. Ahennyo Tumpu notambuha'mo hondo hi aha sahingga madi'mo daagi' ko jalan anu nubau nu aha da madi'mo mohumpak hukuman.

MAZMUR 140:10

Boli opobee' na mian anu monsampobali aku, untung na mahampate; bakas da potatae anu nutaloakon nu aha mongkona butong nu aha anu mompobau-bau mae aku.

MAZMUR 36:12

Boli opojohok na aku nu tumbuhimo mae nu mian anu buulon, kabai nu laa'mo nu mian anu ma'idek na palabuatannyo.

AMSAL 24:16

Kalana, maumo pe'e mian anu madi tageo' na kinyonyoanyo saja' manabu', panyo saja' ia po'ule' mobula. Panyo mule', mian anu ma'idek na kinyonyoanyo timbali hansun totu-totu'u nu balaa' anu montokai ia.

AMSAL 29:1

Ihe na ola saja' monggagakon de opokinde'i, toka na tempo'nyo timbali hansun ka' madi' daagi' opoko ala opokopiani.

YESAYA 24:20

Loda nu tano' mahasulonanmosusumo mian anu nalangumo ka' gayu'anmo susumo tahop tinuda'mo nu tobusisi'. Tano' mohobo'mo kalana piniboatanmo nu dosa'nyo. Ia hansunmo ka' madi'mo po ule' tuminjo.

YESAYA 43:17

Ia nompalentahmo suludadu biasa tiba suludadu anu toto tangka-tangkas na pangkatnyo da mahampatemo, ka' aha nambamo notumbuhi sinumake ikareta anu nu hela' nu ajahan. Panyo aha tinombahangkangmo ka' madi'mo noko ala po ule' tinuminjo, aha sinilakamo susumo sumbu nu sulu' anu nopoho'mo.

YEREMIA 25:27

Lantas Tumpu notataemo mae hi belengku, “Poto'i hi aha mian haha aijo' taalu' Aku, Tumpu Anu Balakuasa Tumpu Allah Israel mompalentah aha da monginum sampe malangu ka' sola' molua'i. Ku usahakon na aha da tombahangkang ka' madi'mo daagi' po ule' mobula kalana pahampatean anu Ku potokamo mae hi aha.

YEREMIA 51:64

Ka' otaloakon, ‘Sumo aiya na saidi' mae jadi i Babel. Lipu' aiya saidi' mae molomosmo ka' madi'mo daagi' lubat mae kalana aha tinuda'anmo nu balaa' nu Tumpu.’ ”

HOSEA 10:5

Mian anu jojoong kiijo' i kota Samaria mabuhukmo; aha tiba to ima-imam anu mongulus sapi' mosoni' kiijo' i Betel molibosmo ka' lewa'mo humang kalana kaholomatan nu pilogot nu aha aijo' imadi'anmo.

HOSEA 13:2

Sampe uuka aiya to mia-mian nu Efraim haha aijo' daagi saja mobau dosa' kalana aha nombaumo iwi-iwi' na patong salaka da osombah – patong anu tinanga'an nu akan nu mian ka' binau nu lima nu manusia. Aha notatae, “Sombahkonmo na koloban hi patong haha aiya!” Madi' minsoop i akan na mian mongooki patong anak nu sapi'!

HOSEA 4:15

O belemiu mian nu Israel, belemiu madi' tulu-tulutan hi beleng-Ku! Panyo, Ku taha'imani Yehuda madi' mombau kasala'an anu sumo aijo! Bolimo mogaleja i Gilgal kabai i Betel. Boli basumpa' ikiijo' mae tiba sanggo nu Tumpu anu tumuu'.

AMOS 5:1

Potombihing mae mian nu Israel! Aku kahanda'mo monyanyiakon hi belemiu sa'angu' na nyanyian de ko anu silaka:

AMOS 5:2

Notua'mo na Israel anu sala'je lumangkoyang, ia madi'mo daagi' moko pobula! I posi tano'nyo ia pinojohokmo, madi' ko anu nontulungi ia da tuminjo.

AMOS 5:5

Boli mamba mokiijo' i Bersyeba da mogaleja. Boli molio Aku kiijo' i Betel, kalana Betel saidi madi'mo. Boli suele mamba mokiijo' i Gilgal, kalana anu jojoong i kota' aijo' oboamo i tampat pompojoongan.”

MIKHA 1:5

Iwi-iwi' aijo' saidi' mae jadimo kalana aha mian nu Israel binaladosa'mo ka' saja'mo notomuhuk hi Tumpu. Ihe na nonsaduakonmo aha mian nu Israel sahingga binaladosa'mo? Temisa' Samaria ahi' puso nu kota' Yerusalem?

ZEFANYA 1:5

Ku sapuimo iwi-iwi' ihe na saja' moliba' aita' mae i atop ka' monsombah batu nu sinaa, bitu'on, ka' to manda-mandala'. Saidi' mae Ku hopu'imo na aha anu monsombah Aku ka' mule' binasumpa'mo da tulu-tulutanmo hi beleng-Ku, panyo mule' ahi' binasumpa'mo hi sanggo nu Tominuat Milkom.

SISIKON NU TO RASUL-RASUL 18:25

tiba ingajanmo da monsumbu' ajalan mongkona i Yesus. Sahingga bikas hondo na ia mongajan ma'i-ma'ima' mongkona i Yesus, mau pe'e sala'je palamandian i Yohanes na anu sinumbu'nyo.

SISIKON NU TO RASUL-RASUL 19:23

Ugaat tempo'nyomo aitu na kahengge'an anu talalo daka' tinimbali i Efesus kalana ajalan mongkona i Yesus.

SISIKON NU TO RASUL-RASUL 19:9

Panyo to pia-piangkuka na anu hi to mia-mian aijo' panggaga ka' madi' mongka'oho' palesaya. I ahop nu iwi-iwi' na mian anu binalagombu i kiijo' aha mongalu ajalan mongkona tanga'an nu Tumpu Allah da momposalamat mian hi Yesus. Mokonyo aijo' i Paulus nompala'i aha, lantas namba tiba anu saja' mombatuki Yesus nokiijo' i tampat pongajanannyo i Tiranus. I kiijo' mae toka nu sansina-sinaa ia paimpoki-pokilawan tiba to mia-mian.

SISIKON NU TO RASUL-RASUL 24:14

Hondo-hondomo tionyo ku akui hi kita Tuan, saba' aku monsombah Tumpu mompolee' mami mombatuki pangajalan i Yesus anu nusangka nu aha sala'. Panyo daagi' ku palesaya na iwi-iwi' anu tinulis i uno nu Kitab i Musa ka' i Kitab nu to Nabi-nabi.

SISIKON NU TO RASUL-RASUL 9:2

ka' nompoita sulat kuasa da mamba hi to pola-polaya' i to lai-laigan pogalejaan mian nu Yahudi i Damsyik, da de ia mompaha kabot kiijo' mae to mia-mian anu palesayamo hi Yesus, ia timbali mohakop aha, ka' momboa aha mokiijo' i Yerusalem.

PO'ULE' INGULIT 33:11

Tumpu, tulungiakon na tulunan nu bansa aiya da aha mahoson, de timbali da kita sanang na montoa kalaja nu aha. Pateiakon iwi-iwi' na sampobali' nu aha sahingga aha madi'mo daagi mongewa mae.”

PO'ULE' INGULIT 9:21

Patong sapi' logam na tinutuk, i lumbu'akonku i apu. Lantas i hansunanku ka' inguja'ku sampe nahute susumo abu', ka' abu' aijo' i lumbu'akonku i sepe' anu ko ueenyo mo'ili mae lengkat i bungkutnyo aijo'.