AMOS 8:12 - KITAB NU TUMPU ALLA LELE MA'IMAI'

¹² Mian mambamo iyaya mae lengkat pe'e i utara mokaiyong i selatan, ka' lengkat i kabete'an mokiijo' i kinsoban da mohumpak potuunon-Ku, panyo aha madi' nompahakabot.

AMOS 8:12 ပူးပေါင်းရင်းမြစ်များ

AMSAL 1:28

Tokaje na tempo'nyo susumo aijo', belemiu molagaje aku panyo aku madi'mo mongkabot taami. Belemiu molioje aku iyaya mon panyo madi' okabot na aku.

AMSAL 14:6

Mian anu takabun madi' timbali pande; panyo mian anu pande dengke na balagulu'.

AMSAL 29:18

Bansa anu madi' nohumpak pangajalan lengkat mae hi Tumpu, timbali bansa anu saja' mombau kahengge'an. Mohumpak kabilahian kantumuu'an namian anu tulu-tulutan hi atulan nu Tumpu.

YEHEZKIEL 20:3

“O, manusia anu madi' tumuu' batu, potatae hi aha to pola-polaya' haha aijo' ka' poto'i hi aha saba' Aku, Tumpu Anu Matangkas na Kuasanyo notatae mae sumo uuka, ‘Baani hondo mae na belemiu momoita pokinde' hi belengku! Atas sanggong-Ku, Aku Tumpu Allah anu tumuu', Aku madi'mo halala' na pomoitan mae pokinde' nu belemiu! Aku, Tumpu Anu Matangkas na Kuasanyo notataemo'.’

YEHEZKIEL 20:31

Ka' mule' sampe sinaa uuka aiya belemiu suele ahi' mohumimi'i butong nu belemiu momomboamo palasombahan ka' mompapuimo to ana-anak nu belemiu salaku koloban hi to pilo-pilogot. Lantas daagi' mule' ahi' na belemiu momoita mae pokinde' hi beleng-Ku? Atas sanggong-Ku, Tumpu anu tumuu', Tumpu Anu Matangkas na Kuasanyo, belemiu madi'mo Ku pobee' momoita mae pokinde' hi beleng-Ku.

DANIEL 12:4

Lantas malaekat aijo' notatae mule' hi belengku, “Daniel, tutupmo na kitab atina' uuka aiya ka' pokonaimo segen da tataap tatutup sampe tokamo na tempo'nyo nu kakiamatan. Manjoo' na mian anu kahanda' monsoba monselidiki apaa na anu jinadimo uuka aiya. Panyo usaha nu aha madi' kino gunanyo.”

HOSEA 5:6

Aha nambamo nolio Tumpu ka' nomboamo domba tiba sapi' da bau koloban panyo iwi-iwi' aijo' madi'mo kinogunanyo. Kalana Tumpu nompala'imo aha ka' mule' aha madi'mo daagi nompahakabot tiba Ia.

MATIUS 12:30

Mian anu madi' matihapa' hi beleng-Ku, totu-totu'unyo mombahakon Aku. Ka' mian anu madi' montulungi Aku, totu-totu'unyo mongidei pakalaja'an-Ku!

1 SAMUEL 3:1

Hau-haunyo aijo' i Samuel anu daagi anak aijo' nokalajamo apaa na anu nu palentahkon nu Tumpu, i Eli na mongatun ka' mompotiju. Tempo'nyo aijo' madi'mo toho kino palentah ka' apa-apaa na anu otoa lengkat mae hi Tumpu.