AMOS 7:4 - KITAB NU TUMPU ALLA LELE MA'IMAI'

⁴ Aku nontoa mule' lengkat mae hi Tumpu Anu Matangkas na Kuasanyo. Tinoangku Ia hau-haunyo mosadiamo da mohukumo nu apu mian anu palesayamo hi Ia. Apu aijo' nolele nontisimo ndalangon i dunia aiya ka' lewa'mo nontoyo'i ale'.

AMOS 7:4 ပူးပေါင်းရင်းမြစ်များ

YESAYA 27:4

Aku madi'mo daagi' motambuha'. De bisuanyo ko hemput kabai kuhat anu ko hii'nyo, Aku na mompatei ka mompapui sampe mingkot.

YEREMIA 4:4

Toongi na palajanjian nu beleyum tiba Aku, Tumpu nu beleyum ka' posadiamo na butong nu beleyum da bau kapalaluan-Ku o belemiu anu jojoong i Yehuda tiba Yerusalem. De madi' ahi', saba' tambuha'-Ku saidi' mae tahahumo ka' montoyo'imo susumo apu anu madi'mo opoko ala opatei maumo ahi' pa' hihe. Iwi-iwi' aijo' mongkonamo butong nu beleyum kalana palabuatan nu beleyum ma'i-ma'idek aijo!”

YEHEZKIEL 21:3

taalu' Aku, Tumpu nompoto'imo mae sumo uuka, ‘Aku aiya sampobali' nu beleyum. Ku keatmo na bajak-Ku ka' mompateimo belemiu iwi-iwi' mau anu ma'ima' na kinyonyoanyo kabai anu manonong.

YOËL 1:19

Aku momoita tulung i Belento O Tumpu kalana to pada-padang hemput i nanggasmo totu-totu'u. To kau-kau' suele i nanggasmo ka' natemo mimbalu-balu'mo kinaanmo nu apu.

YOËL 2:30

I langit ka' i tano' Ku bauje manjoo'hondo na anu okabangangi. Ka' daagi'je ko anu monjujuhakon baso', moak nu apu ka' tibuk anu kumomponmo.

IMAMAT 10:2

Sahingga Tumpu nontau'akonmo mae apu anu nontoyo'imo aha sahingga i natemo i Kemah nu Tumpu.

AMOS 1:4

kalana aijo' Aku mombee'imo apu mokiijo' i laigan nu Tomundo Hazael ka' mompapuimo to bente-benteng nu Tomundo Benhadad.

AMOS 1:7

Kalana aijo' Aku mombee'imo apu mokiijo' i to paga-pagan mesen nu Gaza, ka' nompapuimo to bente-bentengnyo.

AMOS 2:5

Kalana aijo', Aku mombee'imo apu mokiijo' i Yehuda ka' mompapuimo to bente-benteng nu Yerusalem.”

AMOS 4:11

Sambahagian na belemiu ihansunan-Kumo susumo Aku nohansunimo Sodom tiba Gomora. Anu daagi' tinumuu' na belemiu me susumo lo'uton anu ingala mae aijo' i apu. Maumo sumo aijo' belemiu madi' ahi' daagi' minsusule' mae hi beleng-Ku.

AMOS 5:6

Pinsusule'mo mae hi Tumpu, da belemiu timbali tumuu'. De belemiu madi' minsusule' hi Ia, Ia tokamo mae susumo apu anu molele ka' mompapui mian nu Israel iwi-iwi'. I Betel madi' ko samian pe'e na moko ala mompatei apu aijo'.

AMOS 7:1

Aku nontoa lengkat mae hi Tumpu Anu Matangkas na Kuasanyo. Aku nontoa Ia nompojadi sa'angu' na pahasannyo na kihi-kihi' tempo'nyo aitu mian sala'je noko ala hemput anu obee' hi tomundo, ka' hemput anu sala'je mulai tumuu' mule'.

AMOS 7:7

Aku nontoa mule' sangga'at anu lengkat mae hi Tumpu. Tinoangku Ia tinuminjo i sohipi' nu pagan mesen anu binau nonggunakon kahohon na pinotinjo hodi-hodi. I lima-Nyo Ia nontoongi kahohon bau pongukun aijo' da pontoan pa' pagan aijo' hodi' na tinjonyo kabai madi'.

MIKHA 1:4

To bungku-bungkutnyo hansunmo akaong i pala-Nyo susumo lilin i uno nu apu anu moakmo, tano'nyo motuba-tubasmo minsoopmo mokaiyong i to bangka-bangka'-Nyo, susumo uee anu aita' mae i bungkutnyo mo ilimo mokaiyong i hatanyo.

NAHUM 1:6

Ihe na moko ala montahan de Tumpu pusamo? Madi' ko anu madi' nu kona de Ia motambuha'mo? Ia mompotudunmo kapusan-Nyo anu inoakmo susumo apu, batu hansunmo ka' timbalimo abu' i ahop-Nyo.

NOMBILANGMO 16:35

Lantas Tumpu nompotokamo mae apu anu nontoyo'imo aha 250 na mian, anu nonsombahkonmo kamangian aijo'.

PO'ULE' INGULIT 32:22

Aku motambuha' sumomo apu na ko moaknyo anu montoyo'i toka-toka i dunia tampat nu mian anu natemo. Apu aijo' montoyo'imo dunia iwi-iwi' ka' isinyo, ka' to bungku-bungkutnyo toka-toka i bakatnyo.

IBRANI 1:7

Kona hi aha to mala-malaikat, Tumpu notataemo sumo uuka, “Tumpu mompotimbali to mala-malaikat-Nyo sumo mombuun, ka' to posa-posaihon-Nyo moak sumo apu.”

ANU PINOTO'I HI YOHANES 4:1

Lapas aijo' aku po'ule' mule' nontoa anu pinotoa mae. Aku nontoa sa'angu' na pontumban tinontuhea'mo i suluga'. Lapas aijo' kinahongoan mule' na potatae anu momonanyo noko basisikmo hi belengku sumo onyi' nu tolompet. Potatae aijo' tukoonyo, “Imbo' poliba' mae i aiya. Ku poto'ije hi beleyum apaa na anu timbali saidi' mae.”