AMOS 7:3 - KITAB NU TUMPU ALLA LELE MA'IMAI'

³ Tumpu nombabali'imo tanga'an-Nyo ka' notatae, “Anu tinoa nu beleyum aijo' madi'mo daagi' jadi.”

AMOS 7:3 ပူးပေါင်းရင်းမြစ်များ

KAJADIAN 6:7

sahingga notataemo, “Ku silakaimo na manusia anu binaung-Kumo aijo', ka' suele iwi-iwi' na to tomo-tomonsi' ka' to bina-binatang sangga'at, kalana Aku nompele-pele'mo na nompotimbali aha.”

1 TAWARIKH 21:15

Lapas aitu Tumpu nonsai mule mae samian na malaikat tinoka kijo i ohani pongututan gandum i Arauna mian nu Yebus. Tumpu nombaliimo tanga'annyo. Mohukum bansa aijo ia notatae hi malaikat; sukupo! Belentimo!

MAZMUR 106:45

Kalana nonginau' aha, ia tinonginau'mo i palajanjian-Nyo ka' nongkalibosimo aha kalana daka' hondo na kalibosan-Nyo.

MAZMUR 78:38

Panyo Tumpu mongkalibosi ka' mongampuni mian anu palesayamo hi Ia, ka' madi'mo nompatei aha. Saja'mo ia nongintim tambuha'-Nyo, ka' madi' ahi' mompotudun pusanyo.

MAZMUR 90:13

O, Tumpu, sampe toka hipian na Belento motambuha'? Po'ule'mo mae toka ka' kalibosiakonmo mae na to posa-posaihon nu Belento haha aiya.

NOSABATMO 32:14

Sahingga Tumpu nombee'imo tanga'annyo ka' madi'mo daagi' nompotoka balaa' anu tinanga'an-Nyomo da mongkona bansa aijo'.

YEREMIA 26:19

Panyo i Tomundo' Hizkia tiba aha mian nu Yehuda madi' nompatei i Mikha. Ola ahi' i Hizkia nabuhukmo hi Tumpu ka' nongkakasemo da okalibosi. Sahingga Tumpu madi'mo nonsidahi niat-Nyo mompateimo aha. Ka' uuka aiya, me ise-ise' kita nompotokamo mae balaa' anu daka' hondo iposi butongto.”

YEREMIA 42:10

‘De belemiu mongka'oho' jojoong tataap ilipu' aiya, Ku bangonakonmo na belemiu, misa' montua belemiu; Ku potinjomo na belemiu, misa' mohobo'akon. Aku nolibosmo hondo kalana nompotokamo mae kasilaka'an hi belemiu.

HOSEA 11:8

Tumpu notatae, “O Israel te toho' mule' ahi' belemiu Ku pojohok kabai Ku pala'i. Te toho' mule' ahi' belemiu Ku hopu'i susumo Adma? Kabai pa' Ku baumo susumo Zeboim? Madi' sanang na kinyonyoang-Ku mombau han aijo' kalana liibos-Ku talalo hondo daka-daka' hi beleyum!

YOËL 2:13

Obeak na kinyonyoa nu beleyum ka' misa' ahi' pakean nu beleyum.” Mambamo mae hi Tumpu nu belemiu. Ia talalo saban ka' mongkalibosi hondo, ma'ima' na kinyonyoa ka' talalo hondo manonong. Sanang hondo na mongampuni ka' madi' mongka'ima'i mompokona hukuman.

YOËL 2:14

Ugaat Tumpu nu belemiu mombali'imo tanga'an-Nyo ka' mombee'i balakat hi belemiu anu molabi-labi. Sahingga belemiu monsombahkonmo koloban anggur ka' gandum hi Tumpu nu belemiu.

AMOS 5:15

Ka'ideki na anu ma'idek, ka'ima'i na anu ma'ima' ka' otoongi na ka'adinan. Ugaat Tumpu mongkalibosimo tuha'nyo nu to mia-mian bansa Israel.

AMOS 7:6

Tumpu nombabali'imo tanga'an-Nyo ka' motatae, “aiya mule' madi' ahi' timbali.”

YUNUS 3:10

Tumpu nontoamo palabuatan nu aha; Ia montoa aha nombabali'imo kalakuan nu aha anu ma'i-ma'idek aijo'. Sahingga Ia nombali'imo kaputusan-Nyo ka' madi'mo sinida na nohukum aha.

PO'ULE' INGULIT 32:36

Tumpu momposalamatmo mian anu pinalesayamo hi Ia ka' mongkalibosimo to posa-posaihon-Nyo, de Nu toamo na aha madi'mo moko ala mombau apa-apaa ka' madi'mo ko kahosonan.

YAKOBUS 5:16

Kalana aijo', tionyo ahi' komiu mompaha aku-akui kasala'an ka' mompaha do'a-do'akon, da komiu opa'alin. Do'a nu anu montuluti pongka'oho' nu Tumpu, ko kuasanyo Anu Matangkas.